‘क्यार’ चक्रीवादळ आज तीव्र होणार; राज्यात पाऊस ओसरण्याचा अंदाज

‘क्यार’ चक्रीवादळ आज तीव्र होणार; राज्यात पाऊस ओसरण्याचा अंदाज
‘क्यार’ चक्रीवादळ आज तीव्र होणार; राज्यात पाऊस ओसरण्याचा अंदाज

पुणे  : कोकण किनाऱ्याजवळील अरबी समुद्रात असलेल्या ‘क्यार’ चक्रीवादळाची तीव्रता आणखी वाढणार आहे. या वादळाचे अतितीव्र वादळात रूपांतर होणार आहे. मात्र आजपासून (ता. २६) हे वादळ पश्चिमेकडे अरबी समुद्रातून ओमानच्या दिशेने जाण्याचे संकेत हवामान विभागाने दिले आहेत. वादळाबरोबरच बाष्पही ओढले जाऊन राज्यातील पावसाचा जोरही ओसरण्याचा अंदाज आहे. मात्र किनाऱ्यालगत उंच लाटा उसळून समुद्र खवळण्याचा इशारा देण्यात आला आहे.  

शुक्रवारी (ता. २५) पहाटे ‘क्यार’ चक्रीवादळाने सिंधुदुर्ग किनारपट्टीलगतच्या मालवण, वेंगुर्ला भागाला जोरदार तडाखा दिला. चक्रीवादळामुळे समुद्र खवळला असून अजस्र लाटा किनारपट्टीला धडकत आहेत. खवळलेल्या समुद्राचे पाणी वस्त्यांमध्ये घुसले. वादळामुळे जिल्ह्यात मुसळधार पाऊस आणि जोरदार वारे वाहत आहेत. किनारपट्टीलगत ताशी ८० ते १०० किलोमीटर वेगाने जोदार वारे वाहत आहेत. शुक्रवारी या चक्रीवादळाचे केंद्र रत्नागिरीपासून २१० किलोमीटर, तर मुंबईपासून ३७० किलोमीटर नै्ऋत्य दिशेला होते. 

आज (ता. २६) हे चक्रीवादळ आणखी तीव्र होणार आहे, तर ही प्रणाली हळूहळू ओमानच्या सलालाह किनाऱ्याकडे सरकत जाताना अतितीव्र होईल. किनाऱ्यालगत असलेल्या कोकण किनारपट्टी, गोवा आणि कर्नाटक राज्यात ढगांची दाटी झाली असून, या भागात जोरदार पाऊस पडत आहे. आजपासून (ता. २६) पावसाचा जोर काहीसा कमी होण्याची शक्यता आहे. कोकणासह राज्यात हलक्या पावसाचा अंदाज असून, नगर, पुणे, औरंगाबाद, बीड, लातूर, उस्मानाबाद जिल्ह्यात तुरळक ठिकाणी वादळी वारे, मेघगर्जना, विजांसह पाऊस पडण्याची शक्यता आहे.

ढगाळ हवामान आणि पावसाच्या हजेरीने तापमानात चढ-उतार होत असून, शुक्रवारी (ता. २५) सकाळपर्यंतच्या २४ तासांमध्ये नांदेड येथे सर्वाधिक ३३.० अंश सेल्सिअस तापमानाची नोंद झाली.

राज्यातील विविध ठिकाणचे कमाल तापमान, कंसात सरासरीच्या तुलनेत वाढ, घट (अंश सेल्सिअसमध्ये) : पुणे २७.४ (-३.८), जळगाव २४.४ (-९.९), कोल्हापूर २४.४ (-९.९),  मालेगाव २३.२ (-९.५), नाशिक २४.३ (-७.५), सांगली २५.० (-७.३), सातारा २४.५ (-५.४), सोलापूर २९.३ (-३.३), अलिबाग २८.४ (-४.४), रत्नागिरी २६.१ (-६.९), औरंगाबाद २४.४ (-६.९), परभणी २७.५ (-४.४), नांदेड ३३.० (०.३), अकोला २६.० (-६.९), अमरावती २७.८ (-५.०), बुलडाणा २१.४ (-८.६), ब्रह्मपुरी २९.८ (-२.०), चंद्रपूर ३०.० (-२.४),नागपूर २८.९ (-३.१), वर्धा २९.५ (-२.३).

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com