agriculture news in marathi, weather, cyclone prediction in Arabian sea, Monsoon | Agrowon

अरबी समुद्रात चक्रीवादळाचे संकेत
संतोष मुंढे
मंगळवार, 22 मे 2018

पुणे : ‘सागर’ चक्रीवादळापाठोपाठ अरबी समुद्रात आणखी एक चक्रीवादळ येण्याचे संकेत आहेत. लक्षद्वीप बेटांच्या जवळच्या समुद्रात ठळक कमी दाबाचे क्षेत्र सक्रिय झाले आहे. बुधवारपर्यंत (ता. २३) या भागात चक्रीवादळ तयार होणार असून, हे चक्रीवादळ ओमानकडे सरकण्याची शक्यता असल्याचे हवामान विभागाने स्पष्ट केले आहे.

पुणे : ‘सागर’ चक्रीवादळापाठोपाठ अरबी समुद्रात आणखी एक चक्रीवादळ येण्याचे संकेत आहेत. लक्षद्वीप बेटांच्या जवळच्या समुद्रात ठळक कमी दाबाचे क्षेत्र सक्रिय झाले आहे. बुधवारपर्यंत (ता. २३) या भागात चक्रीवादळ तयार होणार असून, हे चक्रीवादळ ओमानकडे सरकण्याची शक्यता असल्याचे हवामान विभागाने स्पष्ट केले आहे.

अाग्नेय अरबी समुद्रात तयार झालेल्या कमी दाब क्षेत्राची तीव्रता वाढत आहे. त्याला लागूनच चक्राकार वाऱ्यांची स्थिती आहे. मंगळवारी या भागात तीव्र कमी दाबाचे क्षेत्र (डिप्रेशन) तयार होणार असून, बुधवारी चक्रीवादळात रूपांतर होण्याची शक्यता असल्याचे स्पष्ट करण्यात आले आहे. २३ ते २६ मे या कालावधीत ६५ किलोमीटर वेगाने वारे वाहण्याची शक्यता असल्याने मासेमारीसाठी खोल समुद्रात न जाण्याचा इशारा देण्यात आला आहे. दुसरीकडे श्रीलंकेच्या किनाऱ्यालगत समुद्रसपाटीपासून १.५ ते ५.८ किलोमीटर उंचीवर आणखी एक चक्राकार वाऱ्यांची स्थिती तयार झाली आहे.

राज्यात असलेल्या कोरड्या हवामानामुळे तापमानात वाढ होत असून, विदर्भ, मध्य महाराष्ट्रात उष्णतेच्या लाटेचा इशारा देण्यात आला अाहे. विदर्भात लाट अधिक तीव्र असण्याची शक्यता आहे. ब्रह्मपुरी येथे देशातील उच्चांकी ४७.५ अंश सेल्सिअस तापमानाची नोंद झाली आहे. राज्यात कोरड्या व उष्ण हवामानाचा अंदाज वर्तविण्यात आला आहे.

सोमवारी (ता. २१) सकाळी साडेआठ वाजेपर्यंतच्या २४ तासांमध्ये राज्यातील विविध ठिकाणचे कमाल तापमान (अंश सेल्सिअसमध्ये) : पुणे ३८.२, जळगाव ४४.०, कोल्हापूर ३३.२, महाबळेश्वर ३०.८, मालेगाव ४४.८, नाशिक ३९.३, सांगली ३४.४, सातारा ३६.४, सोलापूर ४०.६, मुंबई ३५.४, अलिबाग ३३.९, रत्नागिरी ३३.७, डहाणू ३६.२, आैरंगाबाद ४१.७, परभणी ४५.०, नांदेड ४३.५, अकोला ४४.७, अमरावती ४४.६, बुलडाणा ४०.६, ब्रह्मपुरी ४७.१, चंद्रपूर ४७.८, गोंदिया ४४.२, नागपूर ४६.२, वर्धा ४५.६, यवतमाळ ४४.५. 

