agriculture news in marathi weekly weather by dr. ramchandra sabale | Agrowon

थंडी वाढण्यास अनुकूल हवामान

डॉ. रामचंद्र साबळे
रविवार, 22 नोव्हेंबर 2020

या आठवड्यात महाराष्ट्रातील हवेचे दाब १०१२ हेप्टापास्कलपर्यंत वाढतील. त्यामुळे किमान व कमाल तापमानात घसरण होईल. त्यामुळे थंडीचे प्रमाण सध्यापेक्षा अधिक राहील.

या आठवड्यात महाराष्ट्रातील हवेचे दाब १०१२ हेप्टापास्कलपर्यंत वाढतील. त्यामुळे किमान व कमाल तापमानात घसरण होईल. त्यामुळे थंडीचे प्रमाण सध्यापेक्षा अधिक राहील. मागील आठवड्यात किमान तापमानात वाढ झाली होती. मात्र या आठवड्यात थंडी वाढण्यास हवामान घटक अनुकूल राहतील.

या आठवड्यात महाराष्ट्रातील हवेचे दाब १०१२ हेप्टापास्कलपर्यंत वाढतील. त्यामुळे किमान व कमाल तापमानात घसरण होईल. त्यामुळे थंडीचे प्रमाण सध्यापेक्षा अधिक राहील. मागील आठवड्यात किमान तापमानात वाढ झाली होती. मात्र या आठवड्यात थंडी वाढण्यास हवामान घटक अनुकूल राहतील. पश्‍चिमेकडील उत्तर भारतात हवेचे दाब वाढत असून, पंजाब, राजस्थान येथे थंडीचे प्रमाण वाढलेले आहे. त्याचप्रमाणे काश्‍मीर, लडाख भागांतही हवेचे दाब वाढलेले आहेत. त्या ठिकाणी थंडीच्या प्रमाणात वाढ होऊन बर्फवृष्टीस सुरुवात झालेली आहे. ईशान्य भारतावरील हवेच्या दाबात वाढ होत असून, थंडीचे प्रमाण वाढत आहे. 

या आठवड्यातही महाराष्ट्रातील हवामान ढगाळ राहील. त्याचा परिणाम थंडीवर होण्याची शक्‍यता आहे. मात्र ढगाळ हवामान रब्बी ज्वारीच्या पिकास पोषक राहील. वाऱ्याची दिशा प्रामुख्याने ईशान्येकडून राहील. मराठवाड्यातील उस्मानाबाद, लातूर, बीड, नांदेड, हिंगोली व दक्षिण-पश्‍चिम महाराष्ट्रातील सांगली, सातारा व सोलापूर या जिल्ह्यांत वाऱ्याची दिशा आग्नेयेकडून राहण्यामुळे थंडीचे प्रमाण हळूवारपणे वाढेल. सकाळच्या व दुपारच्या सापेक्ष आर्द्रतेत घट होऊन हवामान कोरडे राहील. 

रत्नागिरी, बीड, यवतमाळ, नागपूर, चंद्रपूर, गडचिरोली, भंडारा, गोंदिया, कोल्हापूर, सांगली, सातारा, सोलापूर, पुणे व नगर जिल्ह्यांत पावसाचे प्रमाण अत्यल्प राहील. उर्वरित जिल्ह्यांत पावसाची शक्‍यता कमी राहील. काही भागांत सकाळी धुके व पिकावर दव पडण्यास सुरुवात होईल. दक्षिण भारतातील तमिळनाडू, केरळ, पुद्दुचेरी भागात पावसाचे प्रमाण अधिक राहील.

