Agriculture news in marathi weekly weather by ramchandra sabale | Agrowon

राज्यात चांगल्या पावसाचा अंदाज

डॉ. रामचंद्र साबळे
रविवार, 5 जुलै 2020

भारतीय हवामान शास्त्र विभागाच्या कृषी मोसम विज्ञान प्रभाग, मुंबई व नागपूर या विभागीय केंद्राद्वारे या आठवड्यासाठी मध्य पल्ल्याचे जिल्हावार हवामान अंदाज प्राप्त झाले आहेत. सिंधुदुर्ग, रत्नागिरी, रायगड व ठाणे जिल्ह्यांत विस्तृत स्वरूपात ५१ ते १०१ मि.मी. प्रतिदिनी पावसाची शक्‍यता असून, पावसाचा अधिक जोर रत्नागिरी व रायगड जिल्ह्यांत जाणवेल.

भारतीय हवामान शास्त्र विभागाच्या कृषी मोसम विज्ञान प्रभाग, मुंबई व नागपूर या विभागीय केंद्राद्वारे या आठवड्यासाठी मध्य पल्ल्याचे जिल्हावार हवामान अंदाज प्राप्त झाले आहेत. सिंधुदुर्ग, रत्नागिरी, रायगड व ठाणे जिल्ह्यांत विस्तृत स्वरूपात ५१ ते १०१ मि.मी. प्रतिदिनी पावसाची शक्‍यता असून, पावसाचा अधिक जोर रत्नागिरी व रायगड जिल्ह्यांत जाणवेल.

भारतीय हवामान शास्त्र विभागाच्या कृषी मोसम विज्ञान प्रभाग, मुंबई व नागपूर या विभागीय केंद्राद्वारे या आठवड्यासाठी मध्य पल्ल्याचे जिल्हावार हवामान अंदाज प्राप्त झाले आहेत. सिंधुदुर्ग, रत्नागिरी, रायगड व ठाणे जिल्ह्यांत विस्तृत स्वरूपात ५१ ते १०१ मि.मी. प्रतिदिनी पावसाची शक्‍यता असून, पावसाचा अधिक जोर रत्नागिरी व रायगड जिल्ह्यांत जाणवेल. उत्तर महाराष्ट्रात नाशिक, धुळे, नंदूरबार व जळगाव जिल्ह्यांत विस्तृत स्वरूपात पावसाची शक्‍यता आहे. मराठवाड्यातील हिंगोली व जालना जिल्ह्यांत पावसाची शक्‍यता असून, नांदेड व परभणी जिल्ह्यांत ४३ ते ४७ मि.मी. पावसाची शक्‍यता आहे. उस्मानाबाद व लातूर जिल्ह्यांत १७ ते २२ मि.मी., बीड व औरंगाबाद जिल्ह्यांत २६ ते ३७ मि.मी. पावसाची शक्‍यता आहे. सोमवारी पावसाचे प्रमाण कमी राहील व ते ३ ते १० मि.मी. सर्वच जिल्ह्यांत राहील. पश्‍चिम विदर्भातही विस्तृत स्वरूपात पावसाची शक्‍यता आहे. मध्य विदर्भातील सर्वच जिल्ह्यांत पावसाची शक्‍यता राहील. पूर्व विदर्भात पावसाची शक्‍यता आहे. कोल्हापूर, सांगली, सातारा, सोलापूर, पुणे आणि नगर जिल्ह्यांत रविवारी व सोमवारी पावसाची शक्‍यता आहे.

कोकण 
कोकणात विस्तृत स्वरूपात पावसाची शक्‍यता असून, रत्नागिरी जिल्ह्यात रविवारी आणि सोमवारीही अतिवृष्टीची शक्‍यता आहे, तर सिंधुदुर्ग जिल्ह्यात रविवार, सोमवार जोरदार पावसाची शक्‍यता आहे. रायगड जिल्ह्यात रविवार, सोमवारी अतिवृष्टीची शक्‍यता आहे, ठाणे जिल्ह्यात रविवारी ७७ मि.मी. पावसाची शक्‍यता असून, अतिवृष्टीची शक्‍यता असून, दिवशी सोमवारी ५१ मि.मी. पावसाची शक्‍यता आहे. कमाल तापमान सर्वच जिल्ह्यांत घसरेल व ते ३० ते ३१ अंश सेल्सिअस राहील. किमान तापमान सिंधुदुर्ग व रत्नागिरी जिल्ह्यांत २५ अंश सेल्सिअस, तर रायगड व ठाणे जिल्ह्यांत २२ ते २३ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ८५ ते ९४ टक्के राहील, तर दुपारची सापेक्ष आर्द्रता ८० ते ८४ टक्के राहील.