अंदमानात मॉन्सून २३ एेवजी २५ला?
नैऋत्य मोसमी वारे (मॉन्सून) बुधवारपर्यंत (ता. २३) रोजी अंदमानात दाखल होण्याचे संकेत हवामान विभागाने यापूर्वीच दिले आहेत. मात्र हवामानात सातत्याने होत असलेल्या बदलामुळे मॉन्सूनचे अागमन काहीसे लांबण्याची शक्यता आहे. सध्य स्थितीनुसार माॅन्सून वारे अंदमानात गुरुवारी (ता. २४) किंवा शुक्रवारी (ता. २५) दाखल होण्याचा अंदाज हवामान विभागाकडून वर्तविण्यात आला आहे. परिणामी शुक्रवारी (ता. २५) अंदमान निकोबार बेटांवर जाेरदार पावसाची शक्यता आहे. हवामानात हाेत असलेले बदल, वाऱ्यांची दिशा, पावसाचे प्रमाण यावर मॉन्सूनची वाटचाल ठरत असते. त्याचा मॉन्सूनच्या आगमनावरील परिणामावर हवामान शास्त्रज्ञ सातत्याने लक्ष ठेऊन आहेत.

इतर अॅग्रो विशेष
देशात सोयाबीन लागवडीत ११ टक्के घटनवी दिल्ली : देशातील महत्त्वाच्या सोयाबीन...
भारताची चंद्राला पुन्हा गवसणी;...श्रीहरिकोटा : चंद्राच्या अप्रकाशित भागावर प्रकाश...
महात्मा फुले कृषी विद्यापीठाला देशात...नगर ः नवी दिल्ली येथील भारतीय कृषी संशोधन...
व्यापाऱ्याकडून द्राक्ष उत्पादकांची तीन...नाशिक: ओझर येथील आदित्य अ‍ॅग्रो एक्स्पोर्ट या...
‘कन्या वनसमृद्धी योजने’अंतर्गत शेतकरी...मुंबई : शेतकरी कुटुंबात मुलगी जन्माला आली तर...
ड्रोन तंत्रज्ञानाच्या वापराबाबत `...अकोला ः कृषी क्षेत्रात ड्रोन तंत्रज्ञानाचा...
जमीन सुपीकता जपत दर्जेदार संत्रा...दर्जेदार संत्रा फळांच्या उत्पादनात सातत्य राखत...
केळीत दोन हंगामात कारले पिकाचा प्रयोगजळगाव जिल्ह्यातील करंज येथील रामदास परभत पाटील...
कृषी विभागाकडून परीक्षा शुल्क परतीसाठी...अमरावती ः परीक्षा शुल्क परतीसाठी पोस्टेज खर्च सात...
सूतगिरण्या तीन दिवस बंद करण्याची वेळजळगाव ः चीन, युरोपातील सूत निर्यात जवळपास ठप्प...
राज्यात अवघा २५ टक्के पाणीसाठापुणे : जुलै महिना संपत आला, तरीही पावसाने...
गुरुवारपासून पावसाचा जोर वाढण्याची...पुणे: राज्याच्या बहुतांशी भागांत पावसाने उघडीप...
लावलेली वनवृक्षे जगवावी लागतीलनिसर्गाचा समतोल सातत्याने ढासळत असून, जगभरातच...
खजुराची शेती खुणावतेय विदर्भ आणि मराठवाड्यात सिंचनाच्या फारशा सोयी...
शेळीपालन ते दुग्ध प्रक्रिया ः महिलांनी...नाशिक जिल्ह्यातील सिन्नर हा अवर्षणप्रवणग्रस्त...
सरकारला एवढी कसली घाई?विविध मंत्रालयांसाठी अर्थसंकल्पात केल्या जाणाऱ्या...
एक पाऊल पोषणक्रांतीच्या दिशेनेशे तकऱ्यांचे कष्ट, शास्त्रज्ञांचे प्रयत्न आणि...
आधुनिक तंत्रासह काटेकोर धोरणाने अमेरिकन...पुणेः विविध जागतिक संस्थांनी एकत्र येऊन आफ्रिकी,...
मक्याच्या तुटवड्यामुळे अंडी आणि चिकन...पुणे : दक्षिण भारतासह महाराष्ट्र व मध्य प्रदेशात...
लष्करी अळीमुळे राज्यभरातील शेतकरी त्रस्तपुणेः गेल्या वर्षी भीषण दुष्काळाचा सामना करणाऱ्या...