agriculture news in marathi,agitation for maratha reservation, nagar, maharashtra | Agrowon

नगर जिल्ह्यात बंद, रास्ता रोको आंदोलन

टीम अॅग्रोवन
बुधवार, 25 जुलै 2018

नगर  ः मराठा समाजाला आरक्षण मिळावे, या मागणीसाठी झालेल्या आंदोलनादरम्यान नदीत उडी घेतल्याने काकासाहेब शिंदे यांचा मृत्यू झाला. या घटनेचे पडसाद मंगळवारी (ता.२४) नगर जिल्ह्यात ठिकठिकाणी उमटले. जिल्ह्यामध्ये अनेक ठिकाणी रास्ता रोको आंदोलन करण्यात आले. बहुतांश गावांत बंद पाळण्यात आला. रास्ता रोको आंदोलनामुळे वाहतुकीवर परिणाम झाला होता. औरंगाबाद येथे आंदोलनाची तीव्रता अधिक असल्याने शेवगाव आणि कोपरगावमार्गे एसटी गाड्या वळवल्या गेल्या.  

नगर  ः मराठा समाजाला आरक्षण मिळावे, या मागणीसाठी झालेल्या आंदोलनादरम्यान नदीत उडी घेतल्याने काकासाहेब शिंदे यांचा मृत्यू झाला. या घटनेचे पडसाद मंगळवारी (ता.२४) नगर जिल्ह्यात ठिकठिकाणी उमटले. जिल्ह्यामध्ये अनेक ठिकाणी रास्ता रोको आंदोलन करण्यात आले. बहुतांश गावांत बंद पाळण्यात आला. रास्ता रोको आंदोलनामुळे वाहतुकीवर परिणाम झाला होता. औरंगाबाद येथे आंदोलनाची तीव्रता अधिक असल्याने शेवगाव आणि कोपरगावमार्गे एसटी गाड्या वळवल्या गेल्या.  

मराठा समाजाला आरक्षण मिळावे, यासाठी पाच ते सहा दिवसांपासून आंदोलन सुरू असले तरी मंगळवारी नगर- औरंगाबाद रस्त्यावर असलेल्या कायगाव टाका येथे आंदोलनादरम्यान नदीत उडी घेतलेल्या काकासाहेब शिंदे यांचा मृत्यू झाला. त्यामुळे मंगळवारी पुकारण्यात आलेल्या महाराष्ट्र बंदमध्ये नगर जिल्ह्यामधील बहुतांश गावांनी सहभाग नोंदवला. मंगळवारी सकाळी दौंड-नगर रस्त्यावर रास्ता रोको आंदोलन करण्यात आले. श्रीगोंदा तालुक्‍यातील बहुतांश गावांत मंगळवारी बंद होता. पाथर्डी येथे रास्ता रोको आंदोलन झाले. संगमनेर तालुक्‍यातील वडगाव पान शिवारात एक एसटी बस जाळण्यात आली.

नेवासा, कुकाणा भागात सोमवारी रात्री रास्ता रोको आंदोलन करण्यात आले. मंगळवारी सोनई भागात कार्यकर्त्यांनी ठिय्या आंदोलन केले. लोणी, जामखेड, राहुरी फॅक्‍टरी येथे रास्ता रोको तर पारनेरमध्ये ठिय्या अंदोलन झाले. कोपरगाव शहरासह तालुक्‍यात बंद पाळण्यात आला. बहुतांश भागात बंद, आंदोलनाच्या पार्श्‍वभूमीवर शाळांना सुटी देण्यात आली. शेवगाव येथे काकासाहेब शिंदे यांना श्रद्धांजली वाहून आंदोलन करण्यात आले. दरम्यान एका एसटीवर दगडफेक करण्यात आली. नगर शहरातील छत्रपती शिवाजी महाराज हुतात्मा स्मारकाजवळ काकासाहेब शिंदे यांना आदरांजली वाहण्यात आली. त्यानंतर सकल मराठा समाजाची बैठक झाली. आज (बुधवारी) औरंगाबाद- नगर- पुणे महामार्गावर ठिकठिकाणी रास्ता रोको आंदोलन करण्याचा निर्णय नगर शहरातील सकल मराठा समाजाने घेतला आहे.