कोकण
सिंधुदुर्ग, रत्नागिरी व ठाणे जिल्ह्यांत कमाल तापमान ३४ अंश सेल्सिअस, तर रायगड जिल्ह्यात ३५ अंश सेल्सिअस राहील. सिंधुदुर्ग व रत्नागिरी जिल्ह्यांत किमान तापमान २२ ते २३ अंश सेल्सिअस, तर ठाणे व रायगड जिल्ह्यांत २४ ते २५ अंश सेल्सिअस राहील. आकाश अंशतः ढगाळ राहील. उत्तर कोकणातील ठाणे, रायगड व पालघर जिल्ह्यांत सकाळची सापेक्ष आर्द्रता ७० ते ७५ टक्के इतकी कमी राहील. तर दक्षिण कोकणात सकाळच्या आर्द्रतेचे प्रमाण ८३ ते ८९ टक्के राहील. दुपारची सापेक्ष आर्द्रता ४८ ते ५५ टक्के राहील. सध्याची आर्द्रता व तापमान भात कापणी व मळणीसाठी अनुकूल राहील. वाऱ्याचा ताशी वेग ३ ते ४ किमी राहील. वाऱ्याची दिशा ईशान्येकडून राहील. रत्नागिरी जिल्ह्यात सोमवारी ४ मि.मी. पावसाची शक्‍यता आहे.

उत्तर भारत
नाशिक व धुळे जिल्ह्यांत कमाल तापमान ३३ अंश सेल्सिअस तर नंदूरबार व जळगाव जिल्ह्यांत ३४ अंश सेल्सिअस राहील. जळगाव जिल्ह्यात किमान तापमान २० अंश सेल्सिअस तर नाशिक, धुळे व नंदूरबार जिल्ह्यांत २१ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ५२ ते ६८ टक्के राहील. दुपारची सापेक्ष आर्द्रता ३९ ते ४९ टक्के इतकी कमी राहील. सदर हवामान कापूस वेचणी कामी अनुकूल आहे. वाऱ्याचा ताशी वेग नाशिक जिल्ह्यात ४ किमी, तर उर्वरित जिल्ह्यात ९ ते ११ किमी राहील. वाऱ्याची दिशा प्रामुख्याने ईशान्येकडून राहील.

मराठवाडा
बीड जिल्ह्यात उद्या ३ मि.मी. पावसाची शक्‍यता आहे. उर्वरित सर्वच जिल्ह्यात पावसाची शक्‍यता कमी आहे. उस्मानाबाद, लातूर, नांदेड, हिंगोली या जिल्ह्यांत वाऱ्याची दिशा आग्नेयेकडून राहील. बीड, परभणी, जालना व औरंगाबाद जिल्ह्यांत वाऱ्याची दिशा ईशान्येकडून राहील. त्यामुळे या जिल्ह्यांत थंडीचे प्रमाण वेगाने वाढेल. वाऱ्याचा ताशी वेग ५ ते ७ किमी राहील. औरंगाबाद जिल्ह्यात कमाल तापमान २९ अंश सेल्सिअस तर उस्मानाबाद, लातूर, बीड, परभणी व जालना जिल्ह्यांत ३३ अंश सेल्सिअस राहील. नांदेड, हिंगोली जिल्ह्यांत कमाल तापमान ३४ अंश सेल्सिअस राहील. उस्मानाबाद जिल्ह्यात किमान तापमान २२ अंश सेल्सिअस तर परभणी, लातूर व बीड जिल्ह्यांत २१ अंश सेल्सिअस राहील. तर नांदेड, हिंगोली, जालना व औरंगाबाद जिल्ह्यांत ते २० अंश सेल्सिअस राहील. किमान तापमानात या आठवड्यात अजून घट होईल. आकाश अंशतः ढगाळ राहील. सकाळची सापेक्ष आर्द्रता ७१ ते ७९ टक्के, तर दुपारची सापेक्ष आर्द्रता ३५ ते ४५ टक्के इतकी कमी राहील. त्यामुळे हवामान कोरडे राहील. वाऱ्याचा ताशी वेग ५ ते ७ किमी राहील.

