agriculture news in marathi, water scheme damage due to flood, satara, maharashtra | Agrowon

सातारा जिल्ह्यातील १३४ पाणीपुरवठा योजनांना महापुराचा फटका

टीम अॅग्रोवन
शनिवार, 24 ऑगस्ट 2019

कऱ्हाड, जि. सातारा ः महापुराने कृष्णा-कोयना या दोन मुख्य नद्यांसह जिल्ह्यातून वाहणाऱ्या अन्य नदीकाठच्या पाणी योजना धोक्यात आल्या आहेत. जिल्ह्यातील पाटण, कऱ्हाड, जावळी, खंडाळा व महाबळेश्‍वर तालुक्यातील १३४ पाणी योजनांना महापुराचा फटका बसून तब्बल ४ कोटी ३ लाख ८७ हजार रुपयांचे नुकसान झाले आहे. त्यामुळे पूर काळात संबंधित पाच तालुक्यांतील तब्बल १ लाख २९ हजार २९३ नागरिकांच्या पिण्याच्या पाण्याचा प्रश्‍न निर्माण झाला होता. नुकसानग्रस्त योजनापैकी अनेक योजना नव्याने सुरू कराव्या लागणार आहेत. त्यामुळे नदीकाठच्या गावांना तात्पुरत्या स्वरूपात पाणी सुरू करण्यात आले आहे.

कऱ्हाड, जि. सातारा ः महापुराने कृष्णा-कोयना या दोन मुख्य नद्यांसह जिल्ह्यातून वाहणाऱ्या अन्य नदीकाठच्या पाणी योजना धोक्यात आल्या आहेत. जिल्ह्यातील पाटण, कऱ्हाड, जावळी, खंडाळा व महाबळेश्‍वर तालुक्यातील १३४ पाणी योजनांना महापुराचा फटका बसून तब्बल ४ कोटी ३ लाख ८७ हजार रुपयांचे नुकसान झाले आहे. त्यामुळे पूर काळात संबंधित पाच तालुक्यांतील तब्बल १ लाख २९ हजार २९३ नागरिकांच्या पिण्याच्या पाण्याचा प्रश्‍न निर्माण झाला होता. नुकसानग्रस्त योजनापैकी अनेक योजना नव्याने सुरू कराव्या लागणार आहेत. त्यामुळे नदीकाठच्या गावांना तात्पुरत्या स्वरूपात पाणी सुरू करण्यात आले आहे. मात्र ते पुरेसे नसल्याने महापुराच्या संकटातून सावरत असतानाचा संबंधित गावातील ग्रामस्थांचे पुन्हा हाल सुरू होणार आहेत. 

ग्रामस्थांच्या पिण्याच्या पाण्याची सोय व्हावी यासाठी संबंधित गावातील ग्रामपंचायतींनी नदीकाठी पाणी योजना सुरू केल्या. त्यातून संबंधित गावातील पाणी योजना सुरू होत्या. मात्र ५ ते १० आॅगस्ट दरम्यान जिल्ह्यात महापुराने थैमान घातले होते. त्यामुळे जनजीवन विस्कळित झाले होते. महापुरामुळे अनेक घरेही बाधित झाली आहेत. त्यामुळे अनेकांना स्थलांतरित व्हावे लागले होते. महापूर ओसरल्यानंतर आता नदीकाठच तुटून गेला आहे. त्यामुळे नदीकाठच्या पाणी योजनांना मोठे नुकसान पोचले आहे. नदीकाठच्या पाणी योजनेच्या काही मोटारी वाहून गेल्या आहेत. काही ठिकाणी जॅकवेलला धोका निर्माण झाला आहे. काही योजनांच्या वायरिंगमध्ये दोष निर्माण झाला आहे. काही ठिकाणी मोटारी खराब झाल्या आहेत, काही योजना या पूर्णतः नव्या कराव्या लागणार आहेत, अशी स्थिती निर्माण झाली आहे. 

