Agriculture news in marathi, Water shortage continued in Marathwada, tanker started | Agrowon

मराठवाड्यात पाणीटंचाई कायम, टँकर सुरू

टीम अॅग्रोवन
गुरुवार, 15 ऑगस्ट 2019

बीड, उस्मानाबाद : मराठवाड्यातील औरंगाबाद, जालना, बीड, लातूर व उस्मानाबाद या पाच जिल्ह्यांतील ८८७ गावे, वाड्यांना अजूनही पाणीटंचाईच्या झळा बसत आहेत. ही पाणीटंचाई निवारण्यासाठी शासनाने १०४० टॅंकरने पाणीपुरवठा सुरू केला आहे. 

बीड, उस्मानाबाद : मराठवाड्यातील औरंगाबाद, जालना, बीड, लातूर व उस्मानाबाद या पाच जिल्ह्यांतील ८८७ गावे, वाड्यांना अजूनही पाणीटंचाईच्या झळा बसत आहेत. ही पाणीटंचाई निवारण्यासाठी शासनाने १०४० टॅंकरने पाणीपुरवठा सुरू केला आहे. 

मराठवाड्यातील तेरा जिल्ह्यांत अपेक्षेच्या ५० टक्‍केही पाऊस बरसला नाही. शिवाय ७६ पैकी ७२ तालुक्‍ंयात पावसाने अपेक्षापूर्ती केली नाही. त्यामुळे नदी, नाल्यांना, पर्यायाने प्रकल्पांमध्ये व विहिरींना पाणीच आले नाही. त्यामुळे मराठवाड्यात अर्धा पावसाळा लोटूनही पाणीसंकट कायम आहे. औरंगाबाद जिल्ह्यातील १० गावे, वाड्यांमधील १६ हजार लोकांना पाणीटंचाईला सामोरे जावे लागत आहे. त्यासाठी ७ टॅंकरने पाणीपुरवठा सुरू आहे. 

जालना जिल्ह्यातील ८८ गावे, १८ वाड्यांमधील १ लाख ९० हजार ४६७ लोकांना भीषण जलसंकटाला समोरे जावे लागत असून, त्यांची तहान भागविण्यासाठी प्रशासनाला ९८ टॅंकरने पाणीपुरवठा करावा लागत आहे. बीड जिल्ह्यात सर्वाधिक ४६८ गाव व १०९ वाड्यांमधील ११ लाख ८३ हजार ५६४ लोकांची तहान अजूनही टॅंकरशिवाय भागत नाही. त्यासाठी तब्बल ६९३ टॅंकरने पाणीपुरवठा सुरू आहे. लातूर जिल्ह्यातील ५६ गाव व ७ वाड्यांमधील १ लाख ५५ हजार ६१३ लोकांची तहान भागविण्यासाठी ६४ टॅंकरने पाणीपुरवठा सुरू आहे. 

उस्मानाबाद जिल्ह्यातील १२४ गाव व ७ वाड्यांमधील ४ लाख १४६ लोकांची तहान भागविण्यासाठी १७८ टॅंकरने पाणीपुरवठा सुरू आहे. गत आठवाड्याच्या तुलनेत पाणीटंचाईग्रस्तांची संख्या व टॅंकरच्या संख्येत घट दिसत असली, तरी भरपावसाळ्यात टॅंकर सुरू राहण्याची वेळ सातत्याने येत असल्याने मराठवाड्याच्या चिंतेत भर पडली आहे. 

२५९४ विहिरींचे अधिग्रहण

मराठवाड्यातील पाणीटंचाईचा   सामना करणाऱ्या जालना, बीड, उस्मानाबाद व लातूर या चार जिल्ह्यांतील २५९४ विहिरींचे टॅंकर व टॅंकरव्यतिरिक्‍त पाणीपुरवठ्यासाठी अधिग्रहण करण्यात आले आहे. त्यामध्ये जालना जिल्ह्यातील ७५, बीडमधील ६५८, लातूरमधील ८७५, तर उस्मानाबादमधील ९८६ अधिग्रहित विहिरींचा समावेश आहे. 


इतर ताज्या घडामोडी
रताळे वनस्पती गंधाद्वारे देते अन्य...एखाद्या हल्ल्याची चाहूल लागल्यास बहुतांश सजीव...
शेतमाल तारण योजनेअंतर्गत कारंजा बाजार...कारंजालाड, जि. वाशीम  ः शेतकऱ्यांचा शेतमाल...
खानदेशात कापूस दर स्थिर; खेडा खरेदीला...जळगाव  ः कापसाची खेडा खरेदी मागील आठवड्यात...
अधिक ओलावा असलेल्या कापसासाठी हवी...वर्धा ः कापसात ओलावा असल्यामुळे प्रक्रिया उद्योजक...
मराठवाड्यात पाच मोठे प्रकल्प तुडुंब औरंगाबाद : मराठवाड्यातील ११ पैकी पाच मोठे...
शेतमालाच्या शिवार खरेदीवर लक्ष द्या :...जळगाव  ः खानदेशात कापसापाठोपाठ केळी, कांदा व...
सोलापुरात चारा छावण्यांवर २४५ कोटी...सोलापूर ः दुष्काळामध्ये जिल्ह्यात चारा छावण्यांवर...
नाशिक : पणन मंडळाच्या केंद्रातून दुबईला...नाशिक : कसमादे पट्ट्यात सटाणा, कळवण, मालेगाव...
परभणी जिल्ह्यात ज्वारीची ८७ हजार...परभणी : जिल्ह्यात यंदाच्या रब्बी हंगामात गुरुवार...
कांदा व्यापाऱ्यांच्या साठा तपासणीची...नाशिक  : कांदा दराने मोठी उसळी घेतल्याने व...
सोलापूर जिल्ह्यात मदतीचे अनुदान...सोलापूर : दोन महिन्यांपूर्वी सोलापूर जिल्ह्यात...
सांगली : पूरग्रस्तांसाठी १०२ कोटी...सांगली : जिल्ह्यातील शहरी व ग्रामीण भागांमध्ये...
पुणे विभागात रब्बीचा साडेसात लाख...पुणे  ः चार ते पाच दिवसांपूर्वी अनेक भागांत...
शिरुरमधील साडेसहा हजारांवर शेतकरी...पुणे  ः यंदा ऑगस्ट, सप्टेंबर आणि...
सरकारच्या निर्णयाचा जिल्हा परिषदेला...नगर  ः राज्य सरकारने मागील सरकारच्या काळात...
नगर जिल्ह्यात पाऊण लाख हेक्टरवर रब्बी...नगर  ः जिल्ह्यात रब्बीत आतापर्यंत सुमारे ७५...
हिंमत असेल तर आमच्याशी पंगा घ्या :...औरंगाबाद  : राज्यातील गावा-गावांतील रस्ते,...
राष्ट्रवादी गुरुवारी साजरा करणार...मुंबई  ः राष्ट्रवादी काँग्रेस पक्षाचे...
राज्यातील पंचायत समिती सभापतींच्या...पुणे  : राज्यातील पंचायत समित्यांचे नवे...
सोलापुरात कांद्याच्या दरातील तेजी...सोलापूर : सोलापूर कृषी उत्पन्न बाजार...