agriculture news in Marathi,127 percent above normal rain in October , Maharashtra | Agrowon

ऑक्टोबरमध्ये सरासरीपेक्षा १२७ टक्के अधिक पाऊस

टीम अॅग्रोवन
सोमवार, 4 नोव्हेंबर 2019

पुणे : नैॡत्य मोसमी वाऱ्यांच्या (मॉन्सून) हंगामात राज्यात यंदा दमदार पावसाची नोंद झाली. अखेरच्या टप्प्यात मॉन्सूनने आणि परतल्यानंतर मॉन्सूनोत्तर पावसाने राज्याला चांगलाच दणका दिला आहे. ऑक्टोबर महिन्यात राज्यात १६१.६ मिलिमीटर म्हणजेच सरासरीपेक्षा १२७ टक्के अधिक पावसाची नोंद झाली आहे. वादळी वारे, मेघगर्जना, विजांसह कमी कालावधीत पडणारा अधिक पाऊस हे ऑक्टोबर महिन्याच्या पावसाचे वैशिष्ट्य ठरले आहे.

पुणे : नैॡत्य मोसमी वाऱ्यांच्या (मॉन्सून) हंगामात राज्यात यंदा दमदार पावसाची नोंद झाली. अखेरच्या टप्प्यात मॉन्सूनने आणि परतल्यानंतर मॉन्सूनोत्तर पावसाने राज्याला चांगलाच दणका दिला आहे. ऑक्टोबर महिन्यात राज्यात १६१.६ मिलिमीटर म्हणजेच सरासरीपेक्षा १२७ टक्के अधिक पावसाची नोंद झाली आहे. वादळी वारे, मेघगर्जना, विजांसह कमी कालावधीत पडणारा अधिक पाऊस हे ऑक्टोबर महिन्याच्या पावसाचे वैशिष्ट्य ठरले आहे.

यंदा मॉन्सून हंगाम विविध वैशिष्ट्यांनी गाजला. केरळात आठवडाभर आगमन लांबले. महाराष्ट्रात १९७२ नंतर सर्वांत उशिराने २० जून रोजी मॉन्सून दाखल झाला. तर चार दिवस उशिराने १९ जुलै रोजी मॉन्सूनने देश व्यापला. जून ते सप्टेंबर या चार महिन्यांत राज्यात १३२८.५ मिलिमीटर म्हणजेच सरासरीपेक्षा तब्बल ३२ टक्के अधिक पाऊस झाला. आगमनाप्रमाणेच मॉन्सूनचा परतीचा प्रवास आत्तापर्यंतच्या सर्वांत उशिराने ९ ऑक्टोबर रोजी सुरू झाला. त्यानंतर अवघ्या आठ दिवसांत परतीच्या मॉन्सूनने देशाचा निरोप घेतला. मॉन्सून परतल्यानंतरही मॉन्सूनोत्तर पावसाने राज्यभर दाणादाण उडवून दिली.

दुष्काळाने होरपळणाऱ्या मराठवाड्यात तर पावसाने अक्षरशः थैमान घातले. कोकण, मध्य महाराष्ट्रालाही पावसाने धुऊन काढले. पावसाचे प्रमाण प्रचंड असलेल्याने दुष्काळी भागातील नद्या वाहत्या झाल्या. या कोरडवाहू भागातील अनेक नद्यांना कित्येक वर्षांना मोठे पूर आले. पुराचे पाणी शेतात, गावात शिरून नुकसान झाले. पावसाळा संपल्यानंतर मराठवाड्यातील धरणे, तलाव, बंधारे ओसंडून वाहिले. पश्चिम विदर्भाच्या काही भागात कोसळणार पावसाने पूर्व विदर्भात मात्र उसंत घेतली. विदर्भात सरासरीपेक्षा कमी पाऊस पडला. मुसळधार पावसाने सर्वत्र पाणीच पाणी झाल्याने खरिपाची काढणीस आलेली पिके, फळबागा, भाजीपाला, फुल पिकांचे नुकसान झाले.

मराठवाड्यात २१७ टक्के अधिक पाऊस
ऑक्टोबर महिन्यातील पावसाच्या प्रमाणाचा विचार करता राज्यात साधारणतः ७१.१ मिलिमीटर पाऊस पडतो. मात्र यंदा १ ते ३१ ऑक्टोबर या कालावधीत राज्यात तब्बल १६१.६ मिलिमीटर (१२७ टक्के अधिक) पाऊस झाला. यात मराठवाड्यात सर्वाधिक सरासरीपेक्षा २१७ टक्के अधिक, मध्य महाराष्ट्रात १७६ टक्के अधिक तर कोकणात १३१ टक्के अधिक पाऊस पडला आहे. तर विदर्भात मात्र सरासरीपेक्षा कमी उणे नऊ टक्के (-९) टक्के पाऊस पडल्याचे हवामान विभागातर्फे सांगण्यात आले.

