Agriculture news in Marathi, who came in people hinder work i will handel those | Agrowon

लोकांच्या कामात येईल त्या अधिकाऱ्याला आडवा करेन ः डॉ. सावंत

टीम अॅग्रोवन
शनिवार, 14 सप्टेंबर 2019

पुणे : ‘‘लोकांचे काहीही काम सांगितले की सरकारी अधिकारी ब्रिटिशकालीन नियमांवर बोट ठेवतात. देश स्वतंत्र होऊन ७० वर्षे झाली तरीदेखील ब्रिटिशांच्या कामकाजाची ‘फ्रेम’ हटलेली नाही. पाऊस पडल्याचे खोटे आकडे सांगतात. मग दुष्काळातील गावांनी काय मरायचे का? शेतकऱ्यांना त्यांच्या हक्काचे कर्जसुद्धा वाटत नाहीत. लाज वाटायला पाहिजे तुम्हाला. हे मला चालणार नाही. मी पुन्हा मंत्री होणारच आहे. लोकांच्या कामात जो अधिकारी येईल त्याला आता आडवा केल्याशिवाय थांबणार नाही,’’ असा इशारा राज्याचे जलसंधारणमंत्री प्रा. डॉ. तानाजी सावंत यांनी सरकारी अधिकाऱ्यांना दिला. 

पुणे : ‘‘लोकांचे काहीही काम सांगितले की सरकारी अधिकारी ब्रिटिशकालीन नियमांवर बोट ठेवतात. देश स्वतंत्र होऊन ७० वर्षे झाली तरीदेखील ब्रिटिशांच्या कामकाजाची ‘फ्रेम’ हटलेली नाही. पाऊस पडल्याचे खोटे आकडे सांगतात. मग दुष्काळातील गावांनी काय मरायचे का? शेतकऱ्यांना त्यांच्या हक्काचे कर्जसुद्धा वाटत नाहीत. लाज वाटायला पाहिजे तुम्हाला. हे मला चालणार नाही. मी पुन्हा मंत्री होणारच आहे. लोकांच्या कामात जो अधिकारी येईल त्याला आता आडवा केल्याशिवाय थांबणार नाही,’’ असा इशारा राज्याचे जलसंधारणमंत्री प्रा. डॉ. तानाजी सावंत यांनी सरकारी अधिकाऱ्यांना दिला. 

आदर्शगाव भूषण पुरस्कार वितरण सोहळ्याच्या निमित्ताने जलसंधारणमंत्र्यांनी आपल्या भाषणातून केलेली तुफान तलवारबाजी पाहून अधिकारी अवाक् झाले. विशेष राज्याच्या सर्व सरकारी अधिकाऱ्यांना लोकसेवेचे प्रशिक्षण देणाऱ्या पुण्यातील यशदामध्येच डॉ. सावंत यांनी प्रशासकीय यंत्रणेला धारेवर धरले, तेव्हा येथे उपस्थितआदर्श गावांमधील ग्रामस्थ वारंवार टाळ्या वाजवून जलसंधारणमंत्र्यांच्या भाषणास प्रतिसाद देत होते. 

‘‘मी जातो तेथे ब्रेकिंग न्यूज बनत असते. माझा स्वभावच तसा आहे. माझा राजकारणातील प्रवास फक्त तीन वर्षांचा आहे. त्यात मी आमदार आणि मंत्रीही झालो. मात्र, बाहेर राहून आणि शासनात राहून काय काम करता येते ते मी अनुभवतो आहे. लोकहिताचे काम सांगितले की अधिकारी लगेच सांगतात, की हे काम नियमांच्या फ्रेममध्ये बसत नाही. मला सांगा की शासन म्हणजे कोण आणि कॅबिनेट मंत्री म्हणजे कोण, कोणती आली नियमाची फ्रेम? माझ्या मते ग्रामीण भागातील जनतेला जे वाटते तेच कॅबिनेट किंवा प्रशासनाच्या कामात उतरले पाहिजे. तुम्ही सकारात्मक नसाल तर जनताच तुम्हाला पायउतार करते,’’ असे जलसंधारणमंत्री म्हणाले. 

