यावल, रावेरमध्ये मका पिकावर लष्करी अळी

जळगाव : यावल तालुक्यातील किनगाव, डांभुर्णी, चिंचोली परिसरात मका पिंकावर लष्करी अळीचा मोठा प्रार्दुभाव दिसून येत आहे.
in Yawal, Raver american fall army warm on the Maize crop
in Yawal, Raver american fall army warm on the Maize crop

जळगाव : यावल तालुक्यातील किनगाव, डांभुर्णी, चिंचोली परिसरात मका पिंकावर लष्करी अळीचा मोठा प्रार्दुभाव दिसून येत आहे. कृषी विभाग मात्र याबाबत अनभिज्ञ आहे. शेतकऱ्यांमध्ये उपाययोजना काय करायच्या, याबाबत संभ्रम आहे. अशा परिस्थितीत कृषी सहायकाकडून मार्गदर्शनाची गरज असल्याचे शेतकऱ्यांचे म्हणणे आहे. 

रावेरमध्येही अनेक भागात ही अळी दिसून आली आहे. चिंचोली परिसरात आधीच कोरोनाच्या आजाराने शेतकरी हैराण आहेत. कोणत्याही शेतीमालाला समाधानकारक भाव नाही. मजूर मिळत नाहीत. मका, ज्वारीची मोठी लागवड व पेरणी  करण्यात आली आहे. पंरतु, मका पिकावर मोठ्या प्रमाणावर लष्करी अळीचा प्रार्दुभाव दिसत आहे.

अळी पिके फस्त करीत आहे. पोंग्यातील पाने कुरतडत आहे. पिकाची वाढ खुंटली आहे. किडनाशके महाग आहेत. कोणती किडनाशके फवारायची, याबाबत शेतकऱ्यांना माहिती मिळत नाही. शेतीशाळा घेणे बंधनकारक आहे. परंतु, मार्गदर्शन झालेले नाही.

चाऱ्यासाठी अनेकांकडून मका पिकाची लागवड करण्यात आली आहे. परंतु, अशीच स्थिती राहिली, तर चाराही मिळणार नाही. उत्पादन हाती येणार नाही. शेतकरी कर्जबाजारी होतील. यामुळे यासंदर्भात सर्वेक्षणही तातडीने हाती घेण्याची गरज आहे.  

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com