agriculture news in Marathi, wild vegetables festival in Bhopoli, Maharashtra | Agrowon

भोपोली येथे रानभाज्यांचा १८ला मेजवानी उत्सव

टीम अॅग्रोवन
शुक्रवार, 2 ऑगस्ट 2019

मुंबई: सेंद्रिय शेतीची माहिती व प्रात्यक्षिक, वारली कलेचे नमुने, लोकसंगीत, लोकनृत्याची बहार आणि रानभाज्यांची मेजवानी असा भरगच्च फुलोरा 'रान-उत्सव' या कार्यक्रमाच्या निमित्ताने मुंबई, ठाणे आणि आजूबाजूच्या शहरी नागरिकांना अनुभवता येणार आहे. डॉ. एम. एल. ढवळे मेमोरियल ट्रस्ट यांच्या वतीने येत्या १८ ऑगस्ट रोजी भोपोली (ता. विक्रमगड, जि. पालघर) येथे या रान-उत्सवाचे आयोजन करण्यात आले आहे. 

मुंबई: सेंद्रिय शेतीची माहिती व प्रात्यक्षिक, वारली कलेचे नमुने, लोकसंगीत, लोकनृत्याची बहार आणि रानभाज्यांची मेजवानी असा भरगच्च फुलोरा 'रान-उत्सव' या कार्यक्रमाच्या निमित्ताने मुंबई, ठाणे आणि आजूबाजूच्या शहरी नागरिकांना अनुभवता येणार आहे. डॉ. एम. एल. ढवळे मेमोरियल ट्रस्ट यांच्या वतीने येत्या १८ ऑगस्ट रोजी भोपोली (ता. विक्रमगड, जि. पालघर) येथे या रान-उत्सवाचे आयोजन करण्यात आले आहे. 

धोधो कोसळणारा पाऊस जरा उसंत घेऊन स्थिरावला की लागलीच सुरू होते श्रावण महिन्याची लगबग. पालघर आणि आजूबाजूच्या आदिवासी भागात तर हा श्रावण महिना खासच! महिनाभर रोजचे ८-८ तास शेतात वाकून आवणी (लावणी) करून आलेला थकवा दूर करण्यासाठी सोबतीला असतात पारंपारिक  लोकगीते, तारप्याचे सूर आणि त्यावर थिरकणारी पावले! हातभर लांबीची भाताची रोपे आनंदाने श्रावणसरी झेलत असतानाच घराघरात मात्र बेत रंगतात ते चुलीवरच्या गरमागरम भाकरीचे आणि रानात उगवणाऱ्या रानभाज्यांचे. 

पावसात जंगलात आपसूकच रुजून येणाऱ्या, विविध गुणधर्मांनी युक्त अशा भाज्या, कंद, फळे, फुले या आदिवासींनी शोधून काढल्या आणि जपल्याही. याच भागातून जन्म घेतलेली वारली कला आता जगाच्या कानाकोपऱ्यात स्थिरावली. तारपा, ढोल, गौरी अशी लोकनृत्ये आज महाराष्ट्राची लोकनृत्ये म्हणून लोकांना भावतात. मुंबईपासून फक्त ८० किलोमीटरवर असणारा हा निसर्गसमृद्ध भाग शहरी गोतावळ्यापासून मात्र अगदीच वेगळा राहिला आहे. इथले राहणीमान वेगळे, खानपान वेगळे, भाषा वेगळी, भूषा वेगळी आणि प्रश्नही वेगळे. 

डॉ. एम. एल. ढवळे मेमोरियल ट्रस्ट गेल्या ३२ वर्षांपासून या भागात आरोग्यसेवेचे काम करत आहे. शहरी लोकांना या जीवन संस्कृतीचा अनुभव घेता यावा, आदिवासी लोकजीवन जवळून पाहता यावे आणि संस्थेच्या कामाचा परिचय व्हावा यासाठी ढवळे ट्रस्टच्या वतीने एकदिवसीय रान-उत्सव आयोजित करण्यात आला आहे. सेंद्रिय शेतीची माहिती व प्रात्यक्षिक, वारली कलेचे नमुने, लोकसंगीत, लोकनृत्याची बहार आणि रानभाज्यांची मेजवानी असा भरगच्च फुलोरा या कार्यक्रमाच्या निमित्ताने अनुभवता येणार आहे. 