पश्‍चिम विदर्भ
पश्‍चिम विदर्भातील अकोला व वाशीम जिल्ह्यांत कमाल तापमान ३५ अंश सेल्सिअस, तर बुलडाणा व अमरावती जिल्ह्यांत ३४ अंश सेल्सिअस राहील. किमान तापमान अकोला व अमरावती जिल्ह्यांत १९ ते २० अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७६ ते ८० टक्के, तर दुपारची सापेक्ष आर्द्रता ४३ टक्के राहील. वाऱ्याचा ताशी वेग ७ ते ११ किमी राहील. वाऱ्याची दिशा प्रामुख्याने ईशान्येकडून राहील.

मध्य विदर्भ
या आठवड्यात यवतमाळ जिल्ह्यात अल्पशा पावसाची शक्‍यता आहे. वाऱ्याची दिशा ईशान्येकडून आणि ताशी वेग ७ ते ८ किमी राहील. नागपूर जिल्ह्यात कमाल तापमान ३२ अंश सेल्सिअस, तर वर्धा जिल्ह्यात ३३ अंश सेल्सिअस, यवतमाळ जिल्ह्यांत ३५ अंश सेल्सिअस राहील. किमान तापमान यवतमाळ जिल्ह्यात २० अंश सेल्सिअस, तर वर्धा व नागपूर जिल्ह्यांत १८ ते १९ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८४ ते ८६ टक्के, तर दुपारची सापेक्ष आर्द्रता ४४ ते ६२ टक्के राहील.

पूर्व विदर्भ
आज पूर्व विदर्भातील चंद्रपूर, गडचिरोली, भंडारा व गोंदिया जिल्ह्यांत ३ ते ५ मि.मी. पावसाची शक्‍यता आहे. वाऱ्याची दिशा ईशान्येकडून राहील. वाऱ्याचा ताशी वेग ४ ते ८ किमी राहील. कमाल तापमान चंद्रपूर व गडचिरोली जिल्ह्यात ३४ ते ३५ अंश सेल्सिअस, तर भंडारा व गोंदिया जिल्ह्यांत २९ ते ३० अंश सेल्सिअस राहील. किमान तापमान गोंदिया व भंडारा जिल्ह्यांत १६ ते १७ अंश सेल्सिअस, तर चंद्रपूर व गडचिरोली जिल्ह्यांत २० ते २१ अंश सेल्सिअस राहील. आकाश अंशतः ढगाळ राहील. चंद्रपूर व गडचिरोली जिल्ह्यांत सकाळची सापेक्ष आर्द्रता ८२ ते ८३ टक्के तर भंडारा व गोंदिया जिल्ह्यात ९० टक्के राहील. दुपारची सापेक्ष आर्द्रता चंद्रपूर व गडचिरोली जिल्ह्यात ४७ ते ४८ टक्के तर भंडारा व गोंदिया जिल्ह्यांत ७२ ते ७३ टक्के राहील.

दक्षिण-पश्‍चिम महाराष्ट्र
सर्वच जिल्ह्यांत ३ ते ७ मि.मी. अल्पशा पावसाची शक्‍यता आहे. सांगली, सातारा व सोलापूर जिल्ह्यांत वाऱ्याची दिशा आग्नेयेकडून तर कोल्हापूर, पुणे व नगर जिल्ह्यांत ईशान्येकडून राहील. वाऱ्याचा ताशी वेग ४ ते ६ किमी राहील. कमाल तापमान नगर, सातारा जिल्ह्यांत ३२ अंश सेल्सिअस, सोलापूर ३३ अंश सेल्सिअस तर कोल्हापूर, सांगली व पुणे जिल्ह्यांत ३४ अंश सेल्सिअस राहील. किमान तापमान पुणे जिल्ह्यात २० अंश सेल्सिअस तर नगर जिल्ह्यात २१ अंश सेल्सिअस राहील. उर्वरित जिल्ह्यात ते २२ ते २३ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ७३ ते ८६ टक्के तर दुपारची  ४० ते ५२ टक्के राहील.

