agriculture news in marathi, weekly weather advisary | Agrowon

आठवड्याचे हवामान : सर्वत्र चांगल्या पावसाची शक्‍यता

डॉ. रामचंद्र साबळे
शनिवार, 7 जुलै 2018

महाराष्ट्रावर पूर्व-पश्‍चिम दिशेने १००४ हेप्टापास्कल, उत्तर महाराष्ट्र, मध्य व पूर्व विदर्भ व मराठवाड्यावर १००२ हेप्टापास्कल इतका कमी हवेचा दाब राहण्यामुळे मॉन्सून पावसाच्या प्रमाणात वाढ होईल. उत्तर व मध्य भारतावर ९९६ ते ९९८ हेप्टापास्कल इतका कमी हवेचा दाब राहण्यामुळे तसेच गुजरात व राजस्थानवर १००० हेप्टापास्कल इतका कमी हवेचा दाब राहण्यामुळे मॉन्सूनवारे मोठ्या प्रमाणावर ढग वाहून आणतील आणि तेथे अतिवृष्टी होणे शक्‍य आहे. ८ जुलै रोजी परिस्थिती आणखी सुधारेल आणि महाराष्ट्राच्या मध्यावर, पूर्वभागावर व उत्तर भागावर हवेच्या कमी दाबाची क्षेत्रे निर्माण होतील आणि पावसाचा जोर वाढेल.

महाराष्ट्रावर पूर्व-पश्‍चिम दिशेने १००४ हेप्टापास्कल, उत्तर महाराष्ट्र, मध्य व पूर्व विदर्भ व मराठवाड्यावर १००२ हेप्टापास्कल इतका कमी हवेचा दाब राहण्यामुळे मॉन्सून पावसाच्या प्रमाणात वाढ होईल. उत्तर व मध्य भारतावर ९९६ ते ९९८ हेप्टापास्कल इतका कमी हवेचा दाब राहण्यामुळे तसेच गुजरात व राजस्थानवर १००० हेप्टापास्कल इतका कमी हवेचा दाब राहण्यामुळे मॉन्सूनवारे मोठ्या प्रमाणावर ढग वाहून आणतील आणि तेथे अतिवृष्टी होणे शक्‍य आहे. ८ जुलै रोजी परिस्थिती आणखी सुधारेल आणि महाराष्ट्राच्या मध्यावर, पूर्वभागावर व उत्तर भागावर हवेच्या कमी दाबाची क्षेत्रे निर्माण होतील आणि पावसाचा जोर वाढेल. अधूनमधून महाराष्ट्राच्या या भागात जोरदार पावसाची शक्‍यता राहील. ९ जुलै रोजी महाराष्ट्राच्या उत्तर भागात, विदर्भ व मराठवाड्यात पावसाचा जोर अधिक राहील. त्याच वेळी पूर्वकिनारी भागावर हवेच्या कमी दाबाचे क्षेत्र निर्माण होईल. त्याचा परिणाम महाराष्ट्राच्या पूर्व भागात पावसाचे प्रमाण अधिक राहण्यात होईल.

हिंदी महासागराच्या विषुववृत्तीय भागातील, बंगालच्या उपसागराच्या पूर्वेकडील भागातील आणि अरबी समुद्राच्या दक्षिण भागातील पाण्याच्या पृष्ठभागाचे तापमान ३१ अंश सेल्सिअसपर्यंत वाढेल. याचा परिणाम महाराष्ट्रासह संपूर्ण भारतातील पावसाचे प्रमाण वाढण्यात निश्‍चित होईल. ९ जुलै रोजी राजस्थान, गुजरात, मध्य भारतात ९९२ ते ९९८ इतका कमी हवेचा दाब राहील. त्यामुळे या भागात वादळी वारे आणि पाऊस अशी स्थिती निर्माण होईल. १० जुलै रोजी महाराष्ट्राच्या मध्यावर १००४ तर उत्तर व पूर्व भारतात १००२ हेप्टापास्कल इतका कमी हवेचा दाब राहण्यामुळे तसेच उत्तर भारतात व मध्य भारतात उत्तरेस ९९४ तर मध्यावर ९९६ इतका कमी हवेचा दाब राहील, त्यामुळे पावसाचे प्रमाण अधिक असेल. मॉन्सूनने संपूर्ण भारत व्यापलेला असेल. ७ जुलै रोजी संपूर्ण महाराष्ट्रात जोरदार पावसाची शक्‍यता असून, ८ व ९ रोजी विदर्भाच्या पूर्व भागात पावसाचा जोर राहील.

