agriculture news in marathi,agitation for maratha reservation, solapur, maharashtra | Agrowon

सोलापुरात दुसऱ्या दिवशीही मराठा आरक्षणावरून आंदोलने
टीम अॅग्रोवन
सोमवार, 23 जुलै 2018

पंढरपूर, जि. सोलापूर  ः मराठा क्रांती मोर्चाने गेल्या दोन दिवसांपासून सोलापूर जिल्ह्यात मराठा आरक्षणावररून आंदोलन करून लक्ष वेधले आहे. सलग दुसऱ्या दिवशी रविवारी (ता.२२) मराठा समाजाच्या कार्यकर्त्यांनी आपले आंदोलन सुरूच ठेवले. मंगळवेढा, पंढरपूर, बार्शी तालुक्‍यात अनेक ठिकाणी ठिय्या आंदोलन करण्यासह एस. टी. बसेसवर दगडफेकीच्या घटनाही घडल्या.

पंढरपूर, जि. सोलापूर  ः मराठा क्रांती मोर्चाने गेल्या दोन दिवसांपासून सोलापूर जिल्ह्यात मराठा आरक्षणावररून आंदोलन करून लक्ष वेधले आहे. सलग दुसऱ्या दिवशी रविवारी (ता.२२) मराठा समाजाच्या कार्यकर्त्यांनी आपले आंदोलन सुरूच ठेवले. मंगळवेढा, पंढरपूर, बार्शी तालुक्‍यात अनेक ठिकाणी ठिय्या आंदोलन करण्यासह एस. टी. बसेसवर दगडफेकीच्या घटनाही घडल्या.

पंढरपूरकडे निघालेले जलसंपदा मंत्री गिरीश महाजन आणि सहकार, पणनमंत्री सुभाष देशमुख यांनाही मंगळवेढ्याजवळ कार्यकर्त्यांनी घेराव घालून त्यांना जाब विचारला. पंढरपुरातील आषाढी वारीच्या शासकीय महापूजेसाठी मुख्यमंत्री देवेंद्र फडणवीस यांनी स्वतःहून येणार नसल्याचे कळवूनही मराठा समाजाने आंदोलन मागे न घेण्याचा निर्णय घेतला आहे. त्यामुळे जिल्ह्यात तणावाचे वातावरण आहे.  

सोलापुरात शनिवारी शिवाजी चौकात चक्काजाम आणि मुंडण आंदोलन केल्यानंतर माढा, करमाळा, बार्शीत कार्यकर्ते अधिकच आक्रमक झाले. त्यानंतर बार्शी महामार्गावर एक बस जाळली. त्याशिवाय पाच बसवर पंढरपूर, मोहोळ भागात दगडफेक करण्यात आली. हे वातावरण अद्याप शांत झाले नाही, तोवर मंगळवेढ्यात सकाळी माचणूरजवळ कार्यकर्त्यांनी रास्ता रोको आंदोलन सुरू केले.

याच मार्गावरून जलसंपदा मंत्री गिरीश महाजन आणि सुभाष देशमुख पंढरपूरकडे निघाले होते. पण त्यांना अडवून कार्यकर्त्यांनी घेराव घातला. त्यांनी कार्यकर्त्यांची समजूत काढली. पण ते ऐकण्याच्या मनस्थितीत नव्हते. स्वतः जलसंपदा मंत्री महाजन यांनी मुख्यमंत्र्यांना मोबाईलद्वारे संपर्क साधून, भावना सांगितल्या. तेव्हा मुख्यमंत्र्यांनीही महापूजेसाठी मी येऊ नये, असे वाटत असेल, तर मी येत नाही, असे सांगितले.  तरीही कार्यकर्ते आंदोलनावर ठाम राहिले. मेगा भरती रद्द करावी, तेव्हाच आम्ही माघार घेऊ, असे सांगितले.

