agriculture news in marathi,agitation for maratha reservation, solapur, maharashtra | Page 2 ||| Agrowon

सोलापुरात दुसऱ्या दिवशीही मराठा आरक्षणावरून आंदोलने

टीम अॅग्रोवन
सोमवार, 23 जुलै 2018

पंढरपूर, जि. सोलापूर  ः मराठा क्रांती मोर्चाने गेल्या दोन दिवसांपासून सोलापूर जिल्ह्यात मराठा आरक्षणावररून आंदोलन करून लक्ष वेधले आहे. सलग दुसऱ्या दिवशी रविवारी (ता.२२) मराठा समाजाच्या कार्यकर्त्यांनी आपले आंदोलन सुरूच ठेवले. मंगळवेढा, पंढरपूर, बार्शी तालुक्‍यात अनेक ठिकाणी ठिय्या आंदोलन करण्यासह एस. टी. बसेसवर दगडफेकीच्या घटनाही घडल्या.

पंढरपूर, जि. सोलापूर  ः मराठा क्रांती मोर्चाने गेल्या दोन दिवसांपासून सोलापूर जिल्ह्यात मराठा आरक्षणावररून आंदोलन करून लक्ष वेधले आहे. सलग दुसऱ्या दिवशी रविवारी (ता.२२) मराठा समाजाच्या कार्यकर्त्यांनी आपले आंदोलन सुरूच ठेवले. मंगळवेढा, पंढरपूर, बार्शी तालुक्‍यात अनेक ठिकाणी ठिय्या आंदोलन करण्यासह एस. टी. बसेसवर दगडफेकीच्या घटनाही घडल्या.

पंढरपूरकडे निघालेले जलसंपदा मंत्री गिरीश महाजन आणि सहकार, पणनमंत्री सुभाष देशमुख यांनाही मंगळवेढ्याजवळ कार्यकर्त्यांनी घेराव घालून त्यांना जाब विचारला. पंढरपुरातील आषाढी वारीच्या शासकीय महापूजेसाठी मुख्यमंत्री देवेंद्र फडणवीस यांनी स्वतःहून येणार नसल्याचे कळवूनही मराठा समाजाने आंदोलन मागे न घेण्याचा निर्णय घेतला आहे. त्यामुळे जिल्ह्यात तणावाचे वातावरण आहे.  

सोलापुरात शनिवारी शिवाजी चौकात चक्काजाम आणि मुंडण आंदोलन केल्यानंतर माढा, करमाळा, बार्शीत कार्यकर्ते अधिकच आक्रमक झाले. त्यानंतर बार्शी महामार्गावर एक बस जाळली. त्याशिवाय पाच बसवर पंढरपूर, मोहोळ भागात दगडफेक करण्यात आली. हे वातावरण अद्याप शांत झाले नाही, तोवर मंगळवेढ्यात सकाळी माचणूरजवळ कार्यकर्त्यांनी रास्ता रोको आंदोलन सुरू केले.

याच मार्गावरून जलसंपदा मंत्री गिरीश महाजन आणि सुभाष देशमुख पंढरपूरकडे निघाले होते. पण त्यांना अडवून कार्यकर्त्यांनी घेराव घातला. त्यांनी कार्यकर्त्यांची समजूत काढली. पण ते ऐकण्याच्या मनस्थितीत नव्हते. स्वतः जलसंपदा मंत्री महाजन यांनी मुख्यमंत्र्यांना मोबाईलद्वारे संपर्क साधून, भावना सांगितल्या. तेव्हा मुख्यमंत्र्यांनीही महापूजेसाठी मी येऊ नये, असे वाटत असेल, तर मी येत नाही, असे सांगितले.  तरीही कार्यकर्ते आंदोलनावर ठाम राहिले. मेगा भरती रद्द करावी, तेव्हाच आम्ही माघार घेऊ, असे सांगितले.

