Agriculture news in Marathi Water will be available from the mill, Hatnur Dam | Agrowon

गिरणा, हतनूरमधून मिळणार रब्बीसाठी आवर्तने

टीम अॅग्रोवन
मंगळवार, 27 ऑक्टोबर 2020

जिल्ह्यासाठी महत्त्वाच्या असलेल्या गिरणा, हतनूर व वाघूर धरणातून रब्बी हंगामासाठी पाणी किंवा आवर्तन मिळेल, हे निश्‍चित आहे. परंतु त्यासाठी अंतिम निर्णय जलसंपदा विभाग घेईल. कालवा समितीच्या शिफारशी, मागणी यानंतर जलसंपदा विभाग निर्णय घेईल. या कालवा समितीच्या बैठकीकडे लक्ष लागून आहे.

जळगाव ः जिल्ह्यासाठी महत्त्वाच्या असलेल्या गिरणा, हतनूर व वाघूर धरणातून रब्बी हंगामासाठी पाणी किंवा आवर्तन मिळेल, हे निश्‍चित आहे. परंतु त्यासाठी अंतिम निर्णय जलसंपदा विभाग घेईल. कालवा समितीच्या शिफारशी, मागणी यानंतर जलसंपदा विभाग निर्णय घेईल. या कालवा समितीच्या बैठकीकडे लक्ष लागून आहे.

गिरणा, वाघूर, हतनूर हे प्रमुख सिंचन प्रकल्प आहेत. गिरणा धरणाच्या माध्यमातून ५१ हजार हेक्टर क्षेत्राचे रब्बीमध्ये सिंचन करणे शक्य आहे. हतनूर धरणाद्वारे सुमारे १८ हजार हेक्टर क्षेत्रावरील रब्बी पिकांचे सिंचन करता येते. तर वाघूर धरणामुळेदेखील सिंचन क्षमता वाढली आहे. हतनूर धरणाची साठवण क्षमता नऊ टीएमसी, गिरणाची १८.४८ टीएमसी आणि वाघूरची ८.७६ टीएमसी एवढी साठवण क्षमता आहे. हे प्रकल्प १०० टक्के भरले आहेत.

हतनूर, वाघूर व गिरणा धरणावर काही शहरांसह उद्योगासाठीदेखील पाणीपुरवठा करण्याची जबाबदारी आहे. यासाठीदेखील वेगळे आरक्षण करावे लागेल. गिरणा धरणातून नदीत पाच वेळेस पाण्याचे आवर्तन टंचाई दूर करण्यासंबंधी सोडले जाते. सुमारे १०० गावांमधील सार्वजनिक पाणीपुरवठा योजनांचे पुनर्भरण करण्यासाठी गिरणा धरणातून नदीत पाणी सोडले जाते. तसेच नाशिकमधील मनमाड, मालेगाव, जळगाव जिल्ह्यातील चाळीसगाव, पाचोरा व भडगाव शहरांच्या पाणी योजनांनाही गिरणा धरणातून पाणीपुरवठा केला जातो. गिरणा नदीत यंदाही पाच वेळेस हे पाणी सोडले जाईल.

कानळदा (ता. जळगाव) पर्यंत हे पाणी सोडले जाईल. हतनूर धरणावर भुसावळ, दीपनगर औष्णिक वीजप्रकल्प आणि वरणगाव (ता. भुसावळ) येथील आयुध निर्माणीचा पाणीपुरवठादेखील अवलंबून आहे. वाघूर धरणावर जळगाव व जामनेर ही मोठी शहरे आणि काही मोठ्या उद्योगांचा पाणीपुरवठा अवलंबून आहे. या पाण्याच्या आरक्षणाबाबतही कालवा समितीच्या बैठकीत चर्चा  होईल. यानंतर प्रशासन अहवाल तयार करील. ही बैठक दिवाळीपूर्वी होवू शकते. बैठकीनंतर जलसंपदा मंत्रालयास माहिती दिली जाईल, असे सूत्रांनी सांगितले.

