Agriculture news in Marathi, while the animals of the 4 villages are in Satara | Agrowon

...तर ३२ गावांची जनावरे सातारा जिल्हाधिकारी कार्यालयात सोडणार

टीम अॅग्रोवन
बुधवार, 24 जुलै 2019

कुकुडवाड, जि. सातारा : माण तालुक्‍यातील कुकुडवाड, पुकळेवाडीसह १६ गावे व खटाव तालुक्‍यातील कलेढोण, विखळेसह १६ गावांना टेंभू उपसा योजनेतून पाणी देण्याचा निर्णय एक महिन्यात झाला नाही, तर ३२ गावांतील जनावरे जिल्हाधिकारी कार्यालयात सोडण्याचा निर्णय रविवारी कुकुडवाड (ता. माण) येथे झालेल्या पाणी परिषदेत घेण्यात आला. 

माण-खटावमधील ३२ वंचित गावांतील ग्रामस्थांच्या टेंभू उपसा पाणी परिषदेसाठी माण-खटावचे आमदार जयकुमार गोरे, भाजपचे जिल्हा उपाध्यक्ष अनिल देसाई, माजी सनदी अधिकारी प्रभाकर देशमुख, परिषदेचे संयोजक सदस्य विठ्ठल काटकर आदी उपस्थित होते. 

कुकुडवाड, जि. सातारा : माण तालुक्‍यातील कुकुडवाड, पुकळेवाडीसह १६ गावे व खटाव तालुक्‍यातील कलेढोण, विखळेसह १६ गावांना टेंभू उपसा योजनेतून पाणी देण्याचा निर्णय एक महिन्यात झाला नाही, तर ३२ गावांतील जनावरे जिल्हाधिकारी कार्यालयात सोडण्याचा निर्णय रविवारी कुकुडवाड (ता. माण) येथे झालेल्या पाणी परिषदेत घेण्यात आला. 

माण-खटावमधील ३२ वंचित गावांतील ग्रामस्थांच्या टेंभू उपसा पाणी परिषदेसाठी माण-खटावचे आमदार जयकुमार गोरे, भाजपचे जिल्हा उपाध्यक्ष अनिल देसाई, माजी सनदी अधिकारी प्रभाकर देशमुख, परिषदेचे संयोजक सदस्य विठ्ठल काटकर आदी उपस्थित होते. 

या वेळी गोरे म्हणाले, ‘‘माझ्या मतदारसंघात पाणी आल्याशिवाय पाण्याचा एकही थेंबही पुढे जाऊ देणार नाही. ही माझी भूमिका मुख्यमंत्री देवेंद्र फडणवीस यांना सांगितली आहे. जो काय निर्णय घ्याचा तो घ्या. परंतु, दुष्काळी भागाला पाण्यापासून वंचित ठेवून कुणी पाणी नेणार असेल व आमच्या पाण्यावर कुणी हक्क सांगत असेल, तर प्रसंगी कॅनॉल तोडून कायदा हातात घेऊ.’’

देशमुख म्हणाले, ‘‘भागाला पाणी मिळण्यासाठी शासन पातळीवर पाठपुरावा करीत आहे. कशा पद्धतीने या गावाच्या शिवारात पाणी आणता येईल, त्यासाठी प्रयत्न सुरू आहेत. या ३२ गावांना पाणी मिळण्यासाठी या पुढे जी आंदोलने होतील, त्या वेळी मी तुमच्याबरोबर असेन.’’ देसाई म्हणाले, ‘‘३२ गावांना पाणी देण्यास वचनबद्ध आहे. मुख्यमंत्री फडणवीस व महसूलमंत्री चंद्रकांत पाटील यांनी माण व खटाव तालुक्‍यांतील वंचित गावांना पिण्याचे पाणी व शेतीचे पाणी देण्याचा शब्द दिला आहे.’’ काटकर म्हणाले, ‘‘पावसाचे प्रमाण अतिशय कमी असल्याने ३२ गावांत आज लोकांच्या जीवन-मरणाचा प्रश्न उभा राहिला आहे. या भागाला पाणी मिळाले नाही, तर भविष्यात लोकांना स्थलांतर करण्याशिवाय पर्याय नाही.’’ ३२ गावांतून हजारो नागरिक व महिला पाणी परिषदेस उपस्थित होत्या. विठ्ठल काटकर यांनी सूत्रसंचालन केले. तानाजी काटकर यांनी आभार मानले.

चितळीतील जलसेतूत समाधी 
पाणी परिषदेत दोन ठराव घेण्यात आले. पहिला ठराव जिल्हाधिकारी कार्यालयात ३२ गावांतील जनावरे सोडण्याचे आंदोलन आणि दुसरे आंदोलन हे चितळी येथील जलसेतूमध्ये ३२ गावांतील महिला व पुरुषांकडून जलसमाधीचे असेल. त्याला शासन व प्रशासन जबाबदार असेल. शासन व प्रशासनाला एक महिन्याचा अल्टिमेटम देऊन आंदोलनाच्या तारखा टेंभू पाणी योजना संघर्ष समिती निश्‍चित करून निवेदन देईल.


इतर ताज्या घडामोडी
अंजीर-सिताफळ संशोधन केंद्राचे प्रमुख डॉ...पुणे : महात्मा फुले कृषी विद्यापिठाच्या ...
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
परभणीत गाजर ८०० ते १५०० रुपये...परभणी  : येथील पाथरी रस्त्यावरील फळे...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...
प्रशासकीय कामकाज सेवा हमी कायद्यानुसार...अकोला ः शासकीय योजनांचा लाभ लाभार्थ्यांपर्यंत...
वीज रोहित्र ४८ तासांत बदलून द्या;...अकोला ः वीज रोहित्रांबाबत शेतकऱ्यांच्या असंख्य...
अर्थसंकल्पात शेतकऱ्यांना न्याय न...मुंबई ः केंद्र सरकारचे कृषीविषयक धोरण सातत्याने...
पुणे, मुंबई बाजार समितीच्या निवडणुका...पुणे ः उच्च न्यायालयाच्या आदेशाने सुरू असलेल्या...
फडणवीस सरकारच्या टेंडर मॅनेजमेंट...मुंबई ः काँग्रेस पक्षाने २६ ऑगस्ट २०१९ व २९ ऑगस्ट...
शेतीमाल निर्यातबंदी उठवण्यासाठी लढा...औरंगाबाद : शेतकऱ्यांना दिलेली आश्‍वासने पूर्ण...
साखर उद्योग सक्षम करण्यासाठी प्रयत्नशील...पुणे ः साखर उद्योगाचे एक चक्र असून, या उद्योगाला...