साताऱ्यातील प्रमुख धरणांत ९९ टक्‍क्‍यांवर पाणीसाठा 

साताऱ्यातील प्रमुख धरणांत ९९ टक्‍क्‍यांवर पाणीसाठा 
साताऱ्यातील प्रमुख धरणांत ९९ टक्‍क्‍यांवर पाणीसाठा 

सातारा ः जिल्ह्यात झालेली अतिवृष्टी; तसेत मॉन्सूनोत्तर पावसाचा फटका पिकांना बसला असलातरी धरणांच्या दृष्टीने फायदेशीर झाला आहे. वीजनिर्मितीच्या दृष्टीने महत्त्वाच्या कोयना धरणात एकूण १०४.२९; तर उपयुक्त ९९.७१ टीएमसी साठा झाला आहे. सध्या या धरणात ९९.०४ टक्के उपयुक्त पाणीसाठा आहे. जिल्ह्यातील तारळी धरणाचा अपवाद वगळता इतर सर्व धरणांत ९९ टक्क्‍यांवर पाणीसाठा आहे. 

जिल्ह्यात पावसाने थैमान घातल्याने शेतीचे कोट्यवधी रुपयांचे नुकसान सहन करावे लागले आहे. मात्र, हाच पाऊस धरणाच्या दृष्टीने फायदेशीर झाला आहे. सर्वच धरणे पूर्ण क्षमतेने भरून वाहिली आहेत. प्रत्येक धरणातून चार ते पाच वेळा पाण्याचा विसर्ग करावा लागला आहे. कोयना, धोम, कण्हेर, उरमोडी, तारळी, धोम-बलकवडी या प्रमुख सहा धरणांतून १२५ टीएमसीपेक्षा अधिक पाणी विनावापर सोडावे लागले आहे. 

सध्या सर्वच प्रमुख धरणांत मुबलक पाणीसाठी झाल्याने टंचाईच्या काळात फायदेशीर होणार आहे. राज्याच्या वीजनिर्मितीच्या दृष्टीने महत्त्वाचे असलेल्या १०४.२९; तर उपयुक्त ९९.७१ टीएमसी साठा झाला आहे. सध्या या धरणात ९९.०४ टक्के उपयुक्त पाणीसाठा आहे. जिल्ह्यात पाणी क्षमतेमध्ये दुसऱ्या क्रमांकावर असलेल्या धोम धरणात ११.६९ टीएमसी म्हणजेच शंभर टक्के पाणीसाठा झाला आहे. कण्हेर, उरमोडी, तारळी धोम-बलकवडी या चार प्रमुख धरणांत ९९ टक्के; तर तारळी धरणात ८८.७२ टक्के उपयुक्त पाणीसाठा उपलब्ध आहे.

प्रमुख धरणांत १३९.२३ टीएमसी पाणीसाठा जिल्ह्यात कोयना, धोम, कण्हेर, उरमोडी, तारळी व धोम-बलकवडी ही प्रमुख धरणे आहेत. यामध्ये कोयना धरणाची क्षमता राज्यात दोन नंबरची आहे. जिल्ह्यात अतिवृष्टी व परती तसेच वादळी पावसामुळे पुढील दोन महिने तरी धरणातील पाण्याची गरज भासणार नाही. तसेच गतवर्षीच्या तुलनेत या वर्षी धरणात जास्त पाणी उपलब्ध आहे. सध्या प्रमुख धरणातील १३९.२३ टीएमसी पाणी उपलब्ध आहे. यामुळे या वर्षी टंचाईच्या काळात धरणात मुबलक पाणीसाठा उपलब्ध असल्याने टंचाई भासण्याची शक्यता कमी राहणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com