रब्बीसाठी देता येईल तीनवेळा आवर्तन
गिरणा धरणाच्या माध्यमातून चाळीसगाव, पाचोरा, भडगाव, एरंडोल, धरणगाव या तालुक्यात सिंचन करता येते. वाघूर धरणाद्वारे भुसावळ, जामनेर व जळगाव तालुक्यात रब्बीसाठी आवर्तन देता येते. तर हतनूर धरणाच्या माध्यमातून रावेर, यावल व चोपडा तालुक्यात रब्बीसाठी आवर्तन दिले जाते. या सर्व प्रकल्पांमधून रब्बीसाठी तीनदा आवर्तन देता येईल, अशी स्थिती आहे.


इतर ताज्या घडामोडी
रत्नागिरी, संगमेश्‍वरसाठी भात खरेदी सुरूरत्नागिरी  : रत्नागिरी व संगमेश्‍वर...
खानदेशात यात्रांअभावी अनेकांवर...सोनगीर, जि. धुळे  : खानदेशात पावसाळा वगळता...
नाशिक जिल्ह्यात रब्बीच्या पेरणीसाठी...गिरणारे, जि. नाशिक : खरीप हंगामातील भात, भुईमूग,...
खांबाळे, पडवणे येथील आंबा, काजूची ६००...सिंधुदुर्ग ः जिल्ह्यातील खांबाळे (ता....
बोडखा येथे ‘स्वाभिमानी’चे झाडावर...बुलडाणा : केंद्र सरकारने पारित केलेले शेतकरी...
औरंगाबादमध्ये केंद्राच्या कृषी...औरंगाबाद : केंद्र सरकारने पारित केलेले तीन कृषी...
खानदेशात सव्वा लाख हेक्टरवर पेरणीजळगाव : खानदेशात मक्याची लागवड सुरूच आहे. रब्बी...
परभणी जिल्ह्यात कापूस विक्रीच्या...परभणी : ‘‘राज्य सहकारी कापूस उत्पादक पणन...
नाशिक विभागात रोज एक लाख टन उसाचे गाळपनगर  ः नाशिक विभागातील ३२ पैकी २५ साखऱ...
औरंगाबाद, नगर जिल्ह्यात कापसाची ३४ हजार...औरंगाबाद : राज्य कापूस उत्पादक पणन महासंघाच्या...
कृषी कायद्यांविरोधात साताऱ्यात धरणेसातारा : शेतकरी विरोधी कायदे मागे घेण्यासाठी...
जालना जिल्ह्यात दहा हजार क्‍विंटलवर...जालना : ‘‘जिल्ह्यात मक्याची किमान आधारभूत...
महिनाभर जमीन आरोग्य सुधार अभियानऔरंगाबाद : जमिनीच्या सुपीकतेवर भर देण्याची गरज...
गहू, ज्वारी पिकांवरील खोडमाशीचे...बहुतांश ठिकाणी गहू व ज्वारी पिकाची पेरणी झाली आहे...
पिकाच्या संवेदनशील अवस्थेनुसार पाणी...रब्बी हंगामामध्ये घेतल्या जाणाऱ्या पिकांसाठी...
राज्यात लसूण ५००० ते १३००० रुपयेनाशिकमध्ये ६२०० ते ११५०० रुपये  नाशिक :...
उत्तम भाजीपाला उत्पादनासाठी पोषक हवामानवाटाणा वाटाणा हे थंड हवामानातील पीक असून या...
बहिरम यात्रा अखेर रद्दअमरावती : लाखो भाविकांचे कुलदैवत आणि विदर्भात...
महाद्वार काल्याने कार्तिकी यात्रेची...सोलापूर : कोरोनाच्या पार्श्वभूमीवर पंढरपुरात...
विधान परिषदेच्या सहा जागांचा आज निकालमुंबई : महाराष्ट्र विधान परिषदेच्या तीन पदवीधर,...