agriculture news in Marathi we dont want black laws Maharashtra | Agrowon

केंद्राच्या काळ्या कायद्यांची आम्हाला गरज नाही : महिला शेतकरी

टीम अॅग्रोवन
मंगळवार, 27 जुलै 2021

कायद्याच्या प्रक्रियेतून न आलेल्या काळ्या कायद्याची आम्हाला गरज नाही, हमीभावाची कायद्याने हमी द्यावी, अत्यावश्‍यक सुधारणा कायद्याने साठेबाजी आणि काळ्या बाजाराला प्रोत्साहन मिळणार असल्याने रद्द करावा.

नवी दिल्ली ः कायद्याच्या प्रक्रियेतून न आलेल्या काळ्या कायद्याची आम्हाला गरज नाही, हमीभावाची कायद्याने हमी द्यावी, अत्यावश्‍यक सुधारणा कायद्याने साठेबाजी आणि काळ्या बाजाराला प्रोत्साहन मिळणार असल्याने रद्द करावा, अशा मागण्या सोमवारी (ता.२६) महिला शेतकरी संसदेत करण्यात आल्या. 

केंद्राच्या कृषी कायद्यांविरोधात उत्तर प्रदेश, पंजाब आणि हरियानातील २०० महिलांनी येथील जंतर मंतरवर ‘शेतकरी संसद’ भरवली. सोमवारी शेतकरी संसदेत अत्यावश्‍यक वस्तू (सुधारणा) कायदा, २०२० आणि शेतीमालाला कायद्याने हमीभाव देण्यावर चर्चा करण्यात आली. शेतकरी संसदेचे सुभाषिनी अली यांनी संचलन केले. राष्ट्रगीताने संसदेला प्रारंभ झाला. त्यानंतर शेतकरी आंदोलनात मृत्यू झालेल्या शेतकऱ्यांना आदरांजली वाहण्यासाठी दोन मिनिटांचे मौन पाळण्यात आले. 

‘‘आजच्या संसदेतून महिलांच्या सामर्थ्याची ओळख आहे. महिला या घरही चालवू शकतात आणि देशही, आज येथील सर्व जण राजकारणी आहोत. सरकार आपल्याला आतंकवादी, खलिस्तानी आदी नावांनी संबोधित आहे. परंतु त्यांच्यात हिंमत असले तर त्यांनी या आतंकवादी, खलिस्त्यांनी उत्पादित केलेले अन्न खाऊ नये,’’ असेही श्रीमती अली म्हणाल्या. 

शेतकरी नेत्या नीतू खन्ना यांनी हमीभावाची कायद्याने तरतूद करण्याची मागणी करत, ‘‘देशातील सर्वसामान्य शेतकरी हमीभाव नसल्याने संकटात आहे. त्यामुळे हमीभाव कायद्याने लागू करावा,’’ अशी मागणी केली. नीव किरण यांनी अत्यावश्‍यक कायदा महिला, गरीब आणि सामान्य माणसाच्या विरोध असल्याने रद्द करण्याची मागणी केली. ‘‘अत्यावश्‍यक सुधारणा कायद्यामुळे साठेबाजी आणि काळ्या बाजाराला प्रोत्साहन मिळणार आहे. लोकांच्या हे लक्षात का येत नाही की या कायद्यामुळे शेतकरी नाही तर सामान्य माणूस भरडला जाणार आहे. तसेच कायद्याच्या प्रक्रियेतून निर्माण न झालेल्या या काळ्या कायद्यांची आम्हाला आवश्‍यकता नाही,’’ असेही किरण म्हणाल्या. 

महिला शेतकरी संसदेतील मंजूर प्रस्ताव 

  • देशाच्या शेतीमध्ये महिलांचे मोठे योगदान आहे, तरीही महिलांचा जे स्थान आणि सन्मान मिळायला पाहिजे तो देशात मिळत नाही. त्यांची मेहनत, कुशलता आणि प्रगतीला आंदोलन आणि समाजात योग्य दर्जा देणे आवश्‍यक आहे. शेतकरी आंदोलनात महिलांचे योगदान वाढविण्यासाठी विचारपूर्वक पावले उचलण्याची आवश्‍यक आहे. 
  • स्थानिक स्वराज्य संस्थांच्या पार्श्‍वभूमीवर संसद आणि विधानसभांमध्येही महिलांना ३३ टक्के प्रतिनिधित्व मिळावे. जवळपास ५० टक्के लोकसंख्या असलेल्या महिलांना प्रतिनिधित्व मिळावे यासाठी संविधानात सुधारणा करावी. 
     

इतर अॅग्रो विशेष
देशभरात सोयाबीन ५५०० ते ७३००च्या दरम्यानपुणे : सध्या बाजारात येणाऱ्या सोयाबीनपैकी ज्या...
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
द्राक्ष पिकातील कलम वर्षभर यशस्वी...महाराष्ट्रात द्राक्ष, आंबा व अन्य फळपिकांचे कलम...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
पेरणी ते काढणी- जपला यांत्रिकीकरणाचा वसागरज ही शोधाचा जननी असते. त्यातूनच निंभोरा बोडखा (...
जोरदार वारे, मेघगर्जना, विजांसह पावसाचा...पुणे : राज्यात पुढील दोन दिवस जोरदार वारे,...
पुण्यात साकारतेय देशी गाय संशोधन आणि...पुणे ः देशी गायींच्या संवर्धनातून त्यांची...
विमा कंपन्यांना आठ हंगामांत १२ हजार...पुणे ः देशातील खासगी विमा कंपन्यांनी गेल्या आठ...
द्राक्ष हंगामात नियोजन आणि बाजारपेठेचे...अधिक परतावा देणारी पिके म्हणजे जोखीमही मोठी असते...
मागणीमुळे हरभरा दर हमीभावाच्या वर टिकूनपुणे : गेल्या आठवडाभरात हरभऱ्याला चांगली मागणी...
महुद ग्रामस्थांची एकजूट कौतुकास्पद :...सोलापूर ः वसुंधरा आणि पृथ्वीच्या रक्षणासाठी...
उच्चशिक्षित दांपत्याची पोल्‍ट्रीत...वाशीम जिल्हयात मुठ्ठा या छोट्या गावात नीलेश व...
भरीताच्या वांग्यासह केळी अन कांद्याची...नशिराबाद (ता.. जि.. जळगाव) येथील लालचंद व यशवंत...
मध केंद्र योजनेंतर्गत साहित्य  स्वरूपात...नाशिक : महाराष्ट्र राज्य खादी व ग्रामोद्योग...
ठिबक अनुदान वाटपाच्या  प्रक्रियेवर...पुणे : प्रधानमंत्री कृषी सिंचन योजनेतून अनुदान...