agriculture news in marathi, water storage material distribute, kolhapur, maharashtra | Agrowon

बागायती कोल्हापूरचा दुष्काळग्रस्तांना आधार 
टीम अॅग्रोवन
सोमवार, 22 एप्रिल 2019

कोल्हापूर : पाणीटंचाईमुळे दूरवरून पाणी आणण्यासाठी दुष्काळग्रस्त भागातील महिलांना कष्ट सहन करावे लागतात. त्यांचे कष्ट कमी करण्यासाठी येथील उडान फाउंडेशनने पुढाकार घेतला आहे. कल्पक पद्धतीने बनविलेल्या पाणी वाहून नेणाऱ्या सुमारे तीन हजार पाणी गाड्यांचे (गाडा स्वरुपातील पाण्याचे कॅन) वाटप राज्यातील दुष्काळग्रस्त भागात करण्यात आले आहे. 

कोल्हापूर : पाणीटंचाईमुळे दूरवरून पाणी आणण्यासाठी दुष्काळग्रस्त भागातील महिलांना कष्ट सहन करावे लागतात. त्यांचे कष्ट कमी करण्यासाठी येथील उडान फाउंडेशनने पुढाकार घेतला आहे. कल्पक पद्धतीने बनविलेल्या पाणी वाहून नेणाऱ्या सुमारे तीन हजार पाणी गाड्यांचे (गाडा स्वरुपातील पाण्याचे कॅन) वाटप राज्यातील दुष्काळग्रस्त भागात करण्यात आले आहे. 

अनेक युवकांनी एकत्र येत स्थापन केलेली उडान ही संस्था शहरातील बेवारस मनोरुग्ण यांचे पुनर्वसन करण्याचे काम करते. हे काम करीत असतानाच पुण्यातील एका व्यक्तीचे नातेवाईक हरविल्याची माहिती त्यांना मिळाली. या नातेवाइकाला काही तासांमध्ये शोधून दिल्याने त्या व्यक्तीने संस्थेला मदत देण्याची तयारी दाखविली. परंतु वेळ आल्यानंतर व सामाजिक कामासाठीच तुमची मदत वापरू असे सांगत संस्थेच्या कार्यकर्त्यांनी त्या व्यक्तीला सांगितले.

संस्थेने दुष्काळग्रस्तांसाठी काही तरी करावयाचे ठरविले. यातूनच पाणीगाड्याची कल्पना सुचली. महिलांना डोक्‍यावरून पाणी आणताना बरेच कष्ट करावे लागतात. हे गाडे त्यांना वाटप केल्यास त्यांचे कष्ट कमी होतील असा विचार आल्यानंतर याबाबतची कार्यवाही सुरू झाली. पुणे स्थित कंपनीशी संपर्क साधून त्या दानशूर व्यक्तीच्या सहकार्याने सुमारे तीन हजार पाणीगाडे खरेदी करण्यात आले. यासाठी तब्बल पंचवीस लाख रुपयांचा निधी जमविण्यात आला. 

पाणीगाडे कोल्हापुरात न आणता परस्पर नांदेड, बीड, धुळे, यवतमाळ, बुलढाणा नाशिक आदी जिल्ह्यांतील ग्रामपंचायतींना देण्यात आले. सोशल मीडियावरून याबाबतचे आवाहन केल्यानंतर ग्रामपंचायतींनी त्यांच्याकडे मागणी नोंदविली. यानुसार हे गाडे मोफत वितरीत करण्यात आले. 
प्रत्येक गरजूसाठीच हे गाडे दिले जावेत, यासाठी पारदर्शी यंत्रणा वापरल्याचे संस्थेचे अध्यक्ष भूषण लाड यांनी सांगितले.

या कामासाठी चेतन घाटगे, रोहन माने, मोनू सूर्यवंशी, रेखा उगवे, प्रसाद पोवार, राहुल राजशेखर, निखिल पोतदार, सोनाली राजपूत, पूजा कांबळे, स्मिता गिरी, सुजाता जाधव आदीसह संस्थेच्या कार्यकर्त्यांनी मोठी मेहनत घेतल्याचे श्री. लाड यांनी सांगितले. 

असा आहे पाणी गाडा 
४५ लिटर क्षमतेचा हा ड्रम आहे. यामध्ये पाणी भरल्यानंतर त्याला लोखंडी आकडा लावला जातो. या आकड्याच्या सहाय्याने हा ड्रम ओढत घरी नेला जाऊ शकतो. टिकाऊ व दणकट असल्याने जमिनीवरून ओढत नेले तरी या ड्रमला कोणताच धोका पोचत नाही. सहजपणे तो ओढला जाइल अशी रचना केली आहे. 

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...