agriculture news in marathi, water scaricity increase in pune region, maharashtra | Agrowon

पुणे विभागात १५ टॅंकरद्वारे पाणीपुरवठा
टीम अॅग्रोवन
सोमवार, 6 ऑगस्ट 2018

पुणे  : पुणे विभागातील सह्याद्रीच्या पूर्व उतारावर असलेल्या भागात पाऊस पडत असला तरी, कोरडवाहू पट्ट्यात पावसाची दडी कायम असल्याने टंचाई वाढू लागली आहे. विभागातील पुणे आणि सातारा जिल्ह्याच्या दुष्काळी पट्ट्यात असलेल्या दोन गावे आणि सात वाड्यांमध्ये पुन्हा टॅंकर सुरू करावे लागले आहेत. शनिवारपर्यंत (ता.५) पुणे विभागातील सहा तालुक्यांमधील १६ गावे, ७७ वाड्यांमध्ये टंचाई असल्याने तेथे पाणीपुरवठा करण्यासाठी १५ टॅंकर सुरू असल्याचे पुणे विभागीय आयुक्त कार्यालयातर्फे सांगण्यात आले.

पुणे  : पुणे विभागातील सह्याद्रीच्या पूर्व उतारावर असलेल्या भागात पाऊस पडत असला तरी, कोरडवाहू पट्ट्यात पावसाची दडी कायम असल्याने टंचाई वाढू लागली आहे. विभागातील पुणे आणि सातारा जिल्ह्याच्या दुष्काळी पट्ट्यात असलेल्या दोन गावे आणि सात वाड्यांमध्ये पुन्हा टॅंकर सुरू करावे लागले आहेत. शनिवारपर्यंत (ता.५) पुणे विभागातील सहा तालुक्यांमधील १६ गावे, ७७ वाड्यांमध्ये टंचाई असल्याने तेथे पाणीपुरवठा करण्यासाठी १५ टॅंकर सुरू असल्याचे पुणे विभागीय आयुक्त कार्यालयातर्फे सांगण्यात आले.

जुलै महिन्याच्या सुरवातीपासून विभागात पावसाने जोर धरला होता. धरणांच्या पाणलोटात होत असलेल्या दमदार पावसामुळे तळाशी गेलेल्या धरणांमध्ये चांगला पाणीसाठा झाला. मात्र दुसरीकडे कोरडवाहू भागात पावसाची उघडीप असल्याचे चित्र होते. एखाद दुसरी पावसाची सर वगळता अनेक गावांमध्ये जुलै कोरडाच गेला. ऑगस्ट सुरू झाल्यानंतर पावसाने सर्वदूर उघडीप दिली.

परिणामी, दुष्काळी पट्ट्यात पुन्हा टंचाई डोके वर काढू लागली आहे. पुणे जिल्ह्यातील पुरंदर तालुक्यातील १ गाव आणि ७ वाड्यांना, तर साताऱ्यातील कोरेगाव तालुक्यातील एका गावाला नव्याने टॅंकरद्वारे पाणीपुरवठा सुरू करावा लागला आहे. पंधरा दिवसांपूर्वी (ता. २४ जुलै) विभागातील १४ गावे ७४ वाड्यांमध्ये १२ टॅंकरने पाणी देण्यात येत होते. यात पुणे जिल्ह्यातील बारामती तालुक्याच्या दोन गावे, २५ वाड्या, दौंड तालुक्याच्या १ गाव, ४ वाड्यांमध्ये, तर सातारा जिल्ह्यातील खटाव तालुक्यातील ८ गावे ४२ वाड्यांना टंचाईच्या झळा बसत होत्या. त्यानंतर माण तालुक्यातील चार वाड्यांमधील टॅंकर बंदही करण्यात आले.

