जगाला प्रतीक्षा कोरोनावरील लसीची

वॉशिंग्टन : कोविड-१९च्या विषाणूचा वाढता संसर्ग रोखण्यासाठी त्यावर लस शोधण्याचे प्रयत्न संपूर्ण जगभरात सुरू असले तरी चीन आणि अमेरिकेने त्यात आघाडी घेतल्याचे चित्र आहे. या दोन देशांमध्ये कोरोनाच्या विरोधातील तीन वेगवेगळ्या लसी तयार करण्यात आल्या असून, त्यांच्या चाचण्यांचा प्राथमिक टप्पा सध्या सुरू आहे. या देशांतील तीन वेगवेगळ्या कंपन्या सध्या कोरोनाविरोधातील लस निर्मितीच्या प्रक्रियेत आघाडीवर आहेत. कॅनसायनो बायोलॉजिक्स चीनमधील कॅनसिनो बायोलॉजिक्सने तयार केलेल्या लसीच्या चाचण्यांचा सध्या दुसरा टप्पा सुरू असल्याची माहिती चीनच्या विज्ञान आणि तंत्रज्ञान मंत्रालयाकडून मंगळवारी देण्यात आली. लसींच्या पुढील टप्प्यातील चाचण्या ५०० जणांवर घेण्यात येणार आहेत. आत्तापर्यंत २७३ स्वयंसेवकांना ही लस देण्यात आलेली आहे. एनआयएच आणि मॉडेर्ना अमेरिकेतील नॅशनल इंस्टिट्यूट ऑफ हेल्थ (एचआयएच) आणि मॉडेर्ना इनकार्पोरेशन या संस्थेनेही कोरोनाच्या विरोधातील लसीच्या निर्मितीमध्ये आघाडी घेतली आहे. या संस्थेने तयार केलेल्या लसीच्या सध्या चाचण्या सुरू आहेत. सिएटल येथील रुग्णालयात मागील महिन्यात ही लस ज्या व्यक्तीला प्रायोगिक तत्त्वावर देण्यात आली होती त्या व्यक्तीला मंगळवारी या लसीचा दुसरा डोस देण्यात आला.एनआयएचच्या साथरोग विभागाचे प्रमुख डॉ. अॅन्थनी फाउसी यांनी सांगितले की, संस्थेने तयार केलेल्या लसीचे चाचणीच्या पहिल्या टप्प्यात आत्तापर्यंत तरी कुठलेही नकारात्मक परिणाम दिसून आलेले नाही. या लसीच्या चाचण्यांचा पुढचा टप्पा जूनमध्ये सुरू होण्याची शक्यता असून, त्या चाचण्यांचे स्वरूप मोठे असते.  इनोव्हो फार्मास्युटीकल्स या संस्थेने तयार केलेल्या कोरोनाविरोधातील लशीच्या पहिल्या टप्प्यातील चाचण्या सध्या सुरू आहेत. मागील आठवड्यात अमेरिकेत मागील आठवड्यात त्याला सुरवात झाली आहे. दरम्यान, ही कंपनी आपल्या लसीवर चीनमध्येही चाचण्या करण्याच्या तयारीत आहे. अशी होते चाचणी