agriculture news in marathi,agitation for maratha reservation, solapur, maharashtra | Agrowon

सोलापूर येथे सहकारमंत्री, पालकमंत्र्यांच्या घरासमोर आसूड ओढो आंदोलन
टीम अॅग्रोवन
शनिवार, 28 जुलै 2018

सोलापूर   ः मराठा समाजाला आरक्षण देण्याच्या मागणीसाठी सुरू असलेल्या आंदोलनाच्या पार्श्‍वभूमीवर सोलापुरातील सकल मराठा समाजाच्या वतीने शुक्रवारी (ता. २७) सहकारमंत्री सुभाष देशमुख व पालकमंत्री विजयकुमार देशमुख यांच्या सोलापुरातील घरासमोर आसूड ओढो आंदोलन करण्यात आले. या वेळी सरकारच्या निषेधाच्या घोषणा देताना दोन्ही मंत्र्यांच्या राजीनाम्याची मागणी आंदोलनकर्त्यांनी केली. आंदोलनाच्या पार्श्‍वभूमीवर पोलिसांनी दोन्ही मंत्र्यांच्या घराबाहेर बंदोबस्त ठेवला होता; पण आंदोलनकर्त्यांनी ठरल्याप्रमाणे घराजवळच आंदोलन केले. त्यामुळे तणाव निर्माण झाला.

सोलापूर   ः मराठा समाजाला आरक्षण देण्याच्या मागणीसाठी सुरू असलेल्या आंदोलनाच्या पार्श्‍वभूमीवर सोलापुरातील सकल मराठा समाजाच्या वतीने शुक्रवारी (ता. २७) सहकारमंत्री सुभाष देशमुख व पालकमंत्री विजयकुमार देशमुख यांच्या सोलापुरातील घरासमोर आसूड ओढो आंदोलन करण्यात आले. या वेळी सरकारच्या निषेधाच्या घोषणा देताना दोन्ही मंत्र्यांच्या राजीनाम्याची मागणी आंदोलनकर्त्यांनी केली. आंदोलनाच्या पार्श्‍वभूमीवर पोलिसांनी दोन्ही मंत्र्यांच्या घराबाहेर बंदोबस्त ठेवला होता; पण आंदोलनकर्त्यांनी ठरल्याप्रमाणे घराजवळच आंदोलन केले. त्यामुळे तणाव निर्माण झाला.

पालकमंत्री देशमुख यांच्या घरासमोर डफरीन चौकाकडून जुन्या एम्प्लॉयमेंट चौकाकडे जाणारी वाहतूक सुरक्षेच्या कारणास्तव बंद ठेवण्यात आली होती. नागरिकांची गैरसोय होऊ नये म्हणून एकेरी वाहतूक सुरू होती. पालकमंत्र्यांच्या घरासमोर आंदोलक आल्यानंतर त्यांनी सरकारच्या निषेधाच्या घोषणा दिल्या. पालकमंत्र्यांच्या घरासमोर आसूड ओढल्यानंतर मराठा समाजाचे कार्यकर्ते सहकारमंत्री देशमुख यांच्या होटगी रोडवरील घराकडे निघाले. सहकारमंत्री सुभाष देशमुख यांच्या घरासमोरही मोठा पोलिस बंदोबस्त ठेवण्यात आला होता.

सहकारमंत्री देशमुख यांच्या घराकडे जाण्यापूर्वी पोलिसांनी आंदोलकांना थांबवले. पण आंदोलक त्यांच्या