मात्र शनिवारपर्यंत पुरंदर आणि कोरेगाव तालुक्यात पुन्हा टॅंकर सुरू करावे लागले आहेत. शनिवारी पुण्यातील ४ गावे ३६ वाड्यांमध्ये ५ टॅंकरने, तर साताऱ्यातील १२ गावे आणि ४१ वाड्यांमध्ये १० टॅंकरने पाणीपुरवठा करण्यात येत होता. पावसाची ओढ अशीच कायम राहिली तर विभागाच्या पाणीटंचाईत आणखी वाढ होणार आहे.
 

विभागातील पाणीटंचाईची तालुकानिहाय स्थिती
तालुका   गावे  वाड्या टॅंकर
बारामती २  २५
दौंड
पुरंदर  ७
खटाव
माण  ३८
कोरेगाव

 

इतर ताज्या घडामोडी
संशोधन केंद्राने दिले अवजारे दुरुस्तीचे...चंद्रपूर ः शेतकऱ्यांकडील बरीच कृषी अवजारे देखभाल...
डोंगरपायथ्याच्या भातपिकांवर रोगांचा...सिंधुदुर्ग ः ऊन-पाऊस, ढगाळ वातावरण यामुळे...
मंचर बाजारात मागणीअभावी बटाटा वाणाची...मंचर, जि. पुणे  : येथील बटाटा बाजारपेठेवर...
नगर जिल्ह्यात खरिपात पीक कापणीचे...नगर  ः खरिपातील पिकांची उत्पादकता निश्चित...
नगरचे पाणी बीड नेणार ही फक्त अफवा ः...नगर  : मुळा धरणातून बीडला पाणी नेणार, हा...
शेतीमाल विक्रीसाठी तीन जिल्ह्यांतील...नांदेड : नांदेड, परभणी, हिंगोली जिल्ह्यात किंमत...
`येलदरी`त ११.२९ टक्के उपयुक्त पाणीसाठापरभणी : परभणी-हिंगोली जिल्ह्यांच्या सीमेवरून...
बुलडाणा जिल्ह्यात वादळ, गारपिटीमुळे ८०...बुलडाणा  : गेल्या आठवड्यात बुलाडाणा...
मकाप्रक्रिया प्रकल्प, कॉटनहबसाठी...सिल्लोड, जि. औरंगाबाद : विधानसभा निवडणुकीनंतर...
मोदींनी देशाला बरबाद केलेः राहुल गांधीऔसा, जि. लातूर: मोदी सरकारने काही मोजक्या...
गुलटेकडीत भाजीपाल्याची आवक आणि मागणी...पुणे ः गुलटेकडी येथील कृषी उत्पन्न बाजार...
दडपशाही थांबविण्यासाठी सत्ता परिवर्तन...नगर ः ‘‘महाराष्ट्र राज्यासाठी ही निवडणूक...
गहू पिकावरील मावा किडीचा घेतला जातोय...आंतरराष्ट्रीय कृषी आणि जैवशास्त्र केंद्र येथील...
नगर जिल्ह्यात ज्वारीची पावणे तीन लाख...नगर : जिल्ह्यामधील बहुतांश भागात गेल्या आठ...
साताऱ्यात जोरदार पावसाने स्ट्रॉबेरीचे...सातारा : जिल्ह्यात अनेक ठिकाणी परतीच्या...
हवामान बदल रोखण्यासाठी पावले उचलण्याची...हवामान बदलावरील आंतरसरकारी पॅनेल (...
कर्जत- जामखेडमध्ये सर्वांची प्रतिष्ठा...नगर : दोन वेळा मतविभागणीमुळे पालकमंत्री राम शिंदे...
मराठवाड्यात ११० मंडळांत पाऊसऔरंगाबाद : मराठवाड्यातील ४२१ पैकी ११०...
परभणी येथील दुग्धशाळेतील दूध संकलनात घटपरभणी : शासकीय दूध योजनेतंर्गंत येथील दुग्ध...
मराठवाड्यातील ५३१ गावांत, वाड्यांत...औरंगाबाद : मराठवाड्यातील ५३१ गावे-वाड्यांची तहान...