वाशीम : राष्ट्रीय कृषी व ग्रामीण विकास बँक (नाबार्ड) द्वारा जिल्ह्यातील महिला बचत गटांचे डिजिटलायझेशन करण्यासाठी ‘ई-शक्ती’ कार्यक्रम महिला आर्थिक विकास महामंडळाद्वारे राबविण्यात येत आहे. या अंतर्गत जिल्ह्यातील दोन हजार बचत गटांच्या डिजिटलायझेशन प्रक्रियेला सुरुवात झाली आहे. ई-शक्ती कार्यक्रमाच्या माध्यमातून डिजिटलायझेशन करण्यासाठी बचत गटांच्या ६० ॲनिमेटर यांना मंगळवारी (ता. १८) स्मार्टफोनचे वाटप करण्यात आले.
बचत गटांचे डिजिटलायझेशन करण्यासाठी ई-शक्ती कार्यक्रमाच्या माध्यमातून नाबार्ड प्रयत्न करीत आहे. बचत गटांचे सर्व व्यवहार ऑनलाईन व अपडेट करण्यासाठी महिला आर्थिक विकास महामंडळाच्या वाशीम जिल्हा कार्यालयात ॲनिमेटर यांचे प्रशिक्षण घेण्यात आले. यावेळी ‘नाबार्ड’चे सहायक महाप्रबंधक विजय खंडरे व ‘माविम’चे जिल्हा समन्वय अधिकारी राजेश नागपुरे यांच्या हस्ते ६० ॲनिमेटर यांना स्मार्टफोनचे वाटप करण्यात आले. जिल्ह्यात सुरुवातीला ६ तालुक्यांतील दोन हजार बचत गटांचे डिजिटलायझेशन ‘ई-शक्ती’ कार्यक्रमाद्वारे करण्यात येणार आहे.
या उपक्रमामुळे बचत गटांचे व्यवहार पारदर्शी होऊन प्रत्येक सदस्याला एसएमएसद्वारे गटाच्या आर्थिक व्यवहाराची अद्ययावत माहिती उपलब्ध होणार आहे. तसेच बचत गटांना बँकेकडून कर्ज सुविधा मिळण्यास सोयीस्कर होणार आहे, अशी श्री. खंडरे यांनी या वेळी दिली.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.