Agriculture news in marathiAgap Navati banana harvesting begins in Khandesh | Agrowon

खानदेशात आगाप नवती केळीची काढणी सुरू

टीम अॅग्रोवन
शनिवार, 9 जानेवारी 2021

खानदेशाच्या काही भागात आगाप नवती केळीची काढणी सुरू झाली आहे. काढणी सर्वत्र सुरू नसल्याने बाजारात आवक कमी आहे. हंगामाच्या सुरुवातीला दर्जेदार केळीला प्रतिक्विंटल ११०० रुपयांपर्यंत दर मिळत आहे. 

जळगाव : खानदेशाच्या काही भागात आगाप नवती केळीची काढणी सुरू झाली आहे. काढणी सर्वत्र सुरू नसल्याने बाजारात आवक कमी आहे. हंगामाच्या सुरुवातीला दर्जेदार केळीला प्रतिक्विंटल ११०० रुपयांपर्यंत दर मिळत आहे. 

नवती केळी लागवडीसाठी जळगाव जिल्ह्यातील रावेर, मुक्ताईनगर, यावल, जामनेर, नंदुरबारमधील शहादा, तळोदा परिसर प्रसिद्ध आहे. अनेक शेतकऱ्यांनी मार्च, एप्रिलमध्ये लागवड केली होती. या केळीची काढणी या आठवड्यात रावेर, यावल, मुक्ताईनगर भागात सुरू झाली आहे. या भागातील केळी दर्जेदार, निर्यातक्षम आहे. या केळीला उठाव असून, प्रतिक्विंटल ११०० रुपये किमान दर मिळत आहे.

काही शेतकऱ्यांना ११५० रुपयांवर दर मिळत आहे. आवक सध्या कमी आहे. खानदेशात कांदेबाग केळीची काढणी पूर्ण झाली आहे. या केळीला दर टिकून राहिले होते. मध्यंतरी दिल्ली येथील आंदोलनामुळे केळीचे दर कमी होते. 

दिल्ली, पंजाब, काश्मिरातून केळीला मागणी सुरू होत आहे. सध्या केळीची आवक खानदेशात कमी आहे. सध्या प्रतिदिन सरासरी १४० ट्रक (एक ट्रक १५ टन क्षमता) केळीची आवक होत आहे. ही आवक पुढील आठवड्यात आणखी कमी होईल. आगाप नवती केळीची काढणी फेब्रुवारीत वेगात सुरू होईल. या केळीची निर्यात परदेशात अधिक होईल. निर्यात सध्या रखडत सुरू आहे.

काही कंपन्या निर्यातीसाठी काम करीत आहेत. निर्यातीला वेग आल्यानंतर दरात आणखी सुधारणा होईल. रावेरातील तापी काठावरील गावांमध्ये मार्च, एप्रिलमध्ये अधिकच्या केळी बागांची लागवड झाली होती. या भागात फ्रूटकेअर तंत्रज्ञानाचा अवलंब करून केळीचे उत्पादन शेतकरी घेत आहेत. यामुळे दर बऱ्यापैकी आहेत. निर्यात वाढल्यानंतर दर आणखी वाढतील, अशी अपेक्षा आहे.
 
नवती केळीचे दर मागील वर्षीदेखील १२०० ते १३०० रुपये प्रतिक्विंटल, असे होते. मार्चपर्यंत दर टिकून होते. पण लॉकडाऊन लागू झाल्यानंतर दरात पडझड झाली. लॉकडाऊन दूर झाल्यानंतर दरात सुधारणा झाली आहे. नवती केळीची लागवड रावेर परिसरात सुमारे २१ हजार हेक्टरवर झाली आहे. या पाठोपाठ यावल,

मुक्ताईनगर भागातही लागवड आहे. शहादा, तळोदा भागातही मिळून सुमारे सात हजार हेक्टरवर नवती केळी आहे. या भागात मात्र अद्याप काढणी सुरू झालेली नसल्याची माहिती मिळाली.
नवती केळीच्या लागवडीवर दृष्टीक्षेप

