Agriculture news in Marathi Wheat will be sale by token at Akola Market Committee | Agrowon

अकोला बाजार समितीत गव्हाची टोकन पद्धतीने होणार विक्री

टीम अॅग्रोवन
बुधवार, 8 एप्रिल 2020

अकोला ः ‘कोरोना’ विषाणू प्रतिबंधात्मक उपाययोजनांची अंमलबजावणी करून जिल्ह्यातील कृषी उत्पन्न बाजार समित्यांमधील व्यवहार सुरळीत केले जाणार आहेत. तसेच या बाजार समित्यांमध्ये गव्हाची विक्री ही टोकन पद्धतीने करण्याचा निर्णय घेण्यात आला. जिल्हा उपनिबंधकांनी सोमवारी (ता. सहा) या अनुषंगाने बाजार समिती सचिव, काही अडते, व्यापारी व संचालकांची बैठक घेतली. 

अकोला ः ‘कोरोना’ विषाणू प्रतिबंधात्मक उपाययोजनांची अंमलबजावणी करून जिल्ह्यातील कृषी उत्पन्न बाजार समित्यांमधील व्यवहार सुरळीत केले जाणार आहेत. तसेच या बाजार समित्यांमध्ये गव्हाची विक्री ही टोकन पद्धतीने करण्याचा निर्णय घेण्यात आला. जिल्हा उपनिबंधकांनी सोमवारी (ता. सहा) या अनुषंगाने बाजार समिती सचिव, काही अडते, व्यापारी व संचालकांची बैठक घेतली. 

बाजार समित्यांमध्ये व्यवहार सुरळीत सुरू ठेवण्याबाबत जिल्हा उपनिबंधकांच्या स्तरावरून नियोजन करण्यात आले आहे. ‘कोरोना’ विषाणू प्रतिबंधात्मक उपाययोजनांनुसार देशभर लागू करण्यात आलेल्या संचारबंदीमुळे शेतमालाची जिल्ह्यातील बाजार समित्यांमधील आवक बंद झाली होती. आता हे व्यवहार सुरळीत करण्याचे प्रयत्न सुरू झाले आहे. लॉकडाऊनच्या काळामध्ये जीवनावश्यक वस्तूंचा पुरवठा व सेवा सुरू राहण्याच्या दृष्टीने पुरवठा साखळी व वाहतूक सुरू राहील याची जबाबदारी संबंधित तालुका उपनिबंधक/ सहायक निबंधकांवर सोपविण्यात आली. 

जिल्हा उपनिबंधकांनी घेतलेल्या बैठकीस सहायक निबंधक, बाजार समित्यांचे सचिव, काही व्यापारी-आडते-हमाल संचालक उपस्थित होते. बैठकीत बाजार समित्यांनी करावयाच्या ‘कोरोना’ विषाणूचा प्रसार रोखण्याच्या उपाययोजनांचा तसेच बाजार पूर्ववत सुरू करण्याबाबत आढावा घेण्यात आला. सर्व बाजार समित्या टप्प्याटप्याने पूर्ववत सुरू करण्याचा निर्णय घेण्यात आला. त्यांतर्गत अकोला, मूर्तिजापूर, तेल्हारा व बार्शीटाकळी या बाजार समित्यांमध्ये टोकन पद्धतीने मालाची आवक घेण्यात येणार आहे. ज्या शेतकऱ्यांना आपला गहू बाजार समितीमध्ये विकायचा आहे त्यांनी आधी संपर्क क्रमांकावर माहिती देऊन टोकन क्रमांक तसेच बाजार समितीत कोणत्या दिवशी माल आणावयाचा आहे ती माहिती प्राप्त करून घ्यावी लागणार आहे. 

सुरुवातीला एका दिवशी फक्त ५० शेतकऱ्यांच्या गव्हाची आवक घेतली जाईल. गव्हाच्या खरेदीस गुरुवार (ता. नऊ) पासून सुरुवात केली जात आहे. मात्र, टोकन क्रमांकाशिवाय बाजारात प्रवेश दिला जाणार नाही. याकरिता आपला टोकन क्रमांक प्राप्त करून घेऊन दिलेल्या तारखेस माल सकाळी ९ वाजता बाजार समितीमध्ये आणायचा आहे, असे आवाहन करण्यात आले.