जालन्यात सर्वाधिक, वर्ध्यात सर्वांत कमी 
ऑक्टोबर महिन्यात दुष्काळी भागातच मुसळधार पाऊस पडला आहे. यातच ‘क्यार’ चक्रीवादळाच्या तडाख्यामुळे सिंधुदुर्ग जिल्ह्यात सर्वाधिक ४५६.३ मिलिमीटर पाऊस झाला आहे. ऑक्टोबरच्या सरासरीच्या तुलनेत हे प्रमाण २३६ टक्क्यांनी अधिक आहे. तर टक्केवारीचा विचार करता मराठवाड्यातील जालना जिल्ह्यात सर्वाधिक ३२३ टक्के पाऊस झाला आहे. औरंगाबाद जिल्ह्यात सरासरीपेक्षा २२३ टक्के अधिक, बीडमध्ये २९४ टक्के, तर परभणीमध्ये २२० टक्के अधिक पाऊस झाला आहे. मध्य महाराष्ट्रातील नगरमध्ये २५८ टक्के अधिक, तर धुळे जिल्ह्यात २३७ टक्के अधिक पाऊस पडला. विदर्भात मात्र पावसाचे प्रमाण कमी होते. वर्धा जिल्ह्यात सरासरीपेक्षा ६० टक्के कमी पाऊस, यवतमाळ जिल्ह्यामध्ये ५१, भंडारा ४९, गोंदिया ३०, अमरावती २६, नागपूर जिल्ह्यात सरासरीपेक्षा २१ कमी, तर नंदुरबार जिल्ह्यातही सरासरीपेक्षा २५  कमी पडला आहे. 

क्यार, महा चक्रीवादळाचा प्रभाव
मॉन्सून परतल्यानंतर कोकण, मध्य महाराष्ट्र, मराठवाड्यात पावसाचा जोर अधिकच वाढला. अरबी समुद्रावरून येणारे बाष्पयुक्त वारे आणि पूर्वेकडून बंगालच्या उपसागरावरून येणारे वारे यांचा महाराष्ट्र आणि मराठवाड्याच्या भागावर संगम होऊन पावसाला या भागात पावसाला दणक्यात सुरवात झाली. त्यानंतर अरबी समुद्रात ‘क्यार’ अतितीव्र चक्रीवादळ निर्माण झाले. या वादळाने कोकण, मध्य महाराष्ट्राच्या दक्षिण भागात तडाखा दिला. हे वादळ ओमानकडे जातात. पावसाने प्रमाण कमी होऊन उन्हाचा चटका वाढला. सकाळपासून असलेल्या उन्हामुळे स्थानिक वातावरणात बदल होऊन वादळी वारे, मेघगर्जना, विजांसह पाऊस सुर झाला. तर महिन्याच्या अखेरीस ‘महा’चक्रीवादळाची निर्मिती झाली आहे. हे वादळ किनाऱ्याकडे येण्याचे संकेत असल्याने आठवडाभर पाऊस सुरू राहण्याची शक्यता आहे. 

हवामान विभागनिहाय पडलेला पाऊस (स्रोत - हवामान विभाग)

विभाग सरासरी पाऊस पडलेला पाऊस  तफावत (टक्क्यांत)
कोकण  ११०.५   २५५.४  १३१
मध्य महाराष्ट्र  ७३.३  २०२.३ १७६
मराठवाडा  ७१.७  २२७.४   २१७
विदर्भ    ५७.६   ५२.५ (-९)
महाराष्ट्र  ७१.१ १६१.६ १२७

ऑक्टोबर महिन्यात राज्यांतील जिल्हानिहाय पावसाची स्थिती
(स्रोत - हवामान विभाग)

