agriculture news in Marathi,administration in confusion due to new orders, Maharashtra | Page 2 ||| Agrowon

नवनवीन प्रपत्र, जिओ टॅगिंगच्या सूचनेमुळे यंत्रणा गोंधळात

टीम अॅग्रोवन
गुरुवार, 14 नोव्हेंबर 2019

बुलडाणा  ः अवकाळी पावसामुळे झालेल्या नुकसानीचा पंचनामा करण्याचे काम यंत्रणास्तरावर अंतिम टप्प्यात असून, मागील तीन-चार दिवसांत वेगवेगळी प्रपत्रे देण्यात आली आहेत. तसेच, पीकविमाधारकांकडून सुधारित प्रपत्र पुन्हा भरून घेण्याबाबत सुचविण्यात आले आहे. विमा लाभासाठी जिओ टॅगिंग करण्याच्या सूचना दिल्याने सर्वेक्षण यंत्रणा गोंधळात पडली आहे. सर्वत्र मोठ्या प्रमाणात नुकसान झालेले असताना हे कागदी घोडे नाचविण्याचा फार्स कशासाठी सुरू आहे, याबाबत आता कर्मचारीही थेट प्रश्न करू लागले आहेत. याबाबत काही संघटनांनी थेट शासनाकडे निवेदने पाठवीत वस्तुस्थिती निदर्शनास आणून दिली आहे.

बुलडाणा  ः अवकाळी पावसामुळे झालेल्या नुकसानीचा पंचनामा करण्याचे काम यंत्रणास्तरावर अंतिम टप्प्यात असून, मागील तीन-चार दिवसांत वेगवेगळी प्रपत्रे देण्यात आली आहेत. तसेच, पीकविमाधारकांकडून सुधारित प्रपत्र पुन्हा भरून घेण्याबाबत सुचविण्यात आले आहे. विमा लाभासाठी जिओ टॅगिंग करण्याच्या सूचना दिल्याने सर्वेक्षण यंत्रणा गोंधळात पडली आहे. सर्वत्र मोठ्या प्रमाणात नुकसान झालेले असताना हे कागदी घोडे नाचविण्याचा फार्स कशासाठी सुरू आहे, याबाबत आता कर्मचारीही थेट प्रश्न करू लागले आहेत. याबाबत काही संघटनांनी थेट शासनाकडे निवेदने पाठवीत वस्तुस्थिती निदर्शनास आणून दिली आहे.

संपूर्ण राज्यात ऑक्टोबरमधील अवकाळी पावसामुळे व अतिवृष्टीने शेतातील उभ्या पिकांचे तसेच काढणी केलेल्या पिकांचे नुकसान झाले. या नुकसानीचे पंचनामे करण्याचे आदेश सरकारने दिले आहेत. या आदेशानुसार ग्रामस्तरीय समिती (तलाठी, कृषी सहायक, ग्रामसेवक) यांनी नुकसानग्रस्त भागांचे सर्वेक्षण करून पंचनामे पूर्ण केले. असे असताना नुकसानीचे पंचनामे करण्याबाबत मागील तीन-चार दिवसांत दोन ते तीन प्रकारची वेगवेगळी प्रपत्रे देण्यात आली आहेत. 

पीकविमाधारकांनीही मागील १० दिवसांत सूचना फॉर्म व त्यासोबत पंचनाम्याचा फॉर्म भरून दिला आहे. या पंचनाम्यामुळे सुधारित प्रपत्र पुन्हा भरून घेणे शक्य नाही. नुकसानग्रस्त शेतकरी आधीच प्रचंड नुकसानामुळे वैतागलेला आहे. विमा भरताना त्याने आवश्यक असलेली संपूर्ण कागदपत्रे जोडली आहेत. असे असताना विमा कंपनी पुन्हा सर्व कागदपत्रांची मागणी करीत असल्याने शेतकऱ्यांचा रोष वाढलेला आहे. त्यातच पंचनाम्याचे प्रपत्र भरण्यासाठी कर्मचारी शेतकऱ्यांकडे गेल्यास आणखी रोष वाढण्याची शक्यता आहे.

ग्रामस्तरीय समितीमार्फत पंचनामे पूर्ण केलेले असूनसुद्धा पंचनाम्यासोबत नुकसानग्रस्त शेताचा जिओ टॅगिंग केलेला फोटो काढण्याच्या सूचना आता दिल्या आहेत. परंतु, नुकसानाचे क्षेत्र रब्बी हंगामासाठी शेतकरी तयार करीत आहेत. अशा परिस्थितीत शेताचे जिओ टॅगिंग करणे शक्य राहिलेले नाही. ही वस्तुस्थिती असतानाही यंत्रणास्तरावर सातत्याने नवनवीन आदेश धडकत आहेत. यामुळे सर्वेक्षण करणाऱ्या यंत्रणा त्रस्त झाल्या आहेत. 

