agriculture news in marathi, Water tankers in pune division remains high in july also | Agrowon

जुलै उजाडला तरी पाणीटंचाई सुरूच

टीम अॅग्रोवन
सोमवार, 8 जुलै 2019

पुणे : मॉन्सून दाखल झाल्यानंतर पुणे विभागातील जिल्ह्यामध्ये पावसाने हजेरी लावली आहे. या पावसामुळे पाणी जमा होण्यास सुरवात झाली असून, टंचाई हळूहळू कमी होऊ लागली आहे. गेल्या आठवडाभरात विभागातील ८ तालुक्यांमधील टॅंकर पूर्णपणे बंद झाले आहेत. तर टंचाईची तीव्रता अधिक असलेल्या ३३ तालुक्यांमध्ये मात्र अद्यापही झळा कायम आहेत. पुणे, सातारा, सांगली, सोलापूर जिल्ह्यांतील ८८२ गावे ५ हजार ४१८ वाड्यांना १ हजार ९४ टॅंकरने पाणीपुरवठा सुरू असल्याची माहिती विभागीय आयुक्त कार्यालयातर्फे देण्यात आली. 

पुणे : मॉन्सून दाखल झाल्यानंतर पुणे विभागातील जिल्ह्यामध्ये पावसाने हजेरी लावली आहे. या पावसामुळे पाणी जमा होण्यास सुरवात झाली असून, टंचाई हळूहळू कमी होऊ लागली आहे. गेल्या आठवडाभरात विभागातील ८ तालुक्यांमधील टॅंकर पूर्णपणे बंद झाले आहेत. तर टंचाईची तीव्रता अधिक असलेल्या ३३ तालुक्यांमध्ये मात्र अद्यापही झळा कायम आहेत. पुणे, सातारा, सांगली, सोलापूर जिल्ह्यांतील ८८२ गावे ५ हजार ४१८ वाड्यांना १ हजार ९४ टॅंकरने पाणीपुरवठा सुरू असल्याची माहिती विभागीय आयुक्त कार्यालयातर्फे देण्यात आली. 

मॉन्सून दाखल होण्यास झालेला उशीर, पूर्वमोसमीच्या सरींनी दिलेली ओढ, उन्हाचा वाढलेला चटका यामुळे यंदा जून महिन्यात टंचाईच्या झळा खूपच वाढल्या. २८ जून रोजी विभागातील ४१ तालुक्यांतील ९८९ गावे ५ हजार ८७५ वाड्यांना १ हजार २०४ टॅंकरने पाणीपुरवठा करावा लागला होता. जूनच्या शेवटच्या टप्प्यात विभागातील पुणे, सातारा, कोल्हापूरमध्ये दमदार तर सोलापूर, सांगलीत हलक्या ते मध्यम स्वरूपाचा पाऊस झाल्याने लहान मोठ्या बंधाऱ्यात पाणी साचले. पिण्याच्या पाण्याच्या स्रोतांनाही पाझर फुटू लागले आहेत. त्यामुळे टंचाई कमी होऊ लागली आहे. मात्र विभागातील टंचाई पूर्णपणे निवारण्यासाठी सातत्यपूर्ण पावसाची आवश्यकता आहे. 

यंदा संपूर्ण कोल्हापूर जिल्ह्यासह पुण्यातील मावळ आणि सांगलीतील पलूस, कडेगाव, वाळवा हे तालुके वगळता उर्वरित ४१ तालुक्यांमध्ये पाणीटंचाईच्या झळा वाढल्या. शनिवारपर्यंत (ता. ६) पुण्यातील भोर, मुळशी, वेल्हा, साताऱ्यातील पाटण, जावळी, महाबळेश्वर, सातारा, सांगलीतील शिराळा या तालुक्यातील टॅंकर पूर्णपणे बंद झाले होते. उर्वरित ३३ तालुक्यांच्या टंचाईग्रस्त भागातील २० लाख ३० हजार ६७१ लोकसंख्या आणि १५ लाख ४४ हजार जनावरांची तहान टॅंकरच्या पाण्यावर भागात आहे. यासाठी ५०४ विहिरी आणि विंधन विहिरी अधिग्रहित करण्यात आल्या आहेत. 

 पावसाने ओढ दिलेल्या सोलापूर जिल्ह्यात सर्वाधिक पाणीटंचाई भेडसावत आहे. तेथील ३३५ गावे १ हजार ९५० वाड्यांमध्ये ३८२ टॅंकरने पाणीपुरवठा करावा लागत आहे, तर सांगली जिल्ह्यातील १७८ गावे १२४१ वाड्यांना २२० टॅंकरने पाणी पुरविले जात आहे. साताऱ्यातील २२४ गावे १ हजार ६ वाड्यांना २५५ टॅंकरने, तर पुणे जिल्ह्यातील १४५ गावे १ हजार २२१ वाड्यांमध्ये पिण्याच्या पाण्याचा पुरवठा करण्यासाठी २३७ टॅंकर सुरू आहेत.  

