agriculture news in marathi weekly weather by dr. ramchandra sabale | Agrowon

कोकण, उत्तर महाराष्ट्रासह विदर्भात जोरदार पावसाची शक्‍यता

डॉ. रामचंद्र साबळे
रविवार, 18 ऑक्टोबर 2020

महाराष्ट्रावरील हवेचे दाब आज आणि उद्या १००४ हेप्टापास्कल इतके कमी राहण्याची शक्‍यता आहे. त्यामुळे या आठवड्याच्या सुरवातीस कोकण, उत्तर महाराष्ट्र व विदर्भात पावसाचा जोर अधिक राहण्याची शक्‍यता आहे. 

महाराष्ट्रावरील हवेचे दाब आज आणि उद्या १००४ हेप्टापास्कल इतके कमी राहण्याची शक्‍यता आहे. त्यामुळे या आठवड्याच्या सुरवातीस कोकण, उत्तर महाराष्ट्र व विदर्भात पावसाचा जोर अधिक राहण्याची शक्‍यता आहे. मराठवाड्यातील नांदेड, बीड, परभणी, हिंगोली, जालना व औरंगाबाद तसेच पश्‍चिम महाराष्ट्रातील पुणे, नगर व कोल्हापूर जिल्ह्यात मध्यम तर उर्वरित जिल्ह्यात अल्पशा पावसाची शक्‍यता आहे.

मंगळवार (ता. २०) रोजी महाराष्ट्रावरील हवेच्या दाबात बदल होऊन ते १००६ हेप्टापास्कलपर्यंत वाढतील. हवामान बदलाचा मॉन्सून वाऱ्यांवर प्रभाव वाढत आहे. तसेच प्रशांत महासागराच्या विषुववृत्तीय भागात समुद्राच्या पाण्याचे तापमान सरासरीपेक्षा २ ते ३ अंश सेल्सिअस इतके कमी नोंदवले गेले आहे. त्यामुळे ला निनाचा प्रभाव दक्षिण आशिया खंडात जाणवेल, असे मत आंतरराष्ट्रीय स्तरावरील शास्त्रज्ञांनी नोंदवले आहे. ला निनाच्या प्रभावामुळे फेब्रुवारी २०२१ पर्यंत अवकाळी व अवेळी पावसाची शक्‍यता जाणवण्याची शक्‍यता असल्याचे मत त्यांनी नोंदवले आहे.

कोकण 
आज सिंधुदुर्ग व रत्नागिरी जिल्ह्यात ४० ते ४५ मि.मी. तर उद्या १४ ते १६ मि.मी. पावसाची शक्‍यता आहे. या आठवड्यातील काही दिवशी ठाणे जिल्ह्यात २६ ते २८ मि.मी. व रायगड जिल्ह्यात १५ ते २६ मि.मी. पावसाची शक्‍यता आहे. वाऱ्याची दिशा आग्नयेकडून राहील. वाऱ्याचा ताशी वेग ९ ते १० किमी राहील. कमाल तापमान दक्षिण कोकणात ३१ अंश सेल्सिअस तर उत्तर कोकणात ३२ अंश सेल्सिअस राहील. किमान तापमान २५ ते २६ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९१ ते ९५ टक्के तर दुपारची सापेक्ष आर्द्रता ७५ ते ८९ टक्के राहील.

उत्तर महाराष्ट्र 
नाशिक जिल्ह्यात काही दिवशी २६ ते ४१ मि.मी., धुळे जिल्ह्यात १६ ते ४० मि.मी., नंदूरबार जिल्ह्यात २६ ते ४९ मि.मी., जळगाव जिल्ह्यात ९ ते ३४ मि.मी. पावसाची शक्‍यता आहे. वाऱ्याची दिशा नैर्ऋत्येकडून आणि ताशी वेग ४ ते ५ किमी इतका कमी राहील. कमाल तापमान नंदूरबार जिल्ह्यात ३४ अंश सेल्सिअस तर नाशिक, धुळे व जळगाव जिल्ह्यांत ३३ अंश सेल्सिअस राहील. किमान तापमान जळगाव जिल्ह्यात २३ अंश सेल्सिअस, धुळे जिल्ह्यात २४ अंश सेल्सिअस तसेच नाशिक व नंदूरबार जिल्ह्यात २५ अंश सेल्सिअस राहील. आकाश ढगाळ राहील. सकाळची सापेक्ष आर्द्रता ९१ ते ९४ टक्के तर दुपारची सापेक्ष आर्द्रता ६१ ते ६८ टक्के राहील.

