पुणे विभागातील १७ तालुक्यांत तीव्र पाणीटंचाई

पुणे विभागात सोमवारी (ता. २१) ५४ गावे १६६ वाड्यांना पाणीटंचाईची झळ बसत होती. शुक्रवारपर्यंत (ता. २५) टंचाईग्रस्त गावांची संख्या ७४ तर वाड्यावस्त्यांची संख्या २८० झाली आहे. टॅंकरची संख्या ४९ वरून ६५ झाली. चार दिवसांत २० गावे ११४ वाड्यावस्त्या टंचाईग्रस्त झाल्याने पाणीपुरवठ्यासाठी १६ टॅंकर सुरू करावे लागले अाहेत. यावरून वाढत्या पाणीटंचाईची स्थिती लक्षात येते.

विभागातील तालुकानिहाय टॅंकर स्थिती सातारा ः माण १०, जावळी १०, कोरेगाव ६,  खटाव ५, महाबळेश्‍वर ३, पाटण २, वाई २, खंडाळा १. पुणे ः आंबेगाव ८, भोर ३, बारामती ३, खेड ३, जुन्नर ३, पुरंदर २. सांगली ः खानापूर ३.