Agriculture news in marathi Will the issue of 'FRP' simmer in Satara district? | Agrowon

सातारा जिल्ह्यात ‘एफआरपी’चा प्रश्‍न चिघळणार?

टीम अॅग्रोवन
गुरुवार, 26 नोव्हेंबर 2020

स्वाभिमानी शेतकरी संघटनेचे अध्यक्ष राजू शेट्टी एकरकमी एफआरपीसाठी आग्रही असून, त्यांनी आंदोलन करित कऱ्हाड ही आंदोलनाची रणभूमी करण्याचा इशारा दिला आहे. मात्र साखर कारखान्यांपुढेही आर्थिक पेच आहे.

कऱ्हाड  : साखर कारखान्यांत ऊस गाळप केल्यानंतर १४ दिवसांत ‘एफआरपी’ देणे कायद्याने बंधनकारक आहे. स्वाभिमानी शेतकरी संघटनेचे अध्यक्ष राजू शेट्टी एकरकमी एफआरपीसाठी आग्रही असून, त्यांनी आंदोलन करित कऱ्हाड ही आंदोलनाची रणभूमी करण्याचा इशारा दिला आहे. मात्र साखर कारखान्यांपुढेही आर्थिक पेच आहे. साखर कारखान्यांकडे तीन वर्षांपासून मोठ्या प्रमाणात साखर शिल्लक आहे. साखर निर्यात बंदी असल्याने साखरेला उठाव नाही. परिणामी साखर कारखांन्यापुढे साखरेचा दर आणि शेतकऱ्यांना द्यावी लागणारी एफआरपी याचा ताळमेळ घालने कठीन बनले आहे. 

सहकारी साखर कारखानदारी गेल्या पाच ते सहा वर्षांपासून आर्थिक अडचणीत आली आहे. त्यामुळे सद्यस्थितीत प्रतिकूल परस्थितीतून राज्यातील सहकारी साखर उद्योग जात आहे. सहकारी तत्वावर असलेल्या साखर कारखान्यावर शासनाचे नियंत्रण असल्याने हे सहकारी साखर कारखान्यांना शंभर टक्के शासनाच्या नियमाचे पालन करून १४ दिवसांत एफआरपी देणे बंधनकारक आहे.

गेल्या तीन वर्षांपासून साखरेला अपेक्षीत उठाव नाही. त्यातच शासनाकडून निर्यातबंदी केली जात आहे. त्यामुळेही साखर परदेशात जात नाही. परिणामी साखर शिल्लक राहण्याचे प्रमाणही वाढत आले. सध्या सहकारी साखर कारखान्यांकडे तीन वर्षांपासूनची साखर शिल्लक आहे. त्यातच मध्यंतरी कोरोनामुळे करण्यात आलेल्या लॉकडाऊनमुळे उद्योगधंदे बंद राहिले. त्याचा मोठा फटका साखर कारखान्यांनाही बसला.

बाजारपेठेत साखरेचे दर ३ हजार १०० ते ३ हजार २००च्या दरम्यान आहेत. त्यातच शेतकऱ्यांचा उत्पादन खर्च वाढत असल्याने एफआरपीची रक्कमही वाढली आहे. त्यामुळे यंदा साखर कारखान्यांना उताऱ्यानुसार २ हजार ८०० ते २ हजार ९०० रुपये एफआरपी द्यावी लागणार आहे. त्यामुळे साखर कारखान्यापुढे याचा ताळमेळ घालण्याचा पेच निर्माण झाला आहे. 

जी खासदार शेट्टी यांनी सातारा येथे आंदोलन करित सातारा जिल्ह्यातील साखर कारखान्यांनी एकरकमी एफआरपी न दिल्यास हातात उसाचे दांडके घेऊन कऱ्हाड ही आंदोलनाची रणभूमी असेल असा इशारा दिला आहे.
  
शेतकऱ्यांचे डोळे निर्णयाकडे 
सातारा जिल्ह्यातील अपवाद वगळता अन्य साखर कारखान्यांनी एकरकमी एफआरपी जारी केलेली नाही. त्यामुळे राजू शेट्टी यांनी आंदोलनाचा पवित्रा घेतला. त्याची दखल घेऊन जिल्हाधिकारी यांनी पाच डिसेंबरला बैठकीचे आयोजन केले आहे. त्यामध्ये काय तोडगा निघणार याकडे सातारा जिल्ह्यातील शेतकऱ्यांचे डोळे लागले आहेत.


इतर बातम्या
कृषी कायद्यांना एकसंध विरोध; मुंबईत...मुंबई : दिल्लीतील शेतकरी आंदोलनाला पाठिंबा,...
नगरमध्ये पन्नास हजार क्विंटल मका खरेदी...नगर ः शासनाने बंद केलेली मका खरेदी सुरू केली. नगर...
सांगली बाजार समितीत नव्या हळदीचे सौदेसांगली ः सांगली कृषी उत्पन्न बाजार समितीमध्ये...
पुणे विभागात गहू क्षेत्रात ३६ हजार...पुणे ः गहू पेरणीस पोषक हवामान उशिराने तयार झाले....
संघटित कुक्कुटपालनातून ‘बर्ड फ्लू’चा...नाशिक : विभागात संघटित व शास्त्रीय पद्धतीने...
अण्णांच्या शेतकरी आंदोलनाला चार...नगर ः पीपल्स हेल्पलाइन, भारतीय जनसंसद व ‘मेरे देश...
महाराष्ट्राच्या चित्ररथावर संत...राळेगणसिद्धी, जि. नगर : प्रजासत्ताकदिनी (ता. २६)...
मराठवाड्यातील उपयुक्‍त पाण्यात दोन...औरंगाबाद : मराठवाड्यातील एकूण प्रकल्पांमधील...
जालना जिल्ह्यातील दोन केंद्रांत अडीच...जालना : येथील कृषी उत्पन्न बाजारसमिती व उपबाजार...
पाणीपुरवठ्यापासून एकही गाव वंचित...परभणी ः  ‘‘‘हर घर नल से जल’ योजनेअंतर्गत...
लिंबूवर्गीय फळांच्या आयातीवरील बंधने...२०२१ च्या सुरवातीस ब्रिटनने युरोपीय संघाच्या एकल...
पीकविमा सरसकट द्या; ‘प्रहार जनशक्ती’ची...नांदेड : पीकविमा मंजूर व्हावा म्हणून यापूर्वी...
मनमाडमध्ये शेतकऱ्यांच्या ट्रॅक्टर...नाशिक : मनमाड येथे किसान सभेच्या वतीने ...
नगर जिल्हा बँकेची निवडणूक महाविकास...नगर :  नगर जिल्हा मध्यवर्ती सहकार बॅंकेची...
समन्यायी पाणी वाटप आव्हानात्मक विषय : ...नांदेड : समन्यायी पाणी वाटप हा दिवसेंदिवस अत्यंत...
`मका खरेदीची प्रक्रिया शुक्रवारपर्यंत...नाशिक: ‘‘मका खरेदीसाठी शासनाने ३२ जानेवारी पर्यंत...
तीन हजार महिलांना देणार रोजगार : विजय...चंद्रपूर : ‘जिच्या हाती पाळण्याची दोरी, ती जगाला...
पत्र्या ठोकण्याची वेळ आणू नका : राजू...सांगली : केंद्र सरकार कृषी कायदे शेतकऱ्यांवर...
मका खरेदीचे कमी उद्दिष्ट, शेतकऱ्यांसमोर...बुलडाणा : मका खरेदीसाठी शासनाने नवे उद्दिष्ट देऊन...
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...