  •   नवती केळीच्या लागवडीसाठी रावेर, मुक्ताईनगर, यावल, जामनेर, नंदुरबारमधील 
  •   शहादा, तळोदा परिसर प्रसिद्ध. 
  •   अनेक शेतकऱ्यांकडून मार्च, एप्रिलमध्ये लागवड
  •   सध्या नवती केळीची काढणी रावेर, यावल, मुक्ताईनगर भागात सुरू
  •   निर्यातक्षम, दर्जेदार केळीचे उत्पादन, प्रतिक्विंटल ११०० रुपये किमान दर
  •   आगाप नवती केळीची काढणी फेब्रुवारीत वेगात सुरू होईल

इतर ताज्या घडामोडी
ट्रायकोडर्मा वापरण्याच्या पद्धतीट्रायकोडर्मा ही उपयुक्त बुरशी असून, ती रोपांच्या...
जनावरांचे पावसाळ्यातील व्यवस्थापनपावसाळ्यात होणाऱ्या वातावरणातील अचानक बदलामुळे...
खानदेशात अत्यल्प पेरणीजळगाव ः खानदेशात या महिन्यात अपवाद वगळता हवा तसा...
नांदेडमध्ये सोयाबीनचे क्षेत्र वाढण्याची...नांदेड : जिल्ह्यात यंदा चार लाख हेक्टरवर...
परभणीत १२.६४ टक्के पेरणीपरभणी ः जिल्ह्यात यंदाच्या (२०२१) खरीप हंगामात...
देशात वीज पडून दरवर्षी दोन हजार...पुणे : हरिताच्छादन कमी झाल्याने होणारी तापमान वाढ...
कांदा उत्पादक शेतकऱ्याचा प्रामणिकपणानाशिक : जगात प्रामाणिकपणा लोप पावत चालला असल्याची...
अन्नद्रव्यांवरून खतांचे व्यवस्थापन...गेवराई, जि. बीड : जमिनीतील उपलब्ध...
आंबेओहळ प्रकल्पात  ३० टक्के पाणीसाठाकोल्हापूर : आजरा तालुक्यात असलेल्या आंबेओहळ...
वनौषधी पानपिंपरीचे दर वाढल्याने...अकोला ः जिल्ह्यात सातपुड्याच्या पायथ्याशी अकोट,...
नुकसान टाळण्यासाठी  मिश्र पिकांवर भरराळेगाव, जि. यवतमाळ : गेल्या वर्षी कपाशीवर आलेली...
यवतमाळमध्ये अनधिकृत खतांचा साठा जप्तयवतमाळ : परवान्यात नसतानाही खतांचा अनधिकृतपणे...
सांगली जिल्ह्यात खरिपाची २५ टक्के...सांगली : जिल्ह्यात खरीप हंगामाचे सरासरी क्षेत्र २...
सूक्ष्म खाद्य उन्नयन योजनेसाठी अर्ज...वाशीम : जिल्ह्यात २०२०-२१ ते २०२४-२५ या...
पुण्याचा पर्यटन विकास आराखडा तयार करा पुणे : जिल्ह्याच्या पर्यटन विकासासाठी सविस्तर...
प्रताप सरनाईकांचे ठाकरेंना पत्र; ...मुंबई : शिवसेनेचे आमदार प्रताप सरनाईक यांनी...
काळानुरूप बदल स्वीकारा : नितीन गडकरीवर्धा : बाजार समित्यांनी केवळ शेतमाल खरेदी विक्री...
संत्रा आयात शुल्कप्रकरणी बांगलादेशशी...अमरावती : नागपुरी संत्र्याचा सर्वात मोठा आयातदार...
मॅग्नेट ः फलोत्पादन पिकांसाठी एकात्मिक...राज्यातील कृषी हवामान विभागनिहाय फळे, भाजीपाला व...
शेतीवरील आर्थिक ताण कमी करण्यासाठी...हरितक्रांतीनंतर काही दशकांमध्ये विपरीत परिणाम...