उत्तर महाराष्ट्र 
नाशिक, धुळे, नंदूरबार व जळगाव जिल्ह्यांत रविवारी पावसाची शक्‍यता आहे. सोमवारी नंदूरबार जिल्ह्यात आणि नाशिक, धुळे व जळगाव जिल्ह्यांत ३६ ते ४० मि.मी. पावसाची शक्‍यता आहे. कमाल तापमानात घट होऊन ते सर्वच जिल्ह्यांत ३० अंश सेल्सिअस राहील, तर किमान तापमान २२ ते २५ अंश सेल्सिअस राहील. सकाळची सापेक्ष आर्द्रता ७५ ते ९१ टक्के राहील, तर दुपारची सापेक्ष आर्द्रता ४४ ते ७६ टक्के राहील.

मराठवाडा
नांदेड व परभणी जिल्ह्यांत ४३ ते ४७ मि.मी. आणि हिंगोली व जालना जिल्ह्यांत ५१ ते ५२ मि.मी. पावसाची शक्यता आहे. उस्मानाबाद, लातूर, बीड व औरंगाबाद जिल्ह्यांत रविवारी पाऊस असेल. कमाल तापमानात घसरण होऊन ते ३० ते ३३ अंश सेल्सिअस राहील, तसेच किमान तापमानातही घसरण होऊन ते २१ ते २२ अंश सेल्सिअस राहील. मात्र, औरंगाबाद जिल्ह्यात ते २६ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ७३ ते ८६ टक्के राहील, तर दुपारची सापेक्ष आर्द्रता ५५ ते ७२ टक्के राहील.

पश्‍चिम विदर्भ 
पश्‍चिम विदर्भात रविवारी चांगल्या पावसाचा अंदाज असून, बुलडाणा व वाशीम जिल्ह्यात ५२ मि.मी., तर अकोला व अमरावती जिल्ह्यात ३९ ते ४४ मि.मी. पावसाची शक्‍यता आहे. सोमवारी पावसाचे प्रमाण कमी होईल. कमाल तापमान वाशीम जिल्ह्यात ३१ अंश सेल्सिअस, तर उर्वरित जिल्ह्यात ३० अंश सेल्सिअस असेल. किमान तापमान सर्वच जिल्ह्यात २२ अंश सेल्सिअस राहील. आकाश पूर्णतः ढगाळ राहील. सकाळची सापेक्ष आर्द्रता ७२ ते ८५ टक्के, तर दुपारची ४७ ते ५८ टक्के राहील.

मध्य विदर्भ
यवतमाळ, नागपूर व वर्धा जिल्ह्यांत रविवारी ३० ते ३६ मि.मी. पावसाची शक्‍यता आहे. सोमवारी पावसाचे प्रमाण कमी राहील. कमाल तापमानात घट होऊन यवतमाळ जिल्ह्यात ते ३१ अंश सेल्सिअस, तर वर्धा व नागपूर जिल्ह्यांत ते ३० अंश सेल्सिअस राहील. किमान तापमान २२ ते २३ अंश सेल्सिअस असेल.

पूर्व विदर्भ
गडचिरोली जिल्ह्यात ५७ मि.मी., गोंदिया जिल्ह्यात ४३ मि.मी., भंडारा जिल्ह्यात ३९ मि.मी. व चंद्रपूर जिल्ह्यात २५ मि.मी. रविवारी पावसाची शक्‍यता असून, सोमवारी सर्वच जिल्ह्यांत २१ ते २५ मि.मी. पावसाची शक्‍यता आहे. कमाल तापमानात घसरण होईल व ते ३० ते ३१ अंश सेल्सिअस राहील. किमान तापमान २२ अंश सेल्सिअस राहील. आकाश अंशतः ढगाळ राहील. सकाळची सापेक्ष आर्द्रता ८३ ते ९१ टक्के, तर दुपारची सापेक्ष आर्द्रता ५० ते ६२ टक्के राहील. आकाश पूर्णतः ढगाळ राहील.

दक्षिण-पश्‍चिम महाराष्ट्र
कोल्हापूर जिल्ह्यात रविवारी ५५ मि.मी., तर सोमवारी ७७ मि.मी. म्हणजेच अतिवृष्टीची शक्‍यता राहील. सांगली व सातारा जिल्ह्यांत रविवारी २७ ते ३३ मि.मी., तर सोमवारी ३९ मि.मी. पावसाची शक्‍यता आहे. पुणे जिल्ह्यात रविवारी ४७ मि.मी., तर सोमवारी ४९ मि.मी. पावसाची शक्‍यता आहे. नगर जिल्ह्यात रविवारी व सोमवारी २१ ते २३ मि.मी. पावसाची शक्‍यता असून, सोलापूर जिल्ह्यात ४ ते २२ मि.मी. पावसाची शक्‍यता राहील. वाऱ्याची दिशा नैर्ऋत्येकडून राहील. कमाल तापमान २७ ते ३० अंश सेल्सिअस, तर किमान तापमान २३ ते २४ अंश सेल्सिअस राहील. सकाळची सापेक्ष आर्द्रता ८४ ते ८८ टक्के व दुपारची ६० ते ७६ टक्के राहील. आकाश अंशतः ढगाळ राहील.

