Agriculture news in marathi, Year-round water problem in drought belt in Sangli district released | Agrowon

सांगली जिल्ह्यातील दुष्काळी पट्ट्यातील वर्षभराचा पाणीप्रश्‍न सुटला
टीम अॅग्रोवन
रविवार, 10 नोव्हेंबर 2019

सांगली : जिल्ह्यात मॉन्सूनोत्तर पाऊस दमदार झाला. यामुळे जिल्ह्यातील १०० हेक्टरपर्यंत सिंचन क्षमता असलेल्या तलावात चांगला पाणीसाठा झाला आहे.  यामुळे जिल्ह्यासह दुष्काळी पट्ट्यातील पाणीप्रश्‍न वर्षभर सुटला असल्याची चर्चा शेतकऱ्यांमध्ये सुरू आहे. 

सांगली : जिल्ह्यात मॉन्सूनोत्तर पाऊस दमदार झाला. यामुळे जिल्ह्यातील १०० हेक्टरपर्यंत सिंचन क्षमता असलेल्या तलावात चांगला पाणीसाठा झाला आहे.  यामुळे जिल्ह्यासह दुष्काळी पट्ट्यातील पाणीप्रश्‍न वर्षभर सुटला असल्याची चर्चा शेतकऱ्यांमध्ये सुरू आहे. 

जिल्ह्यात शंभर हेक्‍टरपर्यंत सिंचनक्षमता असणारे ६०८ प्रकल्प आहेत. त्याची पाणी साठवणक्षमता ४९१२१ घनमीटर आहे. ६०८ तलावांत ४४८५० घनमीटर इतका पाणीसाठा झाला. जिल्ह्यात पावसाला उशिरा सुरवात झाली. ऑगस्ट महिन्यात महापूर आला. त्यानंतर पावसाने हजेरी लावली. परंतु दुष्काळी पट्ट्यात हा पाऊस झालाच नाही. त्यामुळे पाणीटंचाई तीव्र होण्याची शक्यता होती. मात्र गेल्या २० ते २५ दिवसांपूर्वी मॉन्सूनोत्तर पावसाने दमदार हजेरी लावली. त्यामुळे बळिराजा सुखावला. 

विहिरी, ओढे तुडुंब भरले. असा पाऊस गेली अनेक वर्षे दुष्काळी पट्ट्यात झालाच नाही. वास्तविक पाहता दोन तपांनंतर प्रथम मोठ्या प्रमाणात पाणीसाठा झाला असल्याचे शेतकऱ्यांनी सांगितले. जिल्ह्यात शंभर हेक्टरपर्यंत सिंचनक्षमता असेलेले मध्यम प्रकल्प शंभर आहेत. ताकारी, म्हैसाळ, टेंभू आणि आरफळ या योजनांतून या तलावात पाणी सोडण्यात आले होते. मात्र समाधानकारक पाऊस नसल्याने दुष्काळी पट्ट्यातील तलावात पाणीसाठा झाला नाही. 

वाळवा आणि शिराळा तालुक्यांतील तलाव शंभर टक्के भरले आहेत. आटपाडी, जत, कवठेमहांकाळ, खानापूर आणि तासगाव या तालुक्यांत मॉन्सूनोत्तर मुसळधार पाऊस झाला. यामुळे भूर्गभातील पाणीपातळी वाढली आहे. विशेष म्हणजे जिल्ह्यातील सर्वच तलाव भरले आहेत. जत आणि आटपाडी या कायम दुष्काळी तालुक्यातील तलावांची संख्या अधिक आहे. सर्वाधिक तलाव जत तालुक्यात आहेत. येथील १३१ तलावांत ६५ टक्के पाणी आहे. आटपाडी तालुक्यातील १३० तलावांत ८५ टक्के पाणी आहे. यामुळे दुष्काळी पट्ट्यातील शेतीच्या आणि पिण्याच्या पाण्याचा प्रश्‍न मार्गी लागला आहे.

इतर ताज्या घडामोडी
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
जळगावात भरताची वांगी १५०० ते २६०० रुपये...जळगाव : कृषी उत्पन्न बाजार समितीत बुधवारी (...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...