‘टेंभू‘चे पाणी आटपाडीत, शेतकऱ्यांना दिलासा

‘टेंभू‘चे पाणी आटपाडीत, शेतकऱ्यांना दिलासा
‘टेंभू‘चे पाणी आटपाडीत, शेतकऱ्यांना दिलासा

आटपाडी जि. सांगली :  टेंभू पंपगृहातील पंपात बिघाड झाला होता. त्यामुळे ही योजना सुरू करता येत नव्हती. अखेर पंपगृहातील पंपाची दुरुस्ती करून प्रदीर्घ प्रतीक्षेनंतर अखेर ही योजना सुरू झाली. योजनेचे पाणी आटपाडी तालुक्यात दाखल झाले आहे. त्यामुळे शेतकऱ्यांना दिलासा मिळाला आहे.

टेंभू उपसा सिंचन योजनेचे आवर्तन उन्हाळ्यात ७० दिवस सुरू होते. साधारण दहा जूनच्या दरम्यान कोयनेतील पाणीसाठा कमी झाल्यामुळे योजना बंद केली. यानंतर योजनेच्या कालव्यावरील गेट आणि अस्तरीकरणाची कामे हाती घेऊन ती पूर्ण झाली. जिल्ह्यात ऑगस्टमध्ये कृष्णा काठाला महापूर आला. दुष्काळी भागाला मात्र हुलकावणी दिली. तालुक्यातील बहुतांशी तलाव कोरडे पडले होते. त्यामुळे वाहून जाणाऱ्या पाण्यातून तलाव भरून द्यावेत, या मागणीने जोर धरला. यासाठी आंदोलनेही झाली. मात्र, महापुराच्या पाण्यात टेंभूचे पंपगृह बुडाल्यामुळे ते खराब झाले. त्यामुळे पंप चालू करून पाणी देणे कठीण बनले. पूर ओसरल्यानंतर पंप दुरुस्तीचे काम सुरू केले. 

पहिल्या टप्प्यात तीन पंप सुरू केले आहेत. हे पाणी घाणंद तलावातून आटपाडी तलावाकडे सोडले आहे. टप्प्याटप्प्याने मोटारीची संख्या वाढवली जाणार आहे. त्यामुळे पाण्याचा प्रवाह वाढणार आहे. डाव्या कालव्याला ही लवकरच पाणी सोडण्याचे नियोजन आहे. घाणंद ते हिवतड कालव्यावर जागोजागी गेट आणि अस्तरीकरणाची कामे सुरू आहेत. चार दिवसांत कामे तातडीने संपवून कालव्यात पाणी सोडण्याचे नियोजन आहे. हे पाणी केवळ मुख्य कालव्याने पुढे न जाता, तालुक्यातील तलाव भरून द्यावेत, अशी मागणी शेतकऱ्यांनी केली.

मागणी आणि गरज ओळखून पाणीवाटपाचे नियोजन करण्याची गरज आहे. उन्हाळी आवर्तनात पाटबंधारे मागणी केलेली काही गावे पाण्यापासून वंचित आहेत. उन्हाळ्यात ज्यांना पाणी मिळाले नाही, त्या भागाला प्राधान्याने पाणी सोडावे, अन्यथा मनमानी नियोजन केल्यास तीव्र आंदोलन करण्यात येईल, असा इशारा शेतकऱ्यांनी दिला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com