जिल्ह्यात सोयाबीन, मका, कापूस, ज्वारी या पिकांचे प्रचंड नुकसान उघड्या डोळ्यांनी दिसत असताना शासनाकडून कागदी घोडे नाचविण्याचा प्रकार सर्वत्र आता टीकेस पात्र ठरू लागला आहे. 

सुधारित आदेशामुळे गोंधळ

  • सरकारच्या आदेशानंतर ग्रामस्तरीय समितीकडून पंचनामे पूर्ण
  •     शेतकऱ्यांनीही सूचना फॉर्म व त्यासोबत पंचनाम्याचे फॉर्म भरले
  • नुकसानग्रस्त शेती रब्बीसाठी तयार करण्याची शेतकऱ्यांची लगबग
  • विमा कंपनीकडून सुधारित प्रपत्र पुन्हा भरून घेण्याच्या सूचना
  • नुकसानग्रस्त शेताचा जिओ टॅगिंग केलेला फोटो काढण्याच्या सूचना 
  • आदेशामुळे सर्वेक्षण यंत्रणा गोंधळात
  • पुन्हा कागदपत्रे मागितल्यास शेतकऱ्यांचा रोष वाढण्याची शक्यता

इतर ताज्या घडामोडी
नांदेडमधील पीक नुकसानीची...नांदेड : नांदेड जिल्ह्यात मागील काही दिवसांपासून...
हिंगोली, परभणीतील पीक नुकसानीचे तत्काळ...हिंगोली  ः अतिवृष्टीमुळे नुकसान झालेल्या...
पूरस्थितीचा गडचिरोली जिल्ह्यातील २०...गडचिरोली : जिल्ह्यात गोसेखुर्द धरणातून पाणी...
निर्यातीसाठी दर्जेदार हळद उत्पादन घ्याहिंगोली: हिंगोली जिल्ह्यात हळदीच्या क्षेत्रात...
लातूर, नांदेडमध्ये दमदार पाऊसपुणे ः राज्यातील अनेक भागांत पावसाचे वातावरण...
मराठवाड्यात सरासरीपेक्षा जास्त...मराठवाड्यातील बहुतांश क्षेत्र कोरडवाहू असून...
फूल उत्पादकांना आस दसरा, दिवाळीचीपुणे : टाळेबंदीत सर्वाधिक फटका बसलेल्या फूल...
लातूर विभागात २३ लाखावर शेतकऱ्यांना...उस्मानाबाद / लातूर : लातूर येथील विभागीय कृषी...
औरंगाबादमध्ये कांदा २०० ते ३२०० रूपये...औरंगाबाद : येथील कृषी उत्पन्न बाजार समितीमध्ये...
पुणे जिल्ह्यात पीककर्जाची होणार सहा...पुणे :  नियमित कर्ज फेडणाऱ्या...
मूग, उडीद खरेदीसाठी सोलापूर, बार्शी,...सोलापूर  : मूग, उडदाच्या आधारभूत किंमती...
खानदेशातील दुष्काळी भागातील प्रकल्पांत...जळगाव  ः खानदेशातील दुष्काळी भागातील निम्मे...
वाशीम जिल्ह्यात पिकांच्या नुकसानीचे...वाशीम  : ‘‘जिल्ह्यात गेल्या काही दिवसांत...
खानदेशात सोयाबीनची कापणी, मळणी लांबणीवर...जळगाव  ः खानदेशात काळ्या कसदार जमिनीत वाफसा...
हिंगोली, परभणीत एक लाख हेक्टर पिकांवर...हिंगोली, परभणी : अतिवृष्टी, ओढे - नाले, नद्यांचे...
साखर कारखान्यांचे वजनकाटे सुधारा, ‘...कोल्हापूर : साखर कारखान्यांच्या वजन काट्याबाबत...
सांगलीत मूग, उडीद खरेदीसाठी नोंदणी सुरूसांगली : बाजार समितीच्या आवारातील विष्णूअण्णा...
कृषी विधेयकाच्या समर्थणार्थ ‘रयत’ने...नाशिक  : केंद्र सरकारने कृषी विधेयकाच्या...
राज्यात ढगाळ हवामानाची शक्यताईशान्य मॉन्सून म्हणजेच परतीच्या मॉन्सूनला सुरुवात...
खानदेशात पाऊस थांबला, वाफशाची प्रतीक्षाजळगाव : खानदेशात गुरुवारी (ता.२५) पाऊस थांबला....