दुसरीकडे बार्शीजवळ वैराग एस. टी. स्थानकात उस्मानाबाद आगाराच्या दोन बसेसवर दगडफेक करण्यात आली. त्याशिवाय पंढरपुरातही खर्डीनजीक बसवर दगडफेक करण्यात आली. जिल्ह्यात वेगवेगळ्या भागात बसेसवर दगडफेक आणि ठिय्या आंदोलनामुळे तणाव निर्माण झाला आहे. दुसरीकडे आषाढीसाठी पंढरपुरातील वातावरण शांत रहावे, यासाठी पोलिस सतर्क झाले असून, शहरातील कार्यकर्त्यांची धरपकड सुरू आहे. काही प्रमुख कार्यकर्त्यांनाही ताब्यात घेतले आहे.

 


इतर ताज्या घडामोडी
सातारा जिल्ह्यात ६३.५९ टक्के पेरणीसातारा ः जिल्ह्यात पावसाने ओढ दिली असली तरी...
नागपुरी संत्रा निर्यातीला खीळनागपूर  ः चीन आणि भारतादरम्यान वाढत्या...
‘स्वाभिमानी’च्या आंदोलनामुळे संत्रा...बुलडाणा ः शेतकऱ्यांना मिळालेल्या पीकविमा बँकेने...
बुलडाणा जिल्ह्यात आठशे हेक्टरवरील...बुलडाणा  ः जिल्ह्यात खरीप हंगामातील पेरणी...
जळगावात सोन्याचे दर ५० हजार ६७६ रुपये...जळगाव  ः सुवर्णनगरी म्हणून देशात प्रसिद्ध...
पालखी सोहळा परतीच्या प्रवासालापंढरपूर, जि. सोलापूर  ः आषाढी एकादशीसाठी...
लागवड अश्‍वगंधाचीअश्‍वगंधा ही झुडूपवर्गीय वनस्पती भारतात सर्वत्र...
विस्तारवादाचे युग कधीच संपले आहे ः...लेह / नवी दिल्ली  : ‘‘ विस्तारवादाचे...
रहू, चटई पद्धतीने भात लागवडीचे नियोजनचटई पद्धतीने नवीन भात रोपवाटिका तयार करावी. या...
कृषी सल्ला : सूर्यफूल, बाजरी, कापूस,...सूर्यफूल पेरणी वाणांची निवड :  अ)...
हिंगोलीत हरभरा ४१०० ते ४३५८ रुपये...हिंगोली : ‘‘हिंगोली कृषी उत्पन्न बाजार समितीतील...
ज्वारी उत्पादनवाढीची सूत्रेज्वारी हे कमी पावसात धान्य व कडब्याचे हमखास...
खेड येथे नुकसानीच्या प्रश्‍नांवर...पुणे : निसर्ग चक्रीवादळामुळे पिकांचे मोठे नुकसान...
माण- खटाव तालुक्‍यात बिलांअभावी...बिजवडी, जि.सातारा  : माण- खटाव तालुक्‍यात...
मराठवाड्यातील २२५ मंडळांत पुन्हा पाऊस,...औरंगाबाद : मराठवाड्यातील एकूण मंडळांपैकी...
परभणी, हिंगोली, नांदेडातील चक्रीवादळ...परभणी : गतवर्षी ऑक्टोबर, नोव्हेंबर महिन्यात ‘...
नाशिकमध्ये सोयाबीनसह मका बियाण्यांच्या...नाशिक : जिल्ह्यातील शेतकऱ्यांनी सोयाबीन व मका...
अकोला जिल्ह्यातील पेरण्या रखडलेल्याच अकोला  ः जून महिना संपुर्ण उलटला, तरी...
वाशीममध्ये पीकविम्यासाठी ३१ जुलैपर्यंत...वाशीम : ‘‘जिल्ह्यात सन २०२०-२१ खरीप...
यवतमाळ जिल्ह्यात बियाणे न उगवण्याच्या...यवतमाळ : जिल्ह्यात उगवणविषयक तब्बल १५०० पेक्षा...