कृषी सल्ला 

  • बागायती गव्हाच्या उशिरा पेरणीसाठी एन.आय.ए.डब्ल्यू-३४ या जातींची निवड करावी. हेक्‍टरी १२५ किलो बियाणे पेरावे. सारे पाडून पाट पाडावेत व वाढीच्या अवस्थेनुसार ५ पाणी द्यावे.
  • रब्बी हंगामात कांदा लागवडीसाठी एन-२-४-१ या जातीची निवड करावी.
  • जनावरांचे थंडीपासून संरक्षण होण्यासाठी योग्य निवाऱ्याची व्यवस्था करावी.

- (ज्येष्ठ कृषी हवामान तज्ज्ञ व सदस्य, ॲग्रिकल्चर मेटरॉलॉजी फोरम फॉर साउथ आशिया)


इतर ताज्या घडामोडी
नाशिकमध्ये ‘स्वाभिमानी’चा रात्रभर...नाशिक  : दिल्लीत गेल्या सात दिवसांपासून...
सोलापूर जिल्ह्यातील ६५८...सोलापूर : जिल्ह्यातील मुदत संपलेल्या ६५८...
कसमादेत बायोगॅस संयंत्र उभारण्यास पसंती देवळा, जि. नाशिक : मृत कोंबडी पक्षांची...
नांदेडमध्ये ‘पणन’कडून कापसाची २६ हजार...नांदेड : महाराष्ट्र राज्य सहकारी कापूस उत्पादक...
कृषी कायद्यांविरोधात जागरण आंदोलनपुणे ः केंद्र सरकारच्या नवीन कृषी आणि पणन...
परभणीत केंद्र सरकारविरुद्ध निदर्शनेपरभणी : शेतकरीविरोधी कायदे रद्द करण्याच्या...
निम्न दुधनाच्या दोन्ही कालव्यात पाणीपरतूर, जि. जालना ः ‘‘रब्बी हंगामातील...
औरंगाबादमध्ये `स्वाभिमानी’चे...औरंगाबाद : दिल्लीतील शेतकरी आंदोलनाला पाठिंबा...
सोलापुरात ‘स्वाभिमानी’चा जागर सोलापूर : दिल्ली येथे सुरू असलेल्या शेतकरी...
धुळे- नंदुरबार मतदारसंघात पटेलांपुढे...धुळे ः विधान परिषदेच्या धुळे- नंदुरबार...
आश्वासनानंतर शेतकरी संघटनेचे आंदोलन...पुणे ः राज्यातील कृषी उत्पन्न बाजार समित्यांमध्ये...
साताऱ्यात स्वाभिमानी संघटनेचे रात्रभर...सातारा : कृषी विधेयकाविरोधात पंजाब आणि हरियाना...
सिंचनासाठी ‘वान’वरून जलवाहिनी उभारावीतेल्हारा, जि. अकोला ः शासनाने अगोदर सिंचनासाठी...
वहितीदारांना ‘गोपीनाथ मुंडे शेतकरी...नांदेड : ‘‘शेती करताना विविध कारणांनी शेतकऱ्यांचा...
बीड जिल्ह्यात अडीच लाखांवर शेतकरी...बीड ः महाविकास आघाडी सरकारच्या महत्वकांक्षी...
काँग्रेसने ५८ वर्षांनी भेदला भाजपचा गडनागपूर : नागपूर पदवीधर मतदारसंघात ५८ वर्षांनी...
लाडांच्या घरात ५८ वर्षांनंतर आमदारकीसांगली : तास धरून काम करणाऱ्या हाडाच्या...
जमिनीची सुपीकता जपण्यासाठी जैवविविधतेचे...परभणी ः मातीची पर्यायाने शेत जमिनीची सजीवता,...
आघाडीने चारली भाजपला धूळपुणे ः महाविकास आघाडी म्हणून एकत्रित लढलेल्या...
रत्नागिरीत जमिनीमध्ये नत्र, स्फुरदचे...रत्नागिरी ः जिल्ह्यातील जांभ्या जमिनीत नत्रासह...