agriculture news in marathi, Will raise voice against Uyuni pollution: MP Naik Nimbalkar | Page 2 ||| Agrowon

उजनीतील प्रदूषणाविरुद्ध आवाज उठविणार : खासदार नाईक-निंबाळकर

टीम अॅग्रोवन
गुरुवार, 13 जून 2019

दुष्काळी परिस्थितीमुळे अनेक ठिकाणी केळीच्या बागा जळाल्या आहेत. परिणामी, बागायतदारांचे मोठे आर्थिक नुकसान झाले. त्यामुळे केळी बागायतदारांना दुष्काळ निधीतून मदत करावी, यासाठी मदत व पुनर्वसनमंत्री चंद्रकांत पाटील यांना भेटून मदत मिळवून देणार आहे. 
- रणजितसिंह नाईक-निंबाळकर, खासदार

टेंभुर्णी, जि. सोलापूर : माढा विधानसभा मतदारसंघातील रस्ते, वीज, पाणी, रेल्वेचा प्रश्‍न सोडविण्यासाठी प्राधान्याने लक्ष देणार आहे. पुणे जिल्ह्यातून मुळा- मुठा नदीद्वारे मलमूत्राचे पाणी उजनी धरणामध्ये येते. पुढे ते देशाचे श्रद्धास्थान असलेल्या पंढरपूरला जाते. काळ्या दुर्गंधीयुक्त मलमूत्राचे पाणी भाविकांना पिण्यासाठी व अंघोळीसाठी वापरावे लागते. त्यामुळे उजनी धरणामध्ये येणारे प्रदूषित पाणी रोखण्यासाठी संसदेत आवाज उठविणार आहे, अशी माहिती माढ्याचे खासदार रणजितसिंह नाईक-निंबाळकर यांनी दिली. 

खासदार नाईक-निंबाळकर हे निवडणूक निकालानंतर प्रथमच टेंभुर्णी येथे आले. या वेळी त्यांनी माढा तालुक्‍यातील लोकांच्या समस्या जाणून घेण्यासाठी कार्यकर्त्यांचा मेळावा आयोजित केला होता. त्यानंतर त्यांनी पत्रकार परिषदेद्वारे ही माहिती दिली. भाजपचे तालुकाध्यक्ष संजय कोकाटे, माजी समाजकल्याण सभापती शिवाजी कांबळे, ज्येष्ठ नेते ॲड. कृष्णात बोबडे, दादासाहेब साठे, राज्य कृषिमूल्य आयोगाचे सदस्य प्रा. सुहास पाटील आदी उपस्थित होते. 

नाईक-निंबाळकर म्हणाले, ‘‘मतदारसंघातील लोकांना भेटून अडीअडचणी जाणून घेतल्या. आतापर्यंतचे दुर्लक्षित प्रश्‍न सोडविणार आहे. रस्ते वीज, सीना माढा उपसा सिंचन योजनेची अपूर्ण कामे पूर्ण करून माढा तालुक्‍यातील योजनेच्या कार्यक्षेत्रातील सर्व भागाला सारखे पाणी मिळाले पाहिजे. यासाठी जलसंपदा अधिकाऱ्यांसमवेत बैठक घेण्यात येईल. कृष्णा-भीमा स्थिरीकरणासाठी शासनाकडे आग्रही आहे. स्थिरीकरण योजनेतून उजनी धरणामध्ये पाणी आल्यानंतरच मराठवाड्याला पाणी देण्यात येईल. शासनाच्या विविध योजनांमधून जास्तीत जास्त निधी कसा आणता  येईल याकडे लक्ष देणार आहे.’’


इतर बातम्या
नगर जिल्ह्यात अतिवृष्टीचा चार हजार...नगर ः यंदा पावसाळ्याच्या सुरुवातीपासून चांगला...
कोकण कृषी विद्यापीठात बांबू कार्यशाळेचे...दापोली, जि. रत्नागिरी : जगभरात दरवर्षी १८...
अकोला जिल्ह्यातील सहा खत विक्रेत्यांचे...अकोला ः या हंगामात खत विक्रीत मोठ्या प्रमाणात...
सदोष बियाणेमुळे भेंडी बीजोत्पादक अडचणीतबुलडाणा ः लोणार तालुक्यातील शेतकऱ्यांनी या...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
भातपीक कापणीत पावसाचा अडसररत्नागिरी : गेल्या काही दिवसांपासून सातत्याने...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
ठाण्यातील १४ हजार हेक्टर पिकांचा काढला...मुंबई : ठाणे जिल्हा कृषी विभागाने यंदा पंतप्रधान...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
सोयाबीन उत्पादकांना भरपाईसाठी पाठपुरावा...अमरावती : सुरुवातीला उगवणविषयक समस्यांचा सामना...
बार्शी तालुक्यात सहा स्वस्त धान्य...सोलापूर : बार्शी तालुक्यातील सहा स्वस्त...
सोलापूर जिल्ह्यात पिकांच्या...सोलापूर : जिल्ह्यात गेल्या दोन दिवसांपासून सलग...
परभणी, हिंगोलीत सोयाबीन, तुर, कपाशीचे...परभणी : परभणी, हिंगोली जिल्ह्यातील मंडळांत...
परभणी जिल्ह्यात पावसाचा सोयाबीन पिकाला...परभणी : जिल्ह्यात दीर्घ खंडानंतर पावसाचे आगमन...
विष्णुपुरी प्रकल्पाचे सहा दरवाजे उघडलेनांदेड : गोदावरी नदीवरील विष्णुपुरी...
खानदेशात नुकसानीबाबत सोयाबीनचेही...जळगाव ः मूग, उडीद नुकसानीसंबंधी गेल्या...
जळगाव जिल्ह्यात बाजार समित्यांकडून...जळगाव ः जिल्ह्यात काही बाजार समित्यांचा...
परजिल्ह्यातील कारखान्यांची खानदेशातील...जळगाव ः खानदेशात उसाचे क्षेत्र यंदा...
पंजाब, हरियानात शेतकऱ्यांची आंदोलने नवी दिल्ली : केंद्र सरकारने आणलेल्या कृषिविषयक...
चक्रीवादळाची शेतकऱ्यांना नुकसान भरपाई...सिंधुदुर्ग ः निसर्ग चक्रीवादळातील नुकसानीकरिता...