पश्‍चिम बंगालच्या चवदार ‘हिल्सा’ला मिळणार संरक्षण

 पश्‍चिम बंगालच्या चवदार ‘हिल्सा’ला मिळणार संरक्षण
पश्‍चिम बंगालच्या चवदार ‘हिल्सा’ला मिळणार संरक्षण

कोलकता : बाबूमोशायना अत्यंत आवडणाऱ्या हिल्सा माशांचा पुरवठा वाढविण्यासाठी पश्‍चिम बंगाल सरकारने प्रयत्न सुरू केले आहेत. हा मासा जास्तीत जास्त प्रमाणात उपलब्ध व्हावा, म्हणून गंगा नदीत अभयारण्ये निर्माण केली जातील. हिल्सा मासा आणि त्यापासून बनविलेल्या चविष्ट पदार्थांवर बंगाली बाबूंच्या अक्षरशः उड्या पडतात. पण मागणीच्या तुलनेत पुरवठा कमी असल्याने या माशाचे दरही चढेच असतात. हा पुरवठा वाढविण्यासाठी गंगा नदीत अभयारण्ये निर्माण केली जाणार आहेत. त्यासाठी १९६९ च्या अंतर्गत मत्स्योत्पादन आणि सागरी कायद्यात बदल केले जाणार आहेत. बंगालच्या उपसागरातून गंगेत अंडी घालण्यासाठी येणाऱ्या हिल्सा माशांपैकी केवळ वीस टक्के माशांचे संरक्षण केले, तरी त्यांची पैदास वाढून स्थानिक बाजारपेठेची मागणी पुरविता येईल, असे राज्याच्या मत्स्योत्पादन विभागाने केलेल्या सर्वेक्षणातून स्पष्ट झाले. सध्या मागणी पूर्ण करण्यासाठी बांगलादेशातून या माशांची आयात केली जाते. हिल्साची पैदास वाढविण्यासाठी गंगेच्या विविध भागांतील सुमारे २५ चौरस किलोमीटर भाग संरक्षित क्षेत्र म्हणून जाहीर केला जाणार आहे. त्यात मुर्शिदाबाद जिल्ह्यातील लालबागपासून माल्डा जिल्ह्यातील फराक्कापर्यंत, वर्धमान जिल्ह्यातील कटवापासून हुगळी जिल्ह्यातील हल्दीघाटपर्यंत आणि उत्तर २४ परगणा जिल्ह्यातील डायमंड हार्बरपासून याच जिल्ह्यातील निश्‍चंद्रपूरपर्यंतच्या भागाचा समावेश असल्याचे राज्याचे मत्स्योद्योगमंत्री चंद्रनाथ सिंगा यांनी सांगितले. बंगालच्या उपसागरानजीकच्या मातला, ठाकुर्नी आणि रायमंगल या नद्यांमध्ये मासेमारीला बंदी केली जाणार आहे. हिल्सासाठी संरक्षित केल्या जाणाऱ्या क्षेत्रातील जलप्रवाहांत कोणतेही प्रदूषण होणार नाही याची खबरदारीही घेतली जाणार आहे.  अाकडेवारीत हिल्सा..  २२,००० टन : गेल्या वर्षी मिळालेले हिल्सा २५० टन : म्यानमारमधून केलेली आयात

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com