जिल्हा  सरासरी पाऊस पडलेला पाऊस   तफावत (टक्क्यांत)
पालघर ६१.७ ७८.३  २७
रायगड १०६.९ १९९.०   ८६
रत्नागिरी १३१.० २२१.२    ६९
सिंधुदुर्ग  १३६.०   ४५६.३  २३६
ठाणे ७१.६   १३५.१  ८९
नगर  ६८.४ २४४.७   २५८
धुळे ३५.९ १२०.९  २३७
जळगाव   ४३.२   १४३.०   १३१
कोल्हापूर ११३.७ २८७.५     १५३
नंदुरबार   ३१.६  २३.७   (-२५)
नाशिक    ५९.४     १२८.२  ११६
पुणे   ७८.४ २०८.६ १६६
सांगली १०६.२  २६२.०   १४७
सातारा  ९३.४   २४३.०  १६०
सोलापूर ९२.९ २७४.७  १९६
औरंगाबाद  ५५.८  १८०.१    २२३
बीड   ७२.८ २८६.६   २९४
हिंगोली ६४.३   १४६.०  १२७
जालना   ६०.१ २५४.५  ३२३
लातूर  ८५.६  २२५.४  १६३
नांदेड   ७६.९  २०८.७ १७१
उस्मानाबाद    ८२.४   २४१.४  १९३
परभणी ७७.६  २४८.४   २२०
अकोला   ५३.९  ६५.७ २२
अमरावती  ५०.८  ३७.६  (-२६)
भंडारा ५५.३ २८.१  (-४९)
बुलडाणा ५७.१    ८०.१     ४०
चंद्रपूर ५९.९  ६४.४  
गडचिरोली ६७.०   ७०.२  ५
गोंदिया ४८.१  ३३.८    (-३०)
नागपूर     ५३.६   ४२.१  (-२१)
वर्धा   ५२.९  २१.२    (-६०)
वाशीम  ६५.८    १०४.४  ५९
यवतमाळ  ५९.८  २९.१    (-५१)

     


इतर अॅग्रो विशेष
बीड जिल्ह्यातील चिंचवडगावमध्ये...बीड: थंड प्रदेशात घेतले जाणारे स्ट्रॉबेरीचे...
राज्यातील ५०० कार्यालयांत शेतकरी...मुंबई : शेतकरी बांधवांना अडचणी मांडण्यासाठी,...
ढगाळ हवामानामुळे गारठा कमीचपुणे : उत्तरेकडील थंड वाऱ्यांचा अभाव, ढगाळ...
राज्य खत समितीचा ‘रिमोट’ कोणाकडे?पुणे : शेतकऱ्यांची फसवणूक टाळण्यासाठी ‘...
महारेशीम अभियानांतर्गत पाच हजार एकरची...औरंगाबाद: रेशीम विभागाच्यावतीने राबविल्या जात...
शेतकरी आत्महत्या थांबविण्यासाठी सामूहिक...नाशिक : देशातील कृषी व ऋषी संस्कृतीमध्ये काळ्या...
हार्वेस्टर मालकांकडून ऊस उत्पादकांची...सोलापूर ः ऊसतोडणीसाठी शेतकरी हार्वेस्टर मशिनला...
कुऱ्हा गावाने तयार केली भाजीपाला पिकांत...अमरावती जिल्ह्यातील वरुड, मोर्शी हे तालुके संत्रा...
बदनापूर येथे कडधान्य पिकांचे आदर्श ‘...वसंतराव नाईक मराठवाडा कृषी विद्यापीठांतर्गत...
बोराच्या दोनशे झाडांची उत्कृष्ट बागढवळपुरी (जि. नगर) येथील सुखदेव कचरू चितळकर यांनी...
खानदेशात साखर कारखान्यांना भासतोय उसाचा...जळगाव  : खानदेशातील जळगाव, नंदुरबार चार साखर...
हापूस आंब्याची पहिली पेटी कोल्हापूरला...सिंधुदुर्ग ः जिल्ह्यातील कुंभारमाठ (ता. मालवण)...
बाजार समित्यांत शेतकऱ्यांना थेट मतदान...मुंबई : राज्यातील कृषी उत्पन्न बाजार समित्यांच्या...
नीरेपासून साखरनिर्मितीचा रत्नागिरीत...रत्नागिरी ः नारळाच्या झाडातून काढल्या जाणाऱ्या...
परवाना निलंबनातही बिनदिक्कत खतविक्रीपुणे : ‘नियमांची पायमल्ली करून विदेशातून...
शेतकरी प्रश्न सुटण्यासाठी...मुंबई : राज्यात तालुकास्तरावर उद्यापासून...
शनिवारपासून किमान तापमानात घट होण्याची...पुणे : उत्तरेकडून येणाऱ्या थंड वाऱ्यांचे प्रवाह...
विमाभरपाई प्रक्रिया रिमोट सेन्सिंगशी...पुणे : पीककापणी प्रयोगाच्या आधारावर पंतप्रधान...
बाजार समिती निवडणुकीत शेतकऱ्यांना थेट...मुंबई : राज्यातील कृषी उत्पन्न बाजार...
मटण दरवाढीचा लाभ पशुपालकांना कधी?शेळीपालनाबरोबरच मेंढीपालनातही समस्यांचा ऊहापोह...