दुसरीकडे बार्शीजवळ वैराग एस. टी. स्थानकात उस्मानाबाद आगाराच्या दोन बसेसवर दगडफेक करण्यात आली. त्याशिवाय पंढरपुरातही खर्डीनजीक बसवर दगडफेक करण्यात आली. जिल्ह्यात वेगवेगळ्या भागात बसेसवर दगडफेक आणि ठिय्या आंदोलनामुळे तणाव निर्माण झाला आहे. दुसरीकडे आषाढीसाठी पंढरपुरातील वातावरण शांत रहावे, यासाठी पोलिस सतर्क झाले असून, शहरातील कार्यकर्त्यांची धरपकड सुरू आहे. काही प्रमुख कार्यकर्त्यांनाही ताब्यात घेतले आहे.

 

इतर ताज्या घडामोडी
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
अमेरिकन लष्करी अळीविषयी जागृती,...मक्यावरील लष्करी अळी (शा. नाव - स्पोडोप्टेरा...
संजीवकांचा वापर संतुलितपणेच व्हावानाशिक : द्राक्षबागेत आवश्यकतेनुसार रासायनिक...
‘महावितरण’कडून शेतकऱ्यांना अंदाजपंचे...नाशिक : अंबड परिसरात महावितरणकडून कृषी पंपाचे...
खरीप पीकविमा योजनेत शेतकऱ्यांचा सहभाग...जळगाव ः जिल्ह्यात खरिपातील पीकविमा योजनेला चांगला...
खानदेशातील अनेक सिंचन प्रकल्प भरलेजळगाव ः खानदेशातील अवर्षणप्रवण भागातील काही...
निष्पक्ष निवडणुकीसाठी यंत्रणा सज्जअकोला ः विधानसभा निवडणुकीच्‍या अनुषंगाने जिल्‍हा...
मेळघाटातील शेतकऱ्यांना जाणून घ्यायचेय...औरंगाबाद : मेळघाटातील शेतकरी मराठवाडा आणि...
निकृष्ट बंधाऱ्याप्रकरणी तिघांवर गुन्हे...गडचिरोली ः चार महिन्यांपूर्वी बांधण्यात...
अनुदानावरील पशुखाद्य पुरवठ्यासाठी उद्या...नागपूर ः पशुखाद्याच्या तुटवड्यामुळे अडचणीत...
पूर्वहंगामी कापूस पिकाला पावसाचा फटकाजळगाव ः खानदेशातील पूर्वहंगामी कापूस पिकाला सततचा...
रयतच्या योगदानातून इतिहास घडेल ः शरद...सातारा: त्यागाचा विचार तत्कालीन पिढीत घडविण्यात...
सरकार सातत्याने शेतकरी विरोधी भूमिका...नगर  ः दोन वेळचा घास भरवणाऱ्या...
साहित्य संमेलनाच्या अध्यक्षपदी दिब्रिटो...लातूर :  उस्मानाबाद येथे होणाऱ्या आगामी...
केळीच्या पिल बागेतील सिगाटोका रोगाचे...केळी पिकावर दरवर्षी पिवळा करपा म्हणजेच ‘सिगाटोका...
गव्हावरील किडीच्या नियंत्रणासाठी सहजीवी...मोंटाना राज्य विद्यापीठातील कृषी महाविद्यालयातील...
साताऱ्यातील तीन तालुक्यांत पाणीटंचाई...सातारा : गेल्या दोन दिवसांत माण, खटाव, फलटण या...
चाळीसगाव तालुक्‍यात अद्यापही टॅंकर सुरूचजळगाव  ः जिल्ह्यात यंदा पावसाने नाबाद ११५.५...
पुणे जिल्ह्यात अतिवृष्टीमुळे ४२ कोटींचे...पुणे : गेल्या जुलै व ऑगस्ट महिन्यांत...
नाशिक जिल्ह्यात लाल कांद्याची लागवड...नाशिक  : महाराष्ट्रात होणारी खरीप कांद्याची...