येत्या १८ ऑगस्ट रोजी, डॉ. एम. एल. ढवळे मेमोरियल ट्रस्ट परिसर, भोपोली, तालुका विक्रमगड जिल्हा पालघर येथे या रान-उत्सवाचे आयोजन करण्यात आले आहे. सहभागासाठी पूर्वनोंदणी आवश्यक असून ८४२२९२८०६२, ७७२००१६३९२, ७७२००१६३९७, ९८३३४३७३४३ या क्रमांकावर संपर्क करण्याचे आवाहन करण्यात आले आहे.


इतर अॅग्रो विशेष
वर्षभर विविध भाज्यांची चक्राकार...अवर्षणग्रस्त असलेल्या सालवडगाव (ता. नेवासा, जि....
संकटांशी सामना करीत टिकवली प्रयोगशीलतादाभाडी (ता.मालेगाव, जि. नाशिक) येथील धनराज निकम...
वाद-प्रतिवादांचा खेळ अन् हतबल शेतकरीनिकृष्ट बियाण्यांमुळे सोयाबीन न उगवल्याच्या...
शेतकऱ्यांनो, एक वर्ष सुटी घ्यायची का?जगभरात जनुकीय सुधारित (जेनिटिकली मॉडिफाइड/जीएम)...
...अन्यथा कृषी सहसंचालकांना अटक करून...औरंगाबाद ः सोयाबीनच्या बोगस बियाणे प्रकरणात...
`गोसेखुर्द'चे भू-संपादन संपेनानागपूर : गोसेखुर्द प्रकल्पाच्या कामाचा...
काटेपूर्णा, पेनटाकळी, खडकपूर्णा ...अकोला ः वऱ्हाडातील तीनही जिल्ह्यांत आत्तापर्यंत...
नगर जिल्ह्यातील धरणांमधील पाणीसाठ्यात...नगर  ः जिल्ह्यात यंदा सुरुवातीपासूनच चांगला...
दुग्धोत्पादकांना लिटरमागे १० ते १२...नगर ः अनेक शेतकऱ्यांसह बेरोजगारीवर मात करण्यासाठी...
धरणांच्या पाणलोटात पावसाचा जोरपुणे : कोकण किनारपट्टीलगतच्या अरबी समुद्रात...
अमेरिकन लष्करी अळीचे मका पिकावर आक्रमणपुणे ः खरिपाची पेरणी होऊन महिना उलटत नाही तोच...
रासायनिक अवशेष काढण्यासाठी 'अर्का...नाशिक ः फळे आणि भाजीपाला पिकांवर रासायनिक...
देशात ९२ लाख हेक्टरवर कापूसमुंबई: देशात कापूस लागवडीने वेग घेतला आहे....
राज्यातील धरणांमध्ये २८ टक्के पाणीसाठापुणे : जून महिन्यात पावसाने सरासरी गाठली, तसेच...
पॉलीहाऊसमध्ये फुलला दर्जेदार पानमळाकोल्हापूर जिल्ह्यातील निमशिरगाव (ता.शिरोळ) येथील...
`बॅलन्स`अभावी शेतकऱ्याला दिलेला चेक...अकोला ः अवेळी पावसामुळे झालेल्या नुकसानाची भरपाई...
‘आपले सरकार’ पारदर्शकच हवेचालू खरीप हंगामासाठी पीकविमा भरण्याची अंतिम मुदत...
शेती म्हणजे रोजगार हमी योजना आहे का?खूप दिवसांनंतर एका कार्यकर्ता मित्राचा फोन आला....
मराठवाड्यात कपाशीची ८० टक्के पेरणीऔरंगाबाद :  सर्वसाधारण क्षेत्राच्या तुलनेत...
सोयाबीन बियाणेप्रकरणी ३० हजार तक्रारी ः...यवतमाळ : सोयाबीन बियाणे उगवणाबाबत मोठ्या प्रमाणात...