agriculture news in Marathi what will be spray on Moong crop Maharashtra | Agrowon

मुगावर काय फवारायचे?

टीम अॅग्रोवन
रविवार, 2 ऑगस्ट 2020

कडधान्य वर्गीय पिकांपैकी एक प्रमुख असलेल्या मुगाच्या पिकावर यंदाच्या हंगामात किडीरोगांचा प्रादुर्भाव झालेला असून महागड्या कीटकनाशकांची फवारणी केल्यावरही कीड नियंत्रणात आलेली नाही.

अकोला ः कडधान्य वर्गीय पिकांपैकी एक प्रमुख असलेल्या मुगाच्या पिकावर यंदाच्या हंगामात किडीरोगांचा प्रादुर्भाव झालेला असून महागड्या कीटकनाशकांची फवारणी केल्यावरही कीड नियंत्रणात आलेली नाही. यामुळे काही शेतकऱ्यांनी पिकावर नांगरही फिरवला. मुगावर आलेल्या किडीच्या अनुषंगाने कीडनाशकांचे फार कमी किंवा मर्यादित लेबल क्लेम असल्याची बाब यानिमित्ताने समोर आली आहे. परिणामी फवारणीसाठी एखाद्या कीटकनाशकाबाबत स्पष्ट सल्ला दिला जात नाही. संदर्भीय कीटकनाशक फवारून बघा एवढाच सल्ला दिला जात आहे. 

यंदाच्या हंगामात मुगावर मावा, तुडतुडे, लाल कोळी, फुलकिडे यांचा प्रादुर्भाव मोठ्या प्रमाणात झालेला आहे. यामुळे काही विशिष्ट वाणांचे हे पीक पूर्णतः उध्वस्त झाले. पीक नुकसान  मोठे असल्याने शेतकऱ्यांना काहीही करता आलेले नाही. किडीचा प्रादुर्भाव रोखण्यासाठी शेतकऱ्यांनी कीडनाशकांच्या दोन ते तीन फवारण्या केल्या. परंतु काहीही फायदा होत नसल्याने नांगर फिरवला. तेल्हारा, बाळापूर, अकोट व इतरही तालुक्यात मुगाच्या शेकडो हेक्टरमधील पिकावर हा प्रादुर्भाव झालेला आहे.

मुगाचे राज्याचे क्षेत्र सरासरी ४ लाख ८३ हजार हेक्टर आहे. यंदा ३ लाख हेक्टरच्या आत पेरणी  झालेली आहे. एकट्या अमरावती विभागात मुगाचे ४५हजारांपर्यंत क्षेत्र आहे.  नाशिक, पुणे, औरंगाबाद, लातूर, अमरावती या पाच विभागांमध्ये मुगाचे क्षेत्र सरासरी प्रत्येकी ४० हजार हेक्टरपेक्षा अधिक लागवडीखाली आलेले आहे.

कीटकनाशकाची शिफारसच नाही
मुगाच्या पिकाचे क्षेत्र कमी राहत असल्याने या पिकावरील किडींच्या नियंत्रणासाठी अत्यंत कमी किंवा मर्यादित कीडनाशकांचे लेबल क्लेम्स आहेत. मावा, तुडतुडे, लाल कोळी, फुलकिडे यांच्या नियंत्रणासाठी  कपाशीसारख्या पिकात लेबल क्लेम उपलब्ध आहेत. परंतु मूग पिकाबाबत अडचण तयार झालेली आहे. यामुळे शेतकरी अन्य पिकांवर संबंधित किडींसाठी असलेल्या कीटकनाशकांचा संदर्भ घेऊन मुगावर फवारणी करीत आहेत. तेल्हारा तालुक्यात झालेल्या मुगावरील व्हायरसच्या प्रादुर्भावाचे नमुने घेत कृषी विद्यापीठाच्या चमूने काढून बंगलोर येथे तपासणीला पाठवले आहेत. तेथून अहवाल आल्यानंतर या प्रादुर्भावाची कारणे कळू शकणार आहेत. बियाण्यातच दोष होता का, हेसुद्धा या अहवालातून समजू शकेल. 