१) कोकण ः सिंधुदुर्ग व रत्नागिरी जिल्ह्यांत १११ ते ११५ मिलिमीटर काही दिवशी पावसाची शक्‍यता या आठवड्यात असून, ठाणे व रायगड जिल्ह्यांत ८५ ते ९६ मिलिमीटर काही दिवशी पावसाची शक्‍यता आहे. वाऱ्याची दिशा नैर्ऋत्येकडून राहील. पावसाचे प्रमाण पाहता काही दिवशी अतिवृष्टीची शक्‍यता आहे. रत्नागिरी व सिंधुदुर्ग जिल्ह्यांत वाऱ्याचा ताशी वेग १३ ते १५ किलोमीटर राहील, तर ठाणे व रायगड जिल्ह्यांत ३ ते ८ किलोमीटर प्रती ताशी वेगाने वारे वाहतील. ठाणे व रायगड जिल्ह्यांत कमाल तापमान २९ अंश सेल्सिअस राहील. रत्नागिरी व सिंधुदुर्ग जिल्ह्यात कमाल तापमान ३० ते ३१ अंश सेल्सिअस राहील. किमान तापमान सर्वच जिल्ह्यांत किमान तापमान २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९४ ते ९७ टक्के राहील, तर दुपारची सापेक्ष आर्द्रता ८६ ते ९१ टक्के राहील.

२) उत्तर महाराष्ट्र ः नाशिक, धुळे व जळगाव जिल्ह्यांत प्रतिदिनी ८ ते १० मिलिमीटर पावसाची शक्‍यता असून, तर नंदूरबार जिल्ह्यात काही दिवशी २२ मिलिमीटर पावसाची शक्‍यता आहे. वाऱ्याची दिशा प्रामुख्याने नैर्ऋत्येकडून राहील. धुळे, नंदूरबार व जळगाव जिल्ह्यांत वाऱ्याचा ताशी वेग १५ ते १७ किलोमीटर राहील तर नाशिक जिल्ह्यात वाऱ्याचा ताशी वेग ११ किलोमीटर राहील. नाशिक जिल्ह्यात कमाल तापमान ३२ अंश सेल्सिअस राहील, तर धुळे, नंदूरबार व जळगाव जिल्ह्यांत कमाल तापमान ३४ अंश सेल्सिअस राहील. जळगाव व नाशिक जिल्ह्यांत किमान तापमान २४ अंश सेल्सिअस राहील, तर धुळे व नंदूरबार जिल्ह्यांत किमान तापमान २५ ते २६ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता धुळे व जळगाव जिल्ह्यांत ७८ ते ७९ टक्के राहील तर नंदूरबार, नाशिक जिल्ह्यांत ८४ ते ८९ टक्के राहील. दुपारची सापेक्ष आर्द्रता धुळे व जळगाव जिल्ह्यांत ४६ ते ४८ टक्के राहील तर नंदूरबार व नाशिक जिल्ह्यांत दुपारची सापेक्ष आर्द्रता ५४ ते ६५ टक्के राहील.

३) मराठवाडा ः हिंगोली व नांदेड जिल्ह्यांत काही दिवशी २९ ते ३२ मिलिमीटर पावसाची शक्‍यता असून, औरंगाबाद, जालना जिल्ह्यांत काही दिवशी १७ मिलिमीटर तर परभणी जिल्ह्यांत १९ मिलिमीटर काही दिवशी पावसाची शक्‍यता आहे. बीड, लातूर व उस्मानाबाद जिल्ह्यांत ४ ते १० मिलिमीटर पावसाची शक्‍यता आहे. वाऱ्याची दिशा वायव्येकडून राहील. उस्मानाबाद, लातूर, नांदेड जिल्ह्यांत प्रतिताशी १८ किलोमीटर वेगाने वारे वाहतील. हिंगोली जिल्ह्यात ताशी १७ किलोमीटर वेगाने, तर औरंगाबाद जिल्ह्यात ताशी १६ किलोमीटर वेगाने वारे वाहतील. बीड, परभणी व जालना जिल्ह्यांत वाऱ्याचा ताशी वेग २१ ते २२ किलोमीटर राहील. बीड, उस्मानाबाद व लातूर जिल्ह्यांत कमाल तापमान २८ ते २९ अंश सेल्सिअस राहील. औरंगाबाद जिल्ह्यात कमाल तापमान ३३ अंश सेल्सिअस राहील तर नांदेड, परभणी, हिंगोली व जालना जिल्ह्यांत ३१ ते ३२ अंश सेल्सिअस राहील. किमान तापमान २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८० ते ९० टक्के राहील, तर दुपारची ५४ ते ७१ टक्के राहील.

