agriculture news in marathi, water supply through tanker status, nagar, maharashtra | Agrowon

नगर जिल्ह्यात १७८ टॅंकरद्वारे पाणीपुरवठा
टीम अॅग्रोवन
सोमवार, 19 नोव्हेंबर 2018

नगर   : जिल्ह्यात यंदा गंभीर पाणीटंचाई जाणवत आहे. यंदा नोव्हेंबर महिन्यातच तब्बल १७८ टॅंकरने १४२ गावांतील तीन लाख लोकांना पाणीपुरवठा करावा लागत आहे. अजून उन्हाळा यायचा आहे. हिवाळ्यात एवढे टॅंकर सुरू झाले असल्याने हा आकडा यंदा आठशेच्या जवळ जाण्याची शक्‍यता व्यक्त केली जात आहे.

नगर   : जिल्ह्यात यंदा गंभीर पाणीटंचाई जाणवत आहे. यंदा नोव्हेंबर महिन्यातच तब्बल १७८ टॅंकरने १४२ गावांतील तीन लाख लोकांना पाणीपुरवठा करावा लागत आहे. अजून उन्हाळा यायचा आहे. हिवाळ्यात एवढे टॅंकर सुरू झाले असल्याने हा आकडा यंदा आठशेच्या जवळ जाण्याची शक्‍यता व्यक्त केली जात आहे.

नगर जिल्ह्यात यंदा पाऊस नाही. मुळा, भंडारदरा, निळवंडे, कुकडी, सीना अशी मोठी धरणे असल्याने बागायती जिल्हा म्हणून नगरकडे पाहिले जाते. मात्र यंदा जिल्ह्यात टंचाईची स्थिती अत्यंत गंभीर आहे. यंदा पाऊस झाला नसल्याने भंडारदरा, निळवंडे वगळता अन्य धरणे भरली नाहीत. नगर शहराला पाणीपुरवठा करणाऱ्या मुळा धरणात बऱ्यापैकी पाणी असले तरी, अन्य ग्रामीण भागातील लोकांना मात्र आतापासूनच पाणीटंचाईला सामोरे जावे लागत आहे. पाथर्डी, पारनेर, संगमनेर, शेवगाव, कर्जत, जामखेड, नगर आणि कोपरगाव या आठ तालुक्‍यांत टॅंकरद्वारे पिण्याचे पाणी पुरवण्यात येत आहे.

पावसाच्या प्रदीर्घ खंडामुळे जिल्ह्यातील २४६ गावांतील भूजलपातळी तीन मीटरने घटली आहे. पाणीपातळी वाढली नसल्याने टंचाईची तीव्रता वाढत आहे. चार वर्षांपूर्वी नगर जिल्ह्यात सातशेच्या जवळपास टॅंकरने पाणीपुरवठा करावा लागला होता. यंदा त्यापेक्षा टंचाईची स्थिती जास्त गंभीर आहे. नोव्हेंबर महिन्यातच पावणे दोनशे टॅंकरने पाणी द्यावे लागत असल्याने मार्च- एप्रिलमध्ये हा आकडा आठशेच्या वर जाण्याची शक्‍यता व्यक्त केली जात आहे.

टंचाईग्रस्त १७८ गावे आणि ७३६ वाड्या वस्त्यांना पिण्याच्या पाण्याचा पुरवठा करण्यासाठी जिल्हा प्रशासनाकडून टॅंकर सुरू करण्यात आले. टॅंकर सुरू करण्याची मागणीही वाढत आहे. यंदा टंचाईची सर्वाधिक तीव्रता पाथर्डी, पारनेर या तालुक्‍यांत आहे.
 

तालुकानिहाय टॅंकर संख्या
पाथर्डी ७३
पारनेर ४४
संगमनेर २३
शेवगाव  २०
कर्जत १०
जामखेड
नगर 
कोपरगाव   १

 

इतर ताज्या घडामोडी
औरंगाबादेत फ्लॉवर १८०० ते ३००० रुपये...औरंगाबाद : येथील कृषी उत्पन्न बाजार...
सांगली जिल्हा दुष्काळाच्या छायेतसांगली : पावसाळ्याचा दीड महिन्याचा कालावधी लोटला...
मराठवाड्यातील २६६ मंडळांमध्ये पाऊसऔरंगाबाद/नांदेड ः मराठवाड्यातील ८ जिल्ह्यांतील ६३...
पावसाच्या आगमनाने नाशिकमधील शेतकरी...नाशिक : जिल्ह्यात पावसाने दडी मारल्याने...
पशुसंवर्धन विकासासाठी ७०० कोटींचा निधी...कोल्हापूर  : राज्यातील पशुसंवर्धन विकासाला...
मराठवाड्यातील पावणेनऊ लाखांवर शेतकरी...औरंगाबाद : मराठवाड्यातील आठही जिल्ह्यांतील...
विद्यार्थी, शेतकरीप्रश्नी ‘स्वाभिमानी’...बुलडाणा  : जिल्ह्यातील शेतकरी अनेक समस्यांना...
बारामतीत मुसळधार पाऊसपुणे  : जिल्ह्याच्या कोरडवाहू भागात असलेल्या...
नगर जिल्ह्यातील सहा महसूल मंडळांत...नगर : जिल्ह्यातील ३५ महसूल मंडळांत शनिवारी जोरदार...
कोणत्याही तंत्रज्ञानाचा डोळस स्वीकार...औरंगाबाद   : कोणत्याही तंत्रज्ञानाचा...
विधानसभा निवडणुकीत महायुतीने  २२० जागा...मुंबई  : आगामी विधानसभा निवडणुकीत महायुतीने...
सोलापूर जिल्ह्यात १७ हजार हेक्टर...सोलापूर ः गेल्या दोन वर्षांपासून सोलापूर जिल्हा...
नाशिक जिल्ह्यातील ४१ हजार हेक्टरवरील...नाशिक : जिल्ह्यात लष्करी अळीचा प्रादुर्भाव...
मराठवाड्यात ४१ हजार हेक्टरवरील मक्यावर...औरंगाबाद : अमेरिकन लष्करी अळीने औरंगाबाद व जालना...
सांगली जिल्ह्यात अमेरिकन लष्करी अळीने...सांगली ः जिल्ह्यात मक्यावर अमेरिकन लष्करी अळीचा...
लष्करी अळीच्या प्रादुर्भावाने नगर...नगर   ः गेल्या वर्षभरात दुष्काळाशी...
मोताळा, देऊळगावराजा तालुक्यात शंभर...बुलडाणा : खरिपात विदर्भात मका उत्पादनात...
साताऱ्यात अकराशे हेक्टरवरील मका पिकावर...सातारा : जिल्ह्यातील पूर्व भागात दुष्काळाची...
इंदापूर तालुक्यात अडीचशे हेक्टरवर...पुणे   ः गेल्या काही दिवसांपासून...
गुलटेकडीत टोमॅटोचे आवकेसह दरही वाढलेपुणे ः गेल्या आठ दिवसांत पावसाने दिलेल्या...