‘‘मी पाच साखर कारखाने चालवतो. पण, शेतकऱ्यांची एफआरपी पेंडिंग ठेवलेली नाही. जलयुक्त शिवाराला पर्याय ठरलेली साडेपाचशे किलोमीटर जलसंधारणाची कामे स्वतः राबविली आहेत. आम्ही करतो म्हणूनच बोलतो. मी राजकारणी नाही. दरवेळी फ्रेम आणि नियम सांगितले जातात. लोकांचे हित असल्यास ती फ्रेम तोडायला हवी. पाऊस नसलेल्या ठिकाणी १०० नी २०० टक्के पाऊस दाखवतात. मग कशी मदत मिळेल शेतकऱ्यांना? गावात वर पाऊस होतो तर खाली कोरडे असते. मग इतरांनी काय मरायचे का,’’ असे सवाल डॉ. सावंत यांनी उपस्थित केले. ‘सिंहासन’ चित्रपटातील निळू फुलेंसारखीच माझी अवस्था झाली आहे, असेही जलसंधारणमंत्र्यांनी या वेळी सांगून टाकले.


इतर ताज्या घडामोडी
ठिबक सिंचनातील पंप निवडीसाठी तांत्रिक...महाराष्ट्रामध्ये शेतकरी कापूस, हळद, ऊस, संत्रा,...
वारणा, गोकुळ दूध संघांकडून दरात वाढकोल्हापूर : जिल्हा दूध संघ (गोकुळ) आणि वारणानगर...
नाशिक : अतिवृष्टीनंतर कपाशीवर करपाचा...नाशिक : अतिवृष्टीमुळे सातत्याने कपाशी लागवडीमध्ये...
कृषी संशोधन केंद्रे पांढरा हत्ती ठरू...भंडारा ः सर्वाधिक रोजगार शेतीमधून उपलब्ध होऊ शकतो...
मधमाश्या, मित्रकीटक वाचविण्यासाठी...नाशिक: मधमाश्यांची संख्या जगभरात तसेच भारतातही...
बाधितांसाठी मागितले दहा कोटी अन्‌...आटपाडी, जि. सांगली ः अवकाळी पावसामुळे आटपाडी...
शेतकरी संघटनेचे गुरुवारी निर्बंधमुक्ती...नगर ः संपूर्ण कर्जमाफी करून राज्यातील शेतकऱ्यांचा...
पुणे : फळपीक विमा योजना असून नसल्यासारखीपुणे : फळपिकांना हवामानाच्या धोक्यापासून संरक्षण...
गडहिंग्लजमध्ये ज्वारीचे क्षेत्र एक हजार...गडहिंग्लज, जि. कोल्हापूर : अतिवृष्टी आणि अवकाळी...
बाजारपेठेवर आधारित पीकपद्धतीचा अवलंब...नगर  : ‘‘कमी पाणी व जास्त पाणी, अशा दोन...
नवीन वर्षात ७५० ग्रामपंचायतींच्या...पुणे : येत्या नवीन वर्षात जुलै ते डिसेंबर २०२० या...
हिंगोली जिल्ह्यात रब्बीची ७६ हजार...हिंगोली : जिल्ह्यात यंदाच्या रब्बी हंगामात सोमवार...
पुण्यात पालेभाज्यांसह कांद्याच्या आवकेत...पुणे : गुलटेकडी येथील पुणे कृषी उत्पन्न बाजार...
गहू, हरभरा पिकांसाठी एकात्मिक...या वर्षी परतीच्या पावसाचे प्रमाण अधिक राहिल्याने...
शेती उत्पादन वाढीसाठी मधमाश्‍यांचा मोठा...नाशिक: मधमाश्‍यांचे संगोपन करून त्यांच्या...
कृत्रिम रेतनावर नियंत्रण योग्यचपुणे : कृत्रिम रेतन करताना शास्त्रोक्त...
कडधान्यवर्गीय बियाणे उत्पादकांना अनुदान...अकोला  ः कडधान्यवर्गीय पिकांच्या पायाभूत...
अमरावती ‘एसआयटी’कडूनही अजित पवार निर्दोषमुंबई : नागपूर विभागातील सिंचन घोटाळ्यापाठोपाठ...
नांदेड जिल्ह्यात कृषी योजनेंतर्गत १...नांदेड : जिल्हा परिषदेच्या कृषी...
पुणे विभागात गळीत हंगामात १८ साखर...पुणे : गळीत हंगाम सुरू होऊन जवळपास दीड महिना होत...