agriculture news in Marathi watermelon cucumber papaya rate in pressure Maharashtra | Page 2 ||| Agrowon

खानदेशात कलिंगड, काकडी, पपई दरांवर दबाव 

टीम अॅग्रोवन
रविवार, 7 मार्च 2021

खानदेशात पपईला हंगाम अंतिम टप्प्यात असतानादेखील हवे तसे दर मिळत नसल्याची स्थिती आहे. फक्त केळीचे दर स्थिर आहेत. इतर फळांमध्ये कलिंगड, काकडीची काढणी अलीकडेच सुरू झाली आहे. 

जळगाव ः खानदेशात पपईला हंगाम अंतिम टप्प्यात असतानादेखील हवे तसे दर मिळत नसल्याची स्थिती आहे. फक्त केळीचे दर स्थिर आहेत. इतर फळांमध्ये कलिंगड, काकडीची काढणी अलीकडेच सुरू झाली आहे. परंतु दर पुरेसे मिळत नसल्याची स्थिती आहे. 

कलिंगड, काकडी लागवड खानदेशात वाढली आहे. ही लागवड जळगावमधील जामनेर, यावल, चोपडा, पाचोरा, एरंडोल आदी भागांत आहे. धुळ्यातील शिरपूर, शिंदखेडा, धुळे भागांतही कलिंगड, काकडीचे पीक आहे. कलिंगडाची लागवड खानदेशात सुमारे तीन हजार हेक्टरवर झाली आहे. अनेक शेतकऱ्यांनी केळी पिकात आंतरपीक म्हणून काकडी, कलिंगडाची लागवड केली आहे. काही शेतकऱ्यांच्या कलिंगडाची काढणी याच आठवड्यात सुरू झाली आहे. कलिंगडाची खरेदी थेट शिवारात किंवा शेतात खरेदीदार करतात. मध्य प्रदेश, जळगाव, धुळे भागातील खरेदीदार कलिंगड खरेदी करतात. पण कलिंगडास सुरुवातीलादेखील दर कमी म्हणजेच ३०० ते ४०० रुपये क्विंटल एवढे मिळत आहेत. 

काकडीची आवक बाजारात होत आहे. काकडीलाही प्रतिकिलो १२ रुपये दर शेतकऱ्यांना मिळत आहे. दर कमी असल्याने खर्च व उत्पादनाचा ताळमेळ बसेल की नाही, असा प्रश्‍न शेतकऱ्यांसमोर आहे. कलिंगडाची काढणी तीनच दिवसांत एका क्षेत्रात पूर्ण होते. यामुळे दरांबाबत मोठा फटका शेतकऱ्यांना बसत आहे. कलिंगडाची सध्या रोज १० ट्रक (एक ट्र ७ टन क्षमता) एवढी आवक होत आहे. जळगाव बाजार समितीत लहान व मोठ्या काकडीची आवक वाढत असून, लहान काकडीची रोज १० क्विंटल आवक होत आहे. 
----------------- 
चौकट 
पपईला कमी दर 
पपईचा हंगाम खानदेशात अंतिम स्थितीत आहे. परंतु पपईला थेट शिवार खरेदीत प्रतिकिलो पाच ते सहा रुपये दर मिळत आहे. उष्णता वाढल्याचे कारण देत खरेदीदार कमी दरांबाबत देत आहेत. परंतु उत्तरेकडे सध्या वातावरण बऱ्यापैकी थंड आहे. त्या भागात पपईला मागणी आहे. असे असताना शेतकऱ्यांना दर कमी का दिले जात आहेत, असा प्रश्‍न शेतकरी उपस्थित करीत आहेत. पपईची आवक कमी झाली आहे, असे सांगण्यात आले. 


इतर बातम्या
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
खरीप हंगामाच्या तोंडावर ...यवतमाळ : गेल्या दशकात जिल्ह्यातील शेतकरी कधी...
अमरावतीत शासकीय दूध योजनेच्या संकलनात ...अमरावती : कोरोनामुळे हॉटेल आणि दुग्धजन्य पदार्थ...
‘आंबेओहोळ’ची घळभरणी अंतिम टप्यात उत्तूर, जि. कोल्हापूर : आरदाळ-उत्तूर (ता. आजरा)...
म्हैसाळ योजनेतून सांगोल्यासाठी पाणी...सांगोला, जि. सोलापूर : सांगोला वितरिका क्रमांक...
सहा कारखान्यांनी उरकले गाळप; ९७ लाख ३८... सातारा : जिल्ह्यातील साखर हंगाम अंतिम टप्प्यात...
खरिपासाठी नगरमध्ये साडेसहा लाख हेक्टर...पुणे नगर : नगर जिल्ह्यात यंदा खरिपासाठी यंदा ६...
परभणीतील शेतकऱ्यांना ८३ कोटींचा विमा...परभणी : पंतप्रधान पीकविमा योजनेअंतर्गंत सन...
विदर्भात उद्यापासून वादळी पावसाचा इशारा पुणे : विदर्भासह संपूर्ण राज्यात उन्हाचा चटका...
गटशेतीच्या पायावर ‘एफपीसी’चा कळस पुणे : राज्यात अल्प व अत्यल्प भूधारक शेतक-यांना...
तोडणीला परवडेना टोमॅटो औरंगाबाद : जिल्ह्यातील गंगापूर, कन्नड तालुक्यातील...
ग्रामसभा करणार तेंदुपत्याची विक्री गडचिरोली : पेसा (पंचायत एक्स्टेंशन टू शेडूल...
ग्रामीण रुग्णांसाठी जिल्हा परिषद...सोलापूर ः जिल्ह्याच्या ग्रामीण भागामध्ये कोरोनाचा...
कृषी पणन मंडळाकडून आॅनालाइन आंबा...पुणे ः कोरोना संकटातही आंबा उत्पादक शेतकऱ्यांच्या...
अखेर मोसंबी उत्पादकांना विमा परतावा...जालना : जिल्ह्यातील सहा हजारांवर मोसंबी...
राहीबाई पोपेरे यांची वनस्पती संरक्षण...नाशिक : भारत सरकारच्या कृषी व शेतकरी कल्याण...
कोरोनाबाबत डाॅ. सिंग यांनी सूचवलेला...नांदेड : कोरोनाविरूद्ध लढण्यासाठी माजी पंतप्रधान...
कोरोना व्हॅक्सिनसाठी वयाची अट शिथिल...कोल्हापूर : भाजीपाला, दूध उत्पादक तसेच...
पुणे बाजार समितीत गर्दीला बसणार लगामपुणे : शहरात कोरोना संसर्गामुळे लावण्यात आलेल्या...
गोसीखुर्द धरणाच्या पाण्याचे ...चंद्रपूर : प्रकल्पाच्या पाणलोट क्षेत्रात झालेल्या...