agriculture news in marathi wheat, horsepea, sourgum incoming steady in Khandesh APMC's | Agrowon

खानदेशातील बाजार समित्यांत आवक सुरळीत

टीम अॅग्रोवन
बुधवार, 25 मार्च 2020

खानदेशातील धुळे, जळगाव, नंदुरबार येथील बाजारात भाजीपाल्यासह गहू, हरभरा, दादर ज्वारीची आवक सुरळीत सुरू आहे. परंतु किरकोळ बाजार बंद असल्याने बाजार समितीमधील दरांवर परिणाम होत आहे. 

जळगाव : खानदेशातील धुळे, जळगाव, नंदुरबार येथील बाजारात भाजीपाल्यासह गहू, हरभरा, दादर ज्वारीची आवक सुरळीत सुरू आहे. परंतु किरकोळ बाजार बंद असल्याने बाजार समितीमधील दरांवर परिणाम होत आहे. 

बाजार समितीने ग्रामीण भागातील आठवडे बाजारासह शहरांमधील किरकोळ धान्य विक्री व भाजीपाला विक्रीचे बाजार सुरू ठेवण्याची मागणी केली आहे. तसेच शेतकऱ्यांची मागणी असल्याने बाजार समिती बंद केली जाणार नाही. लिलाव सुरूच राहतील. कोरोनासंबंधी सर्व उपाययोजना बाजार समितीत केल्या आहेत, अशी भूमिका मांडली आहे. 

किरकोळ बाजारातील भाजीपाला व धान्य विक्री मागील दोन-तीन दिवसात हळूहळू कमी झाली आहे. तसेच मोठ्या गावांमधील आठवडे बाजारही बंद केले आहेत. यामुळे बाजार समितीमध्ये भाजीपाल्याच्या दरात कमालीची घट झाली आहे. 

सोमवारी (ता.२३) जळगाव बाजार समितीमध्ये ११ क्विंटल हिरव्या मिरचीची आवक झाली होती. तर तिला दर प्रतिक्विंटल सात हजार रुपयांपर्यंत मिळाले. परंतु मंगळवारी (ता.२४) किरकोळ बाजार बंद झाल्याने बाजार समितीत हिरव्या मिरचीचे दर २००० रुपये प्रतिक्विंटलपर्यंत खाली आले. लाल कांद्याची सुमारे ५०० क्विंटल आवक झाली.

त्याचे लिलाव सुरळीत झाले. दर कमाल ३००० रुपये प्रतिक्विंटलपर्यंत मिळाले. धुळे शहर, जळगाव शहर, चोपडा, जामनेर, रावेर, शिरपूर येथील किरकोळ बाजार मंगळवारी बंद ठेवले होते. किरकोळ बाजार बंद असल्याने अनेक ग्राहक सकाळी थेट बाजार समितीमध्ये भाजीपाला खरेदीसाठी पोचले होते. 

बाजार समितीमध्ये गहू, ज्वारी, हरभऱ्याची आवक सुरळीत आहे. मंगळवारी आवक मात्र काहीशी कमी झाली. गव्हाची सुमारे १०० क्विंटल, ज्वारीची १८० तर हरभऱ्याची ५०० क्विंटल आवक झाली. चोपडा, अमळनेरात आवक कमी  होती. तर धुळे येथेही फारशी धान्याची आवक झाली नाही. यामुळे धान्य बाजारातील लिलाव पूर्वीसारखे झाले नाहीत. भाजीपाल्याचे लिलाव सकाळीच झाले. परंतु दर कमी झाल्याने शेतकऱ्यांना फटका बसला. 

परराज्य व परजिल्ह्यातून बटाटा, लसूण, घेवडा, कोबी, वाल यांची मोठी आवक होत असते. परंतु ही आवक मंगळवारी झाली नाही. बटाट्याचे कुठलेही लिलाव जळगाव बाजार समितीमध्ये झाले नसल्याची माहिती मिळाली.


इतर ताज्या घडामोडी
दिवे लावण्यापेक्षा पंतप्रधानांनी आशेचा ...मुंबई: दिवे लावण्यापेक्षा पंतप्रधानांनी आशेचा...
विनाकारण बाहेर फिरणाऱ्यांची ओवाळली आरतीअकोला ः ग्रामीण भागात ‘कोरोना’ची धास्ती वाढलेली...
नांदेड, परभणी, हिंगोली जिल्ह्यात केळी...नांदेड : लॅाकडाऊनमुळे वाहतुकीवर परिणाम झाला आहे....
मुंबई बाजार समितीत फळांची आवक वाढली मुंबई : जीवनावश्यक वस्तूंचा योग्य पुरवठा व्हावा,...
आंब्याची वाहतूक, वितरण व्यवस्थेतील...मुंबई : एप्रिलपासून आंब्याचा हंगाम सुरू झाला आहे...
कोल्हापुरात वाहतुक बंदीचा रेशीम कोषाला...कोल्हापूर : वाहतूक बंद असल्यामुळे शेतकऱ्यांचे...
मुख्यमंत्री साहायता निधीसाठी ‘कृषी’च्या...नाशिक: कोरोना विषाणूच्या प्रादुर्भावामुळे...
खानदेशात कडब्याच्या दरांवर दबाव जळगाव : खानदेशातून परराज्यासह इतर जिल्ह्यांत कडबा...
मदत व पुनर्वसन मंत्री देणार ४० हजार...चंद्रपूर ः खऱ्या अर्थाने पालकत्वाची जबाबदारी पार...
खानदेशात धान्याची शिवार खरेदी, मार्केट...जळगाव : खानदेशात धान्याची शिवार खरेदी बंद आहे....
भंडारा बॅंक देणार १५ एप्रिलपासून...भंडारा ः ‘कोरोना’ विषाणूचा प्रादुर्भाव...
नंदुरबार जिल्ह्यात पपईची कवडीमोल दराने...नंदुरबार : लॉकडाऊनचा फटका सर्वसामान्य...
जळगाव जिल्ह्यातील बॅंका पीक कर्ज...जळगाव : जिल्ह्यात अपवाद वगळता बॅंकांनी नव्याने...
हिंगोलीत एका व्यक्तीचा कोरोना चाचणी...हिंगोली : हिंगोली येथील जिल्हा रुग्णालयात भरती...
शब-ए-बारात, डॉ. आंबेडकर जयंतीला घरुनच...मुंबईः सध्या ‘कोरोना’ने सर्वत्र धुमाकूळ घातला...
खासगी डेअरीची संकलन यंत्रणा तोकडी;...नांदेड ः ‘कोरोना’ विषाणूचा संसर्ग रोखण्यासाठी...
नाशिक बाजार समितीमध्ये केवळ लिलावाला...नाशिक : ‘कोरोना’ विषाणूच्या वाढत्या...
पुणे, मुंबईत भाजीपाल्याची घरपोच सुविधा पुणे ः शहरातील नागरिकांसाठी भाजीपाला पुरवठा...
पुसदमध्ये शेतकरी कंपन्यांतर्फे...यवतमाळ : ‘लॉकडाऊन’च्या पार्श्‍वभूमीवर पुसद येथे...
लातूर जिल्ह्यातील द्राक्ष उत्पादक...चापोली, जि. लातूर : ‘कोरोना’चा फैलाव...