कृषिसल्ला

  • जेथे ६५ मि.मी. जमिनीत ओलावा असेल तेथे वापसा येताच पिकांच्या पेरण्या कराव्यात.
  • पेरणी करताना आंतरपीक पद्धती अवलंबावी.
  • अडसाली उसाची लागवड १५ जुलै ते १५ ऑगस्ट या कालावधीत करण्यासाठी जमिनीची पूर्वमशागत करून धस्कटे वेचून लागवडीसाठी जमीन तयार करावी.
  • आडसाली ऊस लागवडीसाठी सी.ओ. ८६०३२ या जातीची निवड करावी.

- (ज्येष्ठ कृषी हवामानतज्ज्ञ, सदस्य, संशोधन परिषद, वसंतराव नाईक मराठवाडा कृषी विद्यापीठ, परभणी व सदस्य, प्रवृत्त पर्जन्य कृती दल, सुकाणू समिती, महाराष्ट्र राज्य)


इतर ताज्या घडामोडी
सोलापुरात दोन लाख ५९ हजार शेतकऱ्यांनी...सोलापूर ः यंदाच्या खरीप हंगामासाठी पीक विमा...
तलाठी हरवल्याची शेतकऱ्यांची तक्रारअमरावती: तिवसा तालुक्यातील अनकवाडी मालपूर...
नाशिकमध्ये हिरव्या मिरचीची मागणी, दर...नाशिक : येथील कृषी उत्पन्न बाजार समितीमध्ये...
सोलापुरात भाज्यांना उठाव, वांगी,...सोलापूर ः कोरोनामुळे दहा दिवसांचा लॅाकडाऊन आहे....
नगरमध्ये घेवडा, वांग्यांच्या दरात...नगर ः नगर कृषी उत्पन्न बाजार समितीत मागील...
नगर जिल्ह्यात सततच्या पावसाने मुगाचे...नगर  ः नगर जिल्ह्यात गेल्या काही दिवसापासून...
नांदेड जिल्ह्यात साडेसात लाख हेक्टरवर...नांदेड ः यंदा नांदेड जिल्ह्यातील खरिपाच्या पेरणी...
पुणे जिल्ह्यात भात लागवडीसाठी पट्टा...पुणे  ः चालू वर्षी खरीप हंगामात ड्रम सीडर...
दोंडाईचा मालधक्क्यावर अधिकाऱ्यांच्या...धुळे ः युरिया वितरणातील घोळ, शेतकऱ्यांच्या...
नगर जिल्ह्यात फळबाग लागवड वाढण्याचा...नगर  ः यंदा पाऊस चांगला, शिवाय मागील काही...
कोल्हापुरात अर्धा टक्के शेतकऱ्यांनी ...कोल्हापूर : राज्यात पंतप्रधान पीक विमा योजनेला...
रत्नागिरी जिल्ह्यात पशुसंवर्धन विभागाची...रत्नागिरी  ः महात्मा गांधी राष्ट्रीय ग्रामीण...
अकोला जिल्ह्यातील दोन लाखांवर ...अकोला  : जिल्ह्यात यंदाच्या खरीप हंगामात...
नागपूर कृषी महाविद्यालय राबवणार ‘ई-...नागपूर  : ‘कोरोना’च्या पार्श्वभूमीवर लॉकडाउन...
उभ्या पिकात मूलस्थानी जलसंवर्धनकोरडवाहू शेतीमध्ये जमिनीतील पाण्याची कमतरता पाहता...
दूध प्रश्न बाजूला; शेतकरी संघटनांमधील...कोल्हापूर  : दूध दरप्रश्नी सरकारवर दबाव...
पुण्यात भाजीपाल्याचा पुरवठा संतुलित; दर...पुणे ः गुलटेकडी येथील पुणे कृषी उत्पन्न बाजार...
घरोघरी असावी पोषण परसबागपरसबागेचा आकार हा जागेची उपलब्धता, कुटुंबातील...
आरोग्यमंत्री राजेश टोपे यांना मातृशोक;...मुंबई : राज्याचे आरोग्यमंत्री राजेश टोपे यांच्या...
अपचन, खोकला, कफावर गुणकारी पिंपळी पावडर आपल्या घरातील ज्येष्ठ मंडळींना पिंपळी नक्कीच...