प्रतिक्रिया
मुगावर आलेल्या या किडीच्या अनुषंगाने मी तीन फवारण्या घेतल्या. एकरी तीन हजारांचा हा खर्च झाला. एवढे करूनही पीक सुधारले नाही. त्यामुळे त्यावर ट्रॅक्टर फिरवला. बी- बियाणे, खते, फवारणी, मशागत यावर झालेला खर्च तसाच गेला. आता दोन महिने शेत तसेच पडून राहील. रब्बीत त्यात हरभऱ्याचे नियोजन करावे लागेल. 
-नितीन देठे, मूग उत्पादक, तेल्हारा जि. अकोला


इतर अॅग्रो विशेष
सदोष बियाण्यांत शेतकरी दोषी कसा? सोयाबीनच्या सदोष बियाण्यांचा विषय यंदा...
बियाणे दहशतवाद गंभीरच!तणनाशक सहनशील अवैध एचटीबीटी कापूस बियाण्याच्या...
कोकण, विदर्भात जोरदार पावसाची शक्यता पुणे : मध्य महाराष्ट्र व विदर्भात पावसासाठी...
मराठवाड्यात कपाशी लागवडीत सव्वा लाख...औरंगाबाद : मराठवाड्यात सर्वसाधारण क्षेत्राच्या...
सूक्ष्म सिंचन प्रस्तावांना पूर्वसंमतीची...अकोला ः  कोरोनामुळे उद्भवलेल्या परिस्थितीचा...
साडेतीन हजार शेतकऱ्यांना शेतमाल तारण...पुणे ः शेतमालाच्या काढणीनंतर बाजारपेठेत एकाचवेळी...
आपत्कालीन परिस्थितीत राज्य सरकारांसोबत...मुंबई : आपत्कालीन परिस्थितीत केंद्र सरकार राज्य...
कीडनाशकांवर बंदीबाबत अभ्यासच झालेला नाहीपुणे: कृषी रसायन क्षेत्रात काही कीडनाशकांवर...
जालन्यात रेशीम कोषांची उलाढाल ६६...जालना: येथील रेशीम कोष खरेदी बाजारपेठेची यंदाच्या...
कलिंगड, भातशेतीसोबत ब्रॉयलर पक्षांची...सिंधुदुर्ग जिल्ह्यातील पेंडूर कनकवाडी येथील दीपक...
दूध आंदोलनाची पुढील दिशा आज ठरणारनगर ः दुधाला प्रतिलिटर तीस रुपये दर मिळावा आणि...
पॉवर टीलर आयातीवर निर्बंधपुणे: भारत-चीन वादाचा फटका आता पॉवर टीलर...
नगर जिल्ह्यात तेलकट डागांमुळे डाळिंब...नगर ः नगर जिल्ह्यात यंदा छोटी तसेच तोडणीला...
शेळीपालन, श्‍वान, देशी कोंबडीपालनातून...शेळीपालन, मग श्‍वानपालन व आता देशी कोंबडीपालन अशी...
राज्यात ठिकठिकाणी पावसाच्या हलक्या सरीपुणे ः  कोकण, मध्य महाराष्ट्र, खानदेश,...
लक्ष वळविण्याची राजकीय खेळी!एखाद्या महासंकटाचा राजकीय लाभ कसा उठवायचा हे...
जो पारदर्शी तोच टिकेलकेंद्र सरकारने ‘एक देश एक बाजार’ योजनेची घोषणा...
आदिवासी महामंडळातर्फे ४९ लाख क्विंटल...नाशिक : कोरोनाच्या संकट काळात आदिवासी विकास...
संशोधनासाठी मोसंबी वाणांचे जतन फायदेशीर...बदनापूर, जि. जालना : मोसंबी फळपिकांच्या विविध...
परभणी जिल्ह्यात कापसाची ३६ लाख क्विंटल...परभणी ः कोरोना साथीमुळे लांबत गेलेला परभणी...