४) पश्‍चिम विदर्भ ः अमरावती जिल्ह्यात काही दिवशी २५ मिलिमीटर पावसाची शक्‍यता असून, उर्वरित बुलडाणा, अकोला व वाशीम जिल्ह्यांत १० ते १२ मिलिमीटर पावसाची शक्‍यता आहे. वाऱ्याची दिशा वायव्येकडून राहील. वाऱ्याचा ताशी वेग बुलडाणा,अकोला व वाशीम जिल्ह्यांत १६ ते १८ किलोमीटर आणि अमरावती जिल्ह्यात ताशी १२ किलोमीटर राहील. कमाल तापमान ३३ अंश सेल्सिअस, अकोला जिल्ह्यात राहील, तर बुलडाणा, वाशीम व अमरावती जिल्ह्यांत ३४ अंश सेल्सिअस राहील. अमरावती जिल्ह्यात किमान तापमान २२ अंश सेल्सिअस राहील तर उर्वरित सर्वच जिल्ह्यांत २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९२ ते ९६ टक्के राहील, तर दुपारची सापेक्ष आर्द्रता ५० ते ७४ टक्के राहील.

५) मध्य विदर्भ ः वर्धा जिल्ह्यात काही दिवशी १७ मिलिमीटर पावसाची शक्‍यता असून, यवतमाळ व नागपूर जिल्ह्यांत काही दिवशी २३ ते २८ मिलिमीटर पावसाची शक्‍यता आहे. वाऱ्याची दिशा प्रामुख्याने वायव्येकडून राहील. वाऱ्याचा ताशी वेग १० ते १५ किलोमीटर सर्वच जिल्ह्यांत राहील. कमाल तापमान ३२ अंश सेल्सिअस राहील, तर किमान तापमान २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९४ ते ९७ टक्के सर्वच जिल्ह्यांत राहील तर दुपारची सापेक्ष आर्द्रता ७९ ते ८१ टक्के राहील.

६) पूर्व विदर्भ ः गडचिरोली जिल्ह्यात काही दिवशी ४५ मिलिमीटर पावसाची शक्‍यता असून, गोंदिया जिल्ह्यात काही दिवशी ३० मिलिमीटर आणि चंद्रपूर जिल्ह्यात २५ मिलिमीटर व भंडारा जिल्ह्यात १८ मिलिमीटर पावसाची शक्‍यता आहे. वाऱ्याची दिशा वायव्येकडून राहील. वाऱ्याचा ताशी वेग ४ ते ७ किलोमीटर राहील. कमाल तापमान गडचिरोली जिल्ह्यात ३० अंश सेल्सिअस तर उर्वरित जिल्ह्यांत ३२ अंश सेल्सिअस राहील. भंडारा जिल्ह्यात किमान तापमान २५ अंश सेल्सिअस तर उर्वरित जिल्ह्यांत २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९८ टक्के राहील तर दुपारची ७२ ते ८० टक्के राहील.

७) दक्षिण-पश्‍चिम महाराष्ट्र ः कोल्हापूर जिल्ह्याचे पश्‍चिम भागात काही दिवशी ९७ मिलिमीटर पावसाची शक्‍यता असून, सातारा जिल्ह्याचे पश्‍चिम भागात ६८ मिलिमीटर पावसाची शक्‍यता आहे. पुणे जिल्ह्याचे पश्‍चिम भागात ४३ मिलिमीटर तर नगर, सोलापूर व सांगली जिल्ह्यांत १४ ते २९ मिलिमीटर पावसाची शक्‍यता आहे. वाऱ्याची दिशा प्रामुख्याने नैर्ऋत्येकडून राहील. सांगली जिल्ह्यात वाऱ्याचा ताशी वेग २० किलोमीटर राहील. उर्वरित जिल्ह्यांत तो ९ ते १३ किलोमीटर राहील. नगर जिल्ह्यात कमाल तापमान ३२ अंश सेल्सिअस राहील व सातारा जिल्ह्यात २५ अंश सेल्सिअस राहील. उर्वरित जिल्ह्यांत २७ ते २९ अंश सेल्सिअस राहील. किमान तापमान कोल्हापूर जिल्ह्यात २४ अंश सेल्सिअस राहील तर उर्वरित जिल्ह्यांत २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८५ ते ९७ टक्के तर दुपारची सापेक्ष आर्द्रता ६० ते ९१ टक्के इतकी राहील.
 
