Agriculture news in Marathi, Will the camps in the city be closed after eight days? | Agrowon

नगर जिल्ह्यातील छावण्या आठ दिवसानंतर बंद होणार का?

टीम अॅग्रोवन
बुधवार, 24 जुलै 2019

नगर ः दोन दिवसांपूर्वी काही भागांत बऱ्यापैकी पाऊस झालेला असला तरी, सध्या चारा उपलब्ध नाही. चारा तयार व्हायला अजून किमान महिनाभराचा कालावधी लागणार आहे. दरम्यान चारा छावण्याची मुदत १ ऑगस्टला म्हणजे आठ दिवसांत संपणार आहे. त्यानंतर छावण्या सुरू राहणार की बंद होणार याची चिंता शेतकऱ्यांना लागली आहे.   

नगर ः दोन दिवसांपूर्वी काही भागांत बऱ्यापैकी पाऊस झालेला असला तरी, सध्या चारा उपलब्ध नाही. चारा तयार व्हायला अजून किमान महिनाभराचा कालावधी लागणार आहे. दरम्यान चारा छावण्याची मुदत १ ऑगस्टला म्हणजे आठ दिवसांत संपणार आहे. त्यानंतर छावण्या सुरू राहणार की बंद होणार याची चिंता शेतकऱ्यांना लागली आहे.   

नगर जिल्ह्यामधील अनेक भागांत अजूनही फारसा जोरदार पाऊस नाही. आताच्या दोन दिवसांत काही भागांत जोराचा पाऊस पडला. मात्र, पाणी साठवण अथवा पाणीपातळी उंचावण्याला अजून मदत झालेली नाही. त्यामुळे गेल्या आठ महिन्यांपासून सुरू असलेल्या दुष्काळाच्या झळा कायम आहेत. दुष्काळी भागात जनावरे जगवण्यासाठी यंदा फेब्रुवारीपासून जनावरांच्या छावण्या सुरू केल्या. 

पावसाळा सुरू झाल्यानंतर जूनच्या मध्यान्हात काही भागांत पाऊस पडला. त्यामुळे अनेक शेतकऱ्यांनी जनावरे घरी नेल्याने जवळपास साडेतीनशे छावण्या बंद झाल्या. मात्र, त्यानंतर पुन्हा पावसाने दडी मारल्याने जनावरे जगवण्याचा प्रश्न निर्माण झाला. त्यामुळे छावण्या पुन्हा सुरू करण्याची मागणी झाली आणि प्रशासनाला पुन्हा काही भागांत छावण्या सुरू कराव्या लागल्या. सध्या जिल्हाभरात २३६ छावण्या सुरू आहेत. जून अखेरीसच छावण्या बंद होणार होत्या. मात्र, पाऊस नसल्याने छावण्याला एक महिन्याची मुदतवाढ दिली होती. आता गेल्या दोन दिवसांपासून पाऊस पडत आहे. मात्र अजूनही अनेक भागात पाऊस नाही. जेथे पाऊस पडला तेथे चारा व्हायलाही एक महिन्याचा कालावधी लागणार आहेत. जनावरांच्या छावण्याची १ ऑगस्टला मुदत संपणार आहे. मात्र, अजून चारा तयार व्हायला एक महिन्याचा कालावधी लागणार आहे. पूर्वीचा चारा शिल्लक नाही त्यामुळे आठ दिवसांनी छावण्या बंद झाल्या तर जनावरे जगवायची कशी, हा प्रश्न अनेक भागांत कायम आहे. प्रशासनाकडूनही चारा छावण्या सुरू राहणार की बंद होणार याबाबत बोलले जात नाही. छावण्यांना मुदतवाढ देण्याची मागणी सुरूच आहे. 