एसटी गाड्यांना दिली वाट  
आषाढी वारी संपवून वारकरी घरी परतत आहेत. जिल्ह्यामधून पुणे, औरंगाबाद, नाशिक, धुळे, जळगाव भागातील वारकरी जात आहेत. आंदोलनाच्या काळात एसटी अडवू नका सांगण्यात आल्याने मंगळवारी जागोजागी झालेल्या रास्ता रोको आंदोलनादरम्यान वडगाव पान येथे रात्री घडलेली घटना वगळता एकही एसटी आडवली गेली नाही. एसटी आली की आंदोलनकर्ते वाट मोकळी करून देत होते. त्यामुळे तारकपूर आगारात सोमवारी काही प्रमाणात थांबवलेल्या गाड्या मंगळवारी सोडण्यात आल्या. आंदोलक अन्य गाड्या मात्र अडवत होते.


इतर ताज्या घडामोडी
मसाला, सुगंधी वनस्पतीवर्गीय पिकांची...अकोला  ः ‘‘आपल्याकडील हवामान, जमीन हे मसाला...
मराठवाड्यात यंदा तुती लागवडीसाठी...औरंगाबाद : मराठवाड्यात गतवर्षी दुष्काळाचा...
संपूर्ण कर्जमुक्तीसाठी भाजपचे आंदोलन अकोला  : राज्यातील महाविकास आघाडी सरकारने...
`म्हैसाळ`च्या उन्हाळी आवर्तनाकडे...सलगरे, जि. सांगली : म्हैसाळ पाणी योजनेचे कालवे...
अकोला झेडपी देणार आत्महत्याग्रस्त...अकोला  ः नापिकी, कर्जबाजारीपणामुळे जिल्ह्यात...
लातूर विभागात १४ लाख हेक्‍टरवर रब्बी...लातूर : विभागीय कृषी सहसंचालक कार्यालयांतर्गत...
अमरावती जिल्ह्यात निवडणुकांचा बिगुलअमरावती  ः जिल्ह्यात एप्रिल ते जून या...
वऱ्हाडातील चार लाख शेतकरी...अकोला  ः राज्य शासनाने जाहीर केलेल्या...
मराठवाडा, खानदेशातील नऊ कारखान्यांची...औरंगाबाद  : येथील साखर सहसंचालक...
नांदेड, परभणी, हिंगोली जिल्ह्यात ३३११...नांदेड : महात्मा जोतिराव फुले शेतकरी कर्जमुक्ती...
जळगाव : कर्जमाफीसाठी ११३ शेतकऱ्यांचे...जळगाव  : महात्मा ज्योतिराव फुले शेतकरी...
कराडी येथे रेंजअभावी कर्जमाफी लाभार्थी...पारोळा, जि. जळगाव ः राज्य सरकारच्या महात्मा...
पुष्पोत्सव अधिक मोठ्या स्वरूपात साजरा...नाशिक : ‘नाशिक महापालिका राबवत असलेला...
नाशिक जिल्ह्यात गव्हाच्या पेऱ्यात वाढनाशिक : जिल्ह्यात रब्बीच्या एकूण १ लाख १३ हजार...
किसान सभेतर्फे दिंडोरी तहसीलसमोर...नाशिक  : दिंडोरी तालुक्यामध्ये गेल्या अनेक...
बीटी कापूस बियाणे दर १० टक्‍के वाढवा:...नागपूर ः बियाणे उत्पादनासंबंधी विविध घटकांच्या...
कृषी परिषदेसमोर पदव्युत्तर...पुणे ः कृषी पदव्युत्तर पदवीला पूर्ववत व्यावसायिक...
गोंदियात अवकाळी पावसासह बरसल्या गारागोंदिया ः शहरासह जिल्ह्यातील अनेक गावांमध्ये...
जळगावात गवार १८०० ते ४२०० रुपये...जळगाव : कृषी उत्पन्न बाजार समितीत मंगळवारी (ता.२५...
सातारा जिल्ह्यातील ६३ हजारांवर...सातारा  : महात्मा जोतिराव फुले शेतकरी...