बाजार समिती संपर्क क्रमांक
अकोला ०७२४-२४३३४७८, ९८८१००८५४४, ९८८११८५३४२
मूर्तीजापूर ७०३८६२२३३३, ९८८१४८१७११
तेल्हारा ९७६४६२१६१४, ९८८१९४१०४२
बार्शीटाकळी ९४०३८७२८२२, ८६०५७३४१४३

संबंधित बाजार समितीच्या कार्यक्षेत्रातील गहू विकण्यास इच्छुक असलेल्या शेतकऱ्यांनी दिलेल्या संपर्क क्रमांकावर फोन करून आपला टोकन क्रमांक प्राप्त करून घ्यावा. त्यानंतर ठरवून दिलेल्या दिवशी माल विकण्यास आणून बाजार समित्यांना सहकार्य करावे.
- डॉ. प्रवीण लोखंडे, जिल्हा उपनिबंधक, सहकारी संस्था, अकोला


इतर ताज्या घडामोडी
सोलापूर जिल्ह्यात पावसामुळे महावितरणचे...सोलापूर ः महावितरणच्या अकलूज, पंढरपूर व...
वळण योजना प्रकल्प पूर्ण करा : भुजबळनाशिक : ‘‘जिल्ह्यातील पाणी पश्चिमेकडे वाहून...
कृषीकन्येकडून शेतकऱ्यांना मार्गदर्शनबदलापूर (जि.ठाणे) ः कृषी कार्यानुभव...
मालेगावात कांदा निर्यातबंदीच्या...मालेगाव, जि. नाशिक : गेल्या महिन्यात कांद्याला...
सोलापुरातील शेतकऱ्यांनो कृषी...सोलापूर : यंदाच्या वर्षासाठीची कृषी यांत्रिकीकरण...
जीवामृत निर्मितीचे प्रात्यक्षिकनशिराबाद, जि. बुलडाणाः येथील कृषीकन्या भाग्यश्री...
हिंगोलीतील सहा मंडळात अतिवृष्टीहिंगोली :जिल्ह्यात मंगळवारी (ता.२२) सकाळी...
द्राक्ष उत्पादकांची व्यापारी,...नाशिक : सुमारे ९५ टक्के द्राक्ष व्यापारी हे...
जळगाव जिल्ह्यात केळी उत्पादकांना विमा...जळगाव : शेतकरी प्रश्‍नी शरद जोशी प्रणित शेतकरी...
दुधना नदीला पूर, पिकांत पाणीच पाणीपरभणी : सेलू तालुक्यातील ब्रम्हवाकडी येथील निम्न...
उदगीरमधील ‘देवर्जन’ सात वर्षांनंतर भरलाउदगीर : देवर्जन (ता. उदगीर) येथील मध्यम...
बीड, लातूरमधील मंडळांत दमदार पाऊसऔरंगाबाद : औरंगाबाद, जालना, बीड, उस्मानाबाद,...
गिरणा पट्ट्यात पूर ओसरताच वाळूचा उपसा...जळगाव : गिरणा परीसरातील शेतकऱ्यांना पूर,...
सेस रद्द करा, अन्यथा बंद पुकारूपुणे ः केंद्र सरकारच्या कृषी आणि पणन विषयक तीन...
जळगावात बाजार समित्या बरखास्तीचे राजकारणजळगाव ः जिल्ह्यात दोन्ही काँग्रेस, शिवसेनेची...
शेतकऱ्यांसाठी सुखावणारा कायदा ः...कोल्हापूर ः शेती उत्पन्न व्यापार आणि वाणिज्य...
बुलडाण्यात दहा हजार हेक्टरवर क्षेत्र...बुलडाणा ः जिल्ह्यात शनिवार (ता. १९) व रविवारी (ता...
सिंधुदुर्ग जिल्ह्याला मुसळधार पावसाने...सिंधुदुर्ग ः जिल्ह्याच्या काही भागाला सोमवारी (ता...
अखेर ६६५ शेतकऱ्यांना विम्याचा लाभअकोला ः  सन २०१९ च्या खरीप हंगामात पंतप्रधान...
संत्रा वाहतुकीसाठी रेल्वेकडून वरूड...अमरावती : किसान रेल्वेच्या माध्यमातून येत्या...