सुरू असलेल्या छावण्या 
नगर ः ३१, जामखेड ः ३६, पारनेर ः ३१, कर्जत ः ६८, पाथर्डी ः २८, श्रीगोंदा ः २७, शेवगाव ः १२, संगमनेर ः २, 

चार मंडळांत अल्प पाऊस
नगर जिल्ह्यामध्ये ९७ महसूल मंडळांपैकी आत्तापर्यंत चार महसूल मंडळांत अल्प पाऊस झालेला असून, २२ महसूल मंडळांत १०० मिलिमीटरच्या आत, २७ महसूल मंडळांत २०० मिलिमीटरच्या आत, तर ११ महसूल मंडळांत २०० मिलिमीटरपेक्षा जास्त पाऊस झाला आहे. ३०० मिलिमीटरपेक्षा जास्त पाऊस सहा महसूल मंडळांत असून, अकोले महसूल मंडळात ४९९, तर शेंडी महसूल मंडळात तब्बल १२७४ मिलिमीटर पावसाची नोंद झालेली आहे.


इतर ताज्या घडामोडी
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
खानदेशात कमाल तापमानात ९ अश सेल्सिअसने...जळगाव  : भर दुपारीही अंगात हुडहुडी भरविणारी...
फ्लॉवर रोपांना कंदच आले नाही;...नाशिक : ‘‘नाशिक शहराजवळील विविध गावांमध्ये...
'जलयुक्त शिवार' सामूहिक चळवळीतून...जळगाव : ‘महाराष्ट्र शासनाने सुरू केलेली...
वाशीममध्ये मूग, उडीद नुकसानग्रस्तांना...वाशीम  ः जिल्ह्यात या खरीप हंगामात नुकसान...
औरंगाबाद, जालना जिल्ह्यांत केंद्रांवरील...औरंगाबाद : बाजारात हमी दरापेक्षा कमी दराने तुरीची...
ग्रामीण भागात आरोग्यसेवा द्या : भगतसिंह...नाशिक : महाराष्ट्र आरोग्य विज्ञान...
रत्नागिरी दूध संघाकडून १ कोटी २० लाख...रत्नागिरी : जिल्ह्यातील दूध उत्पादक शेतकऱ्यांसाठी...
नांदेड, परभणी जिल्ह्यांतील चाळीस...नांदेड : महात्मा जोतिराव फुले शेतकरी कर्जमुक्ती...
सांगली, कोल्हापूरसाठी विशेष पॅकेज : डॉ...सांगली : ‘‘महापूराने सांगली, कोल्हापूर जिल्ह्याचे...
वीज दरवाढीबाबत चार फेब्रुवारीला हरकती...मसूर, जि. सातारा ः महावितरणचा २०.४ टक्के वीज...
नियमित कर्ज फेडणाऱ्या शेतकऱ्यांचीही...मेढा, जि. सातारा : नियमित कर्जफेड करणाऱ्या...
कुलगुरू डॉ. विलास भाले यांना हरितरत्न...अकोला  ः नवी दिल्ली येथील अखिल भारतीय कृषी...
अकोले तालुका गैरव्यवहार प्रकरणी तीन...नगर ः अकोले तालुक्‍यातील पाच ग्रामपंचायती व...
मोहोळ येथे शेतकऱ्यांनी बॅंक...मोहोळ, जि. सोलापूर : अतिवृष्टीमुळे मोहोळ तालुक्‍...
बॅंकांनी रोखली गटशेतीची वाट :...नागपूर  ः गटशेती योजनेचे अनुदान ६०...
हवामान बदल सहनशील वाण संशोधनाला मिळणार...परभणी: बदलत्‍या हवामानात शाश्‍वत उत्‍पादन...
ग्रामपंचायतींमध्ये राष्ट्रीयदिनी...मुंबई ः राज्यातील सर्व ग्रामपंचायती, पंचायत...
अल्पसंख्यांक समाजामुळे सत्ता परिवर्तन ः...मुंबई : महाराष्ट्रात झालेल्या निवडणुकीत मुस्लिम...
शंकरराव चव्हाण यांच्या...नांदेड ः नांदेडचे नगराध्यक्ष ते...