कृषी सल्ला

  • पावसाला पुन्हा सुरवात होत असल्याने पुरेशा प्रमाणात म्हणजे ६५ मिलिमीटर शेतात ओलावा होताच उरलेली पेरणी करावी. पेरणीनंतर सारे व पाट पाडावेत.
  • पेरणीसाठी पिकांचा विचार करताना कमी कालावधीची पिके जसे घेवडा, धने, बाजरी, ज्वारी, सोयाबीन, भुईमूग,  कांदा, मिरची या पिकांबरोबरच अंतर पिकांचाही विचार करावा.
  • जमिनीची सुपीकता वाढविण्यासाठी काही क्षेत्रावर ताग, धेंचा या सारखी हिरवळीची पिके घेऊन फुलोऱ्यात येताच जमिनीत गाडावीत.

(ज्येष्ठ कृषी हवामान तज्ज्ञ, सदस्य संशोधन परिषद वसंतराव नाईक मराठवाडा कृषी विद्यापीठ, परभणी.)


इतर अॅग्रो विशेष
राज्यात पाऊस कमी होणारसोमवारपासून ढगाळ हवामानासह पावसाची उघडीप राहणार...
कृषी सुपर मार्केट ः संकल्पना आणि संधीजागतिकीकरणाच्या पार्श्‍वभूमीवर शेती हा एक आर्थिक...
बदल हवेत दिलासादायकहवामान आधारीत फळपीक विमा योजनेत केळी पिकासाठी...
नैसर्गिक आपत्तीत पीकच नाई, तर बापही...यवतमाळः नैसर्गिक आपत्तीत आमी पीकच नाई, त आमचा...
राज्यात गाईच्या दूध खरेदी दरात कपात नगर ः लॉकडाऊन उघडल्यानंतर दुधाची मागणी वाढल्यावर...
कोरडवाहू, बागायतीसाठी हेक्टरी १० हजार...मुंबई: अतिवृष्टीमुळे राज्यभरातील शेतकऱ्यांचे...
थकबाकीदार ७१ कारखान्यांचे गाळप परवाने ‘...पुणे: राज्यात चालू हंगामात ऊस गाळपासाठी अर्ज...
शेडनेट, फळबागेतून मिळालेल्या ओळखीसह...धुळे जिल्ह्यातील फागणे (ता. धुळे) येथील उमेश व...
कष्ट, नियोजनपूर्वक उभारली आंबा, नारळ,...शासकीय योजनांचा पुरेपूर वापर करताना वरवडे (ता. जि...
शाश्‍वत पर्यायी पीक ः बांबूनिसर्ग चक्र बदलत चालले आहे. आतापर्यंत आपण रेल्वे...
‘जीआय’चे अधिकृत ब्रॅंडींगकोविड महामारीनंतर जागतिक बाजारातही खूप उलटफेर...
अमळनेरच्या भाजी बाजारात शेतकऱ्यांकडून...अमळनेर, जि.जळगाव ः येथील मासळी बाजारानजीकच्या...
लाच घेताना कृषी विद्यापीठातील लिपिकाला...नगर : कोरोना पुणे सेवानिवृत्तीची कागदपत्रे...
राज्यात पीक नुकसान ५० लाख हेक्टरच्या...पुणे: राज्यात खरीप पीक नुकसानीची माहिती गोळा...
जुन्या निकषांनुसार कामाला विमा...जळगाव: जुन्या निकषानुसार केळी पिकासाठी काम...
शेती, जलसंधारण, सामाजिक कार्यात...पुण्यापासून हाकेच्या अंतरावर असलेल्या केंदूर (ता....
किती अन् काय सांगावं...हात टेकलेत आमचेजालना : कुणाला किती अन् काय सांगावं...सततच्या...
पावसामुळे शेतीकामात अडथळे पुणे ः परतीच्या पावसाचा दणका अजूनही सुरूच आहे....
तुरळक ठिकाणी पावसाचा अंदाज पुणे ः अरबी समुद्राच्या पश्चिम मध्य भागात चक्रीय...
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...