टंचाईग्रस्त भागात सुरू असलेल्या टॅंकरची तालुकानिहाय संख्या :
पुणे - इंदापूर ६६, बारामती ४६, पुरंदर ३५, दौंड ३३, शिरूर २९, आंबेगाव १२, जुन्नर ११, हवेली ४, खेड १.
सातारा - माण ११९, फलटण ४९, खटाव ४४, कारेगाव २९, वाई ७, खंडाळा २.
सांगली - जत ११८, आटपाडी ३८, कवठेमहांकाळ २४, तासगाव १९, खानापूर १६, मिरज ५.
सोलापूर - सांगोला ६१, मंगळवेढा ५८, करमाळा ५१, माढा ४२, मोहोळ ३३, दक्षिण सोलापूर ३१, माळशिरस २८, उत्तर सोलापूर २४,  बार्शी २३, पंढरपूर १७, अक्कलकोट १४. 

  • पुणे विभागात ३३ तालुक्यांमध्ये टंचाईच्या झळा कायम
  • ८८२ गावे ५ हजार ४१८ वाड्यांमध्ये तीव्र टंचाई 
  • १ हजार ९४ टॅंकरने पाणीपुरवठा सुरू
  • पावसाने ओढ दिलेल्या सोलापुरात सर्वाधिक टंचाई 
विभागातील पाणीटंचाईची जिल्हानिहाय स्थिती
जिल्हा गावे वाड्या एकूण टँकर्स
पुणे १४५ १२२१ २३७
सातारा २२४ १००६ २५५
सांगली १७८ १२४१ २२०
सोलापूर ३३५ १९५० ३८२
एकूण ८८२ ५४१८ १०९४

 


इतर ताज्या घडामोडी
पुणे बाजार समितीत १० हजार क्विंटल...पुणे : लॉकडाऊमध्ये शेतकऱ्यांच्या शेतमालाला उठाव...
अंत्योदय, ‘प्राधान्य कुटुंब’...मुंबई: राज्यातील स्वस्त धान्य दुकानांमधून एप्रिल...
सोलापूर बाजार समितीत गुरुवारीच होणार...सोलापूर : ‘कोरोना’चा संसर्ग रोखण्यासाठी...
सातारा जिल्हा बँकेतर्फे मुख्यमंत्री...सातारा : ‘कोरोना’मुळे देशात २१ दिवसांचा...
विनाअनुदान गॅस ६२ रुपयांनी स्वस्तनवी दिल्ली : लॉकडाउनच्या काळात जीवनावश्यक...
रेशनकार्डवर तीन महिन्यांचे धान्याचे...पुणे : कोरोनाचा प्रादुर्भाव रोखण्यासाठी...
वऱ्हाडात पावसाने पिकांसह घरांचे नुकसान अकोला : वऱ्हाडातील अकोला, बुलडाणा जिल्ह्यात काही...
पुणे जिल्ह्यात नागरिकांना रेशनकार्डवर...पुणे  ः कोरोनाचा प्रादुर्भाव रोखण्यासाठी...
नागलवाडी येथे भाजीपाला झाला जनावरांचे...गिरणारे, नाशिक : साडेचार एकर शेतातील काढणीस आलेले...
राज्यात शेतीपंपासाठीच्या वीज दरात एक...मुंबई : नेहमीच वीज दरवाढीचा बोजा सहन करणाऱ्या...
कोल्हापुरात मजूराला प्रवासास परवानगी...कोल्हापूर  ः कोरोनो विषाणूचा प्रादुर्भाव...
द्राक्षबागेतील वेगवेगळ्या अवस्थांनुसार...सध्याच्या परिस्थितीमध्ये द्राक्ष बागेत वेगवेगळ्या...
नांदेड, परभणी, हिंगोली जिल्ह्यात सलग...नांदेड : नांदेड, परभणी, हिंगोली जिल्ह्यातील २६...
अवकाळी पावसानंतर लिंबूवर्गीय फळबागेचे...स ध्या अनेक जिल्ह्यात सोसाट्याच्या वाऱ्यासह...
व्यवस्थापन फळे,भाजीपाला पिकांचेकाही भागांमध्ये गारपीट किंवा जोराचा पाऊस येण्याची...
कोकणातील आंबा उत्पादकांना दिलासा...मुंबई : सरकारने दूध उत्पादक शेतकऱ्यांना मोठा...
 ‘कोरोना’च्या लढ्यासाठी अशोक चव्हाण...नांदेड ः आमदार स्थानिक विकास कार्यक्रमांतर्गत...
परतूर परिसरात लॉकडाऊनमुळे टरबूज...परतूर, जि. जालना : परतूरसह परिसरातील टरबूज...
नागपूरात शेतकरी २४ ठिकाणी करणार थेट...नागपूर ः महात्मा फुले भाजी बाजार (कॉटन मार्केट)...
पुण्यात अत्यावश्यक सेवा पुरवणाऱ्यांना...पुणे  ः ‘कोरोना’चा प्रादुर्भाव रोखण्यासाठी...