मराठवाडा 
सोमवारी उस्मानाबाद व लातूर जिल्ह्यात ३ ते ५ मि.मी. तर बीड व परभणी जिल्ह्यात ११ ते १८ मि.मी. पावसाची शक्‍यता आहे. तसेच लातूर व उस्मानाबाद जिल्ह्यात अल्पसा पाऊस तर काही काळ उघडीप राहण्याची शक्‍यता आहे. हिंगोली व औरंगाबाद जिल्ह्यात ७ ते १६ मि.मी., जालना जिल्ह्यात १० ते ३४ मि.मी. तसेच नांदेड जिल्ह्यात १६ ते ३० मि.मी. पावसाची शक्‍यता आहे. वाऱ्याची दिशा प्रामुख्याने नैर्ऋत्येकडून राहील. वाऱ्याचा ताशी वेग लातूर जिल्ह्यात ताशी १६ किमी, बीड जिल्ह्यात १४ किमी, उस्मानाबाद व परभणी जिल्ह्यात ताशी १२ किमी राहील. हिंगोली व नांदेड जिल्ह्यात ताशी १० ते ११ किमी तर औरंगाबाद व जालना जिल्ह्यात ताशी ५ ते ९ किमी राहील. कमाल तापमान जालना व औरंगाबाद जिल्ह्यात ३३ अंश सेल्सिअस तर परभणी, हिंगोली, नांदेड व जालना जिल्ह्यांत ३२ ते ३३ अंश सेल्सिअस राहील. तसेच उस्मानाबाद, लातूर व बीड जिल्ह्यांत ते ३१ अंश सेल्सिअस राहील. किमान तापमान २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८४ ते ९४ टक्के तर दुपारची सापेक्ष आर्द्रता ५८ ते ७१ टक्के राहील.

पश्‍चिम विदर्भ 
अमरावती जिल्ह्यात काही दिवशी ४० ते ४६ मि.मी., बुलडाणा जिल्ह्यात २४ ते ४९ मि.मी. तसेच अकोला जिल्ह्यात ५ ते ४० मि.मी. व वाशीम जिल्ह्यात ७ ते २७ मि.मी. पावसाची शक्‍यता आहे. वाऱ्याची दिशा नैर्ऋत्य व आग्नयेकडून राहील. वाऱ्याचा ताशी वेग ५ ते ११ किमी राहील. सर्वच जिल्ह्यांत कमाल तापमान ३३ ते ३४ अंश सेल्सिअस तर किमान तापमान २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९१ ते ९२ टक्के तर दुपारची सापेक्ष आर्द्रता ६३ ते ६९ टक्के राहील.

मध्य विदर्भ 
यवतमाळ जिल्ह्यात काही दिवशी २६ ते ४५ मि.मी. तर वर्धा व नागपूर जिल्ह्यात ११ ते २९ मि.मी. पावसाची शक्‍यता आहे. वाऱ्याची दिशा वर्धा व नागपूर जिल्ह्यात आग्नयेकडून तर यवतमाळ जिल्ह्यात नैर्ऋत्येकडून राहील. वाऱ्याचा ताशी वेग ४ ते ९ किमी राहील. कमाल तापमान वर्धा जिल्ह्यात ३२ अंश सेल्सिअस तर यवतमाळ व नागपूर जिल्ह्यात ३३ अंश सेल्सिअस राहील. किमान तापमान २४ ते २५ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ९१ ते ९२ टक्के तर दुपारची सापेक्ष आर्द्रता ६७ ते ६८ टक्के राहील.

पूर्व विदर्भ 
या आठवड्यात चंद्रपूर जिल्ह्यात काही दिवशी ३२ ते ४३ मि.मी., गडचिरोली जिल्ह्यात २४ ते ३७ मि.मी., भंडारा जिल्ह्यात २२ ते ३० मि.मी., गोंदिया जिल्ह्यात २४ ते ३५ मि.मी. पावसाची शक्‍यता आहे. वाऱ्याची दिशा चंद्रपूर, गडचिरोली, भंडारा व गोंदिया जिल्ह्यांत नैर्ऋत्येकडून राहील. वाऱ्याचा ताशी वेग ३ ते ६ किमी राहील. कमाल तापमान गडचिरोली व गोंदिया जिल्ह्यात ३५ अंश सेल्सिअस तर चंद्रपूर व भंडारा जिल्ह्यात ३४ अंश सेल्सिअस राहील. किमान तापमान ३४ ते ३५ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ९३ ते ९७ टक्के तर दुपारची सापेक्ष आर्द्रता ६० ते ७० टक्के राहील.

दक्षिण-पश्‍चिम महाराष्ट्र 
कोल्हापूर जिल्ह्यात आज २१ मि.मी. पावसाची शक्‍यता आहे. या आठवड्यात सांगली, सातारा व सोलापूर जिल्ह्यात काही दिवशी ७ ते ८ मि.मी., पुणे जिल्ह्यात २१ ते २३ मि.मी. व नगर जिल्ह्यात ३० ते ३५ मि.मी. पावसाची शक्‍यता आहे. वाऱ्याची दिशा नैर्ऋत्येकडून आणि ताशी वेग ८ ते १२ किमी राहील. कमाल तापमान कोल्हापूर जिल्ह्यात २९ अंश सेल्सिअस, सातारा जिल्ह्यात ३० अंश सेल्सिअस, सांगली व सोलापूर जिल्ह्यात ३१ अंश सेल्सिअस तर पुणे व नगर जिल्ह्यात ३२ अंश सेल्सिअस राहील. किमान तापमान कोल्हापूर व पुणे जिल्ह्यात २५ अंश सेल्सिअस तर सोलापूर, सातारा व सांगली जिल्ह्यात २२ ते २४ अंश सेल्सिअस राहील. आकाश ढगाळ राहील. सकाळची सापेक्ष आर्द्रता ९१ ते ९७ टक्के तर दुपारची ६८ ते ८८ टक्के राहील.