सध्या जिल्ह्यातील पाटण तालुक्यातील ८६, कऱ्हाड तालुक्यातील २१, महाबळेश्‍वर तालुक्यातील २३, खंडाळा तालुक्यातील ३ आणि जावळी तालुक्यातील एक अशा १३४ पाणी योजनांना तडाखा बसला आहे. नदीकाठच्या पाणी योजनांना महापुराचा फटका बसला आहे. त्यामुळे तब्बल १३४ योजनांचे ४ कोटींवर नुकसान झाले आहे. त्यातील काही गावांना अद्यापही पाणी मिळालेले नाही. बहुतांश गावात तात्पुरती पाण्याची सोय करण्यात आली आहे. मात्र ती पुरेशी नाही.

शासन पिण्याच्या पाण्याला प्राधान्य देते. संबंधित गावातील ग्रामस्थांच्या पिण्याचा पाण्याचा विचार करून महापुराचा तडाखा बसलेल्या संबंधित गावातील योजना तातडीने दुरुस्त करून त्यांचे काम मार्गी लावावे. ‘शासकीय काम अन् सहा महिने थांब’ अशी गत होऊ नये, अशीही ग्रामस्थांची मागणी आहे.  


इतर ताज्या घडामोडी
दापोली कृषी विद्यापीठातर्फे बांधावर...रत्नागिरी ः दापोली कृषी विद्यापीठाच्या विस्तार...
अकोल्यात कोरोना बाधितांची संख्या...अकोला ः जिल्ह्यात कोरोनाचा संसर्ग वेगाने होत आहे...
सिंधुदुर्ग जिल्ह्यात ३७ हजार क्विंटल...सिंधुदुर्ग ः जिल्ह्यात २०१९-२० या वर्षात ३६ हजार...
मालेगाव बाजार समितीची मुख्यमंत्री...वाशीम ः कोरोनाविरुद्ध उपाययोजना करण्यास मदत...
भंडारा जिल्ह्यात ५० हजारांवर मजुरांना...भंडारा ः लॉकडाऊन काळात आर्थिक आधार म्हणून...
अकोल्यात अकरा कोटींच्या निविष्ठा...अकोला ः आगामी हंगामासाठी शेतकऱ्यांना बांधावर...
खानदेशातील टंचाईग्रस्त भागात बऱ्यापैकी...जळगाव : खानदेशात टंचाईच्या झळा बसणाऱ्या धुळ्यातील...
जळगाव जिल्ह्यात राष्ट्रीयीकृत बॅंकांची...जळगाव ः खरीप हंगाम तोंडावर आल्याने...
खानदेशात केळीचे दर पुन्हा दबावात जळगाव : खानदेशात केळीचे दर पुन्हा दबावात आले आहेत...
परभणीत सोयाबीन बियाण्यांचे नापासाच्या...परभणी  ः सोयाबीनमध्ये बियाणे नापासाचे प्रमाण...
अटीशर्तीविना मका खरेदी करा खासदार डॉ....नाशिक : केंद्र सरकारच्या आधारभूत किंमत खरेदी...
शेतकऱ्यांनो कृषी निविष्ठांची पावती...नांदेड : शेतकऱ्यांनी येत्या खरीप हंगामासाठी खते,...
जालन्यात १२ हजारावर शेतकऱ्यांनी तपासली...जालना : कृषी विभागातर्फे जिल्ह्यात एकाच दिवशी...
नगर जिल्ह्यात ९३ टॅंकरव्दारे पाणीपुरवठानगर  ः नगर जिल्ह्यात उन्हाची तीव्रता...
नगर, पारनेर, नेवासेत कांदा लिलाव बंदचनगर  ः ‘कोरोना’च्या पार्श्वभूमीवर लॉकडाऊन...
हिंगोली जिल्ह्यात मोठ्या खरेदीदारांकडून...हिंगोली : जिल्ह्यातील बाजार समित्यांतील हळदीच्या...
नांदेड जिल्ह्यात ७० हजार क्विंटलवर...नांदेड : किमान आधारभूत किंमत खरेदी योजनेंतंर्गंत...
अंबडमध्ये कापूस खरेदीसाठी दोन...अंबड, जि. जालना : येथील मे सुरज ॲग्रोटेकच्या...
सांगलीत साखरेचे उत्पादन १८ लाख...सांगली ः जिल्ह्यातील यंदा गाळप हंगाम नुकताच पंधरा...
कृषिमंत्री अकोल्यात उद्या घेणार खरीप...अकोला ः राज्याचे कृषिमंत्री दादा भुसे बुधवारी (ता...