agriculture news in marathi, Water supply by tanker on the Palkhi road of Ashadhi Vari | Agrowon

आषाढी वारीच्या पालखी मार्गावर टॅंकरने पाणीपुरवठा
टीम अॅग्रोवन
शनिवार, 15 जून 2019

सोलापूर : आषाढी वारी सोहळ्यासाठी येणाऱ्या वारकरी भाविकांना पुरेसे पिण्याचे पाणी उपलब्ध करून देण्यात येईल. यासाठी पालखी मार्गावर आवश्‍यक टॅंकरचा पुरवठा व विहीर अधिग्रहण करण्यात येईल, अशी माहिती पालकमंत्री विजयकुमार देशमुख यांनी गुरुवारी (ता. १३) दिली.

सोलापूर : आषाढी वारी सोहळ्यासाठी येणाऱ्या वारकरी भाविकांना पुरेसे पिण्याचे पाणी उपलब्ध करून देण्यात येईल. यासाठी पालखी मार्गावर आवश्‍यक टॅंकरचा पुरवठा व विहीर अधिग्रहण करण्यात येईल, अशी माहिती पालकमंत्री विजयकुमार देशमुख यांनी गुरुवारी (ता. १३) दिली.

आषाढी वारीच्या नियोजनासाठी पंढरपुरात तुकाराम भवन येथे जिल्ह्यातील सर्व संबंधित जिल्हास्तरीय अधिकारी व मानाच्या पालख्यांच्या विश्वस्तांची बैठक झाली. आमदार गणपतराव देशमुख, भारत भालके, प्रशांत परिचारक, नगराध्यक्षा साधना भोसले, जिल्हा परिषदेच्या महिला व बालकल्याण सभापती रजनी देशमुख, जिल्हाधिकारी डॉ. राजेंद्र भोसले, पोलिस अधीक्षक मनोज पाटील, मुख्य कार्यकारी अधिकारी डॉ. राजेंद्र भारुड, अतिरिक्त जिल्हाधिकारी रामचंद्र शिंदे, मंदिर समितीचे सहअध्यक्ष गहिनीनाथ-महाराज, औसेकर महाराज उपस्थित होते.

पालकमंत्री देशमुख यांनी म्हणाले, ‘‘आषाढी वारी सोहळ्यास येणाऱ्या सर्व भाविकांना आवश्‍यक सोयी सुविधा उपलब्ध करुन द्याव्यात. यामध्ये पिण्याचे पाणी, शौचालये, अखंडित वीजपुरवठा, सुरक्षेस प्राधान्य द्यावे. पालखी मार्गावरील रस्त्यांची कामे, दुरुस्ती, पालखी मुक्कामाची, विसावा ठिकाणची कामे करण्याबरोबरच पालखी विश्वस्तांनी सुचविलेली कामे प्राधान्याने करा. पालखी मार्गावर पाणीपुरवठा करण्यासाठी आवश्‍यक त्या विहिरी अधिग्रहित केल्या आहेत. पालखी मार्ग व पंढरपूर, वाखरी व ६६५ एकर येथे पुरेशी शौचालये उपलब्ध करण्यात आली आहेत.

’’जिल्हाधिकारी डॉ. भोसले म्हणाले, ‘‘या वर्षी आषाढी वारी सोहळ्यात स्वच्छतेला प्राधान्य असेल. वारीपूर्वी, नंतर पंढरपुरातील स्वच्छता करण्यात येईल. प्रदक्षिणा मार्गावर खचखडी न राहण्याची दक्षता घेण्यात येईल. प्रशासनातर्फे वारकऱ्यांना आवश्‍यक सेवा- सुविधा पुरविण्यास प्राधान्य असेल. कामाच्या नियोजनासाठी संबंधित अधिकाऱ्यांना कामे पूर्ण करण्याच्या सूचना दिल्या आहेत. चंद्रभागा नदीत पुरेसे पाणी राहण्याची दक्षता घेतली आहे. जलसंपदा विभागामार्फत पाणी सोडण्याचे नियोजन केले आहे. पालखी मुक्काम, विसावा, एकर, वाळवंट येथे विद्युत वितरण कंपनीतर्फे तात्पुरते वीज कनेक्‍शन देण्याचे नियोजन आहे. वारकऱ्यांना केरोसीन, गॅस मिळण्याचे नियोजन केले आहे.’’

बैठकीत मानाचे पालखी विश्वस्त व पंढरपुरातील नागरिकांनी अनेक सूचना केल्या. त्यावर आवश्‍यक ती कार्यवाही केली जाईल, असे डॉ. भोसले यांनी सांगितले. प्रांतधिकारी सचिन ढोले यांनी प्रास्ताविक केले. अतिरिक्त जिल्हाधिकारी रामचंद्र शिंदे यांनी आभार मानले. 

बैठकीतील ठळक मुद्दे 

पालखी मार्गावर प्रत्येक दोन किलोमीटरवर वैद्यकीय पथक, पालखी मार्गावर पोलिस बंदोबस्त, नदीपात्रातील खड्डे बुजवणार, पालखी मार्गावरील विद्युत वितरण कंपनीकडील रोहित्रांना कुंपण होतील. महाराष्ट्र राज्य  मार्ग परिवहन मंडळातर्फे सुमारे ३५०० बसचे नियोजन होईल.  ६५ एकरांमध्ये मोबाईल टॉवर होईल.

इतर बातम्या
रत्नागिरी जिल्ह्याला पावसाने झोडपलेरत्नागिरी ः मुसळधार पावसाने जिल्ह्याला चांगलेच...
गोसे खुर्दमधून होणार चार हजार हेक्‍टरवर...चंद्रपूर ः धानपट्ट्यात पावसाअभावी अस्वस्थता आहे....
नाशिक जिल्ह्यात धरणांच्या तपासणीसाठी...नाशिक : जिल्ह्यातील धरणांच्या सुरक्षितेतसाठी...
पेठ तालुक्यात जमिनीतून निघताहेत...नाशिक : पेठ तालुक्यातील निरगुडे गावात दोन...
नांदेड जिल्ह्यात शेतकऱ्यांकडून २८...नांदेड : जिल्ह्यात पंतप्रधान पीकविमा योजनेंतर्गत...
पुणे, नगर जिल्ह्यात पावसाअभावी चारा...पुणे  : पावसाळ्यात जनावरांसाठी चाऱ्याची अडचण...
`स्वाभिमानी`चे नाशिक जिल्हा बॅंकेसमोर...नाशिक : जिल्हा बँक ही शेतकऱ्यांची बँक आहे. ती...
आदित्य ठाकरेंच्या नेतृत्वाखाली...मुंबई   : युवा सेनाप्रमुख आदित्य ठाकरे...
नवती केळी दरात सुधारणाजळगाव  ः खानदेशात दर्जेदार नवती केळीच्या...
रत्नागिरीत भात लागवड अंतिम टप्प्यातरत्नागिरी   ः जिल्ह्यात उशिरा पण...
रत्नागिरी जिल्ह्यातील आठ हजार शेतकरी...रत्नागिरी : छत्रपती शिवाजी महाराज शेतकरी सन्मान...
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
नगर जिल्ह्यातील ४८२ गावांमध्ये...नगर  ः पावसाळ्याचा एक महिना उलटून गेला असला...
नाशिकमध्ये ७९१ कोटींच्या प्रारूप...नाशिक : पालकमंत्री गिरीश महाजन यांच्या...
दक्षिण महाराष्ट्रात देशी बेंदूर...कोल्हापूर : वर्षभर काबाडकष्ट करणाऱ्या...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...