कृषीसल्ला 

  • भुईमूग शेंगांची तोडणी करून उन्हात वाळवणे गरजेचे आहे. अन्यथा शेंगातील दाणे मोडवतील व त्यात रेन्सीडिटी तयार होऊन ते कडवट होतील.
  • शेतातील उताराच्या बांधाच्या एका कोपऱ्यातून चर काढून पाण्याचा निचरा करावा. अन्यथा शेतात जास्त काळ पाणी साठल्यास पिके मरतील.
  • पूर्वहंगामी उसाची लागवड १५ नोव्हेंबरपर्यंत करावी.
  • मोहरी पिकाची पेरणी करावी.
  • गहू पिकाच्या पेरणीसाठी जमीन तयार करावी.

- (ज्येष्ठ कृषी हवामान तज्ज्ञ व सदस्य ऍग्रिकल्चर मेटरॉलॉजी फोरम फॉर साऊथ आशिया)


इतर ताज्या घडामोडी
शेतकऱ्यांनी केळी पीकविमा भरू नयेजळगाव ः हवामानावर आधारित फळपीक विमा योजनेत केळी...
सांगलीत रब्बीचा ३९ हजार हेक्टरवर पेरासांगली ः जिल्ह्यात रब्बी हंगामातील पिकांची पेरणी...
मराठवाड्यात नुकसान भरपाईसाठी १७३४...औरंगाबाद : ‘‘मराठवाड्यातील पिकांच्या नुकसान...
रत्नागिरीतील पीक नुकसानीची भरपाई मिळेल...चिपळूण, जि. रत्नागिरी ः चिपळूण तालुक्यात मागील...
शितादही करण्यापुरताही कापूस लागला नाहीअकोला ः शेतकऱ्याने कपाशीची लागवड केली. कपाशीची...
परभणी जिल्ह्यात पीकविमा परताव्यासाठी ३१...परभणी : पंतप्रधान पीकविमा योजनेअंतर्गत खरीप...
सीताफळ प्रक्रिया उद्योगाला प्रोत्साहन...अकोला ः गेल्या काही वर्षात सीताफळ लागवडीकडे...
नगरमधील ६० गावांतील ७८ पाणी नमुने दूषितनगर ः जिल्ह्यातील १४ तालुक्‍यांतील सप्टेंबर...
पुणे कृषी महाविद्यालयात आंदोलनपुणे ः सातवा वेतन आयोग लागू करण्यासाठी महात्मा...
गोंदिया जिल्ह्यातील दोन संस्थांचा धान...गोंदिया : नियमबाह्यरीत्या धान खरेदी तसेच...
हिंगोली जिल्ह्यात तीन लाख ७ हजार...हिंगोली : जून ते ऑक्टोबर दरम्यान अतिवृष्टीमुळे...
उत्पादन खर्चाच्या दुप्पट दराचे काय? ः...नाशिक : ‘‘केंद्र सरकारने कांदा...
सोलापूर जिल्ह्यात पावणे दोन लाख हेक्‍टर...सोलापूर : अतिवृष्टी आणि पुरामुळे जिल्ह्यात...
सोलापुरात महावितरण मुख्यालयाला ‘...सोलापूर : लॉकडाऊन काळातील शेतीचे संपूर्ण वीज बिल...
सोलापूर जिल्ह्यात तीस हजार शेतीपंपाच्या...सोलापूर :  अतिवृष्टी आणि पूरस्थितीमुळे...
सेंद्रीय आणि शाश्‍वत शेती विकासासाठी ‘...अकोला ः डॉ. पंजाबराव देशमुख कृषी विद्यापीठाच्या...
कांदाप्रश्नी केंद्राकडे पाठपुरावा करू:...नाशिक: कांदा साठवणूक मर्यादा निर्णयाच्या संदर्भात...
डाळिंबातील बुरशीजन्य मर रोगाचे...फळ तोडणीनंतर ताणावर असताना किंवा पिकाच्या...
केळी पिकावरील मर रोगाचे व्यवस्थापनझाडावरील जुन्या पानांच्या देठाकडील तळभागी फिकट...
सूक्ष्म अन्नद्रव्यांचे कार्यसूक्ष्म अन्नद्रव्यांचा योग्य प्रमाणात मातीतून आणि...