agriculture news in marathi, water shortage in region, pune, maharashtra | Agrowon

पाणीटंचाईमुळे पुणे जिल्ह्यातील ३६ तालुक्यांची होरपळ
टीम अॅग्रोवन
रविवार, 21 एप्रिल 2019

पुणे   : उन्हाच्या झळा वाढत असल्याने विभागातील सातारा, पुणे, सांगली, सोलापूर जिल्ह्यांतील ४५ पैकी ३६ तालुके पाणीटंचाईने होरपळत आहेत. ५८० गावे ३८०४ वाड्यांमध्ये तीव्र पाणीटंचाई भासत असून, टंचाईग्रस्त भागात पाणीपुरवठ्यासाठी ६८० टॅंकर सुरू आहेत. कोल्हापूर जिल्ह्यात अद्यापही टॅंकर सुरू करावा लागलेला नाही, अशी माहिती पुणे विभागीय आयुक्त कार्यालयातर्फे देण्यात आली. 

पुणे   : उन्हाच्या झळा वाढत असल्याने विभागातील सातारा, पुणे, सांगली, सोलापूर जिल्ह्यांतील ४५ पैकी ३६ तालुके पाणीटंचाईने होरपळत आहेत. ५८० गावे ३८०४ वाड्यांमध्ये तीव्र पाणीटंचाई भासत असून, टंचाईग्रस्त भागात पाणीपुरवठ्यासाठी ६८० टॅंकर सुरू आहेत. कोल्हापूर जिल्ह्यात अद्यापही टॅंकर सुरू करावा लागलेला नाही, अशी माहिती पुणे विभागीय आयुक्त कार्यालयातर्फे देण्यात आली. 

पुणे विभागातील तब्बल १२ लाख ६१ हजारांहून अधिक लोकसंख्येला, सातारा आणि सांगली जिल्ह्यातील १ लाख ६४ हजारांहून अधिक जनावरांना टॅंकरच्या पाण्यावर तहान भागवावी लागत आहे. सोलापूर जिल्ह्यात सर्वाधिक पाणीटंचाई असून, सुमारे ३ लाख ५८ हजार, सांगलीतील सुमारे ३ लाख ५७ हजार, सातारा जिल्ह्यातील सुमारे २ लाख ९७ हजार, पुणे जिल्ह्यातील २ लाख ४९ हजार लोकसंख्येला पिण्यासाठी टॅंकरने पाणी द्यावे लागत आहे. जत तालुक्यातील सर्वाधिक २ लाख १५ हजार, तर माण तालुक्यातील  १ लाख २७ हजार नागरिकांना पाणीटंचाईच्या झळा बसत आहे. 

सोलापूर जिल्ह्यातील १७८ गावे, १२०६ वाड्यांना १९४ टॅंकरने पाणी पुरवठा केला जात आहे. सांगली जिल्ह्यातही पाणीटंचाईची तीव्रता वाढली असून, १६९ गावे १०७१ वाड्यांना १७६ टॅंकरने पाणी देण्यात येत आहे. साताऱ्यातील १५५ गावे ७०७ वाड्यांना १६९ टॅंकरने, तर पुणे जिल्ह्यातील ७८ गावे ८२० वाड्यांमध्ये १३१ टॅंकरव्दारे पाणी पुरवठा करण्यात येत आहे.

सांगलीतील जत तालुक्यातील सर्वाधिक ८६ गावे ६५० वाड्यांना १०१ टॅंकरने पाणी द्यावे लागत आहे, तर माण, आटपाडी, सांगोला तालुक्यात मध्येही पाणीटंचाईच्या झळा वाढत आहेत. टंचाईत होरपळणाऱ्या गावांना पाणी पुरवठ्यासाठी ३०३ विहिरी आणि विंधन विहिरींचे अधिग्रहण करण्यात आले आहे. यातच पाण्याचा उपसा वाढल्याने भूजल पातळी सातत्याने कमी होत आहे. पिण्याच्या पाण्याचे स्रोत असलेल्या विहिरी, बोअरवेल कोरडे पडल्याने टंचाई आणखी वाढणार आहे.  

 

विभागातील पाणीटंचाईची जिल्हानिहाय स्थिती
तालुके गावे वाड्या टॅंकर
पुणे ७८ ८२० १३१
सातारा  १५५ ७०७ १७९
सांगली १६९ १०७१ १७६
सोलापूर  १७८ १२०६ १९४
एकूण  ५८० ३८०४ ६८०

 

इतर बातम्या
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
वणव्यामुळे पतंग, वनस्पतींच्या प्रजाती...जंगलामध्ये लागणाऱ्या वणव्याचे परागीकरण करणाऱ्या...
दुष्काळी स्थितीमुळे संत्रा बागांचे...शेलूबाजार जि. वाशीम ः निसर्गाच्या दुष्टचक्रामुळे...
नांदेड, परभणी जिल्ह्यांतील अकरा मंडळांत...नांदेड :  नांदेड, परभणी जिल्ह्यांतील ११...
कोल्हापूर जिल्ह्यातील धरणे निम्मी भरली कोल्हापूर : जिल्ह्यात पावसाचा जोर कमी झाला असला...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
नाशिक जिल्ह्यात पावसाचे पुनरागमननाशिक : जिल्ह्यात पावसाने उघडीप दिल्यामुळे...
वाशीम जिल्ह्यात ‘सुजलाम सुफलाम’मधून २९७...वाशीम ः सुजलाम सुफलाम दुष्काळमुक्त महाराष्ट्र...
रत्नागिरीतील आठ धरणांची होणार तपासणीरत्नागिरी : ‘‘तिवरे धरण फुटल्यानंतर जिल्ह्यातील...
साक्री तालुक्यात दुष्काळाची शक्यतासाक्री, जि. धुळे : पाण्याचे स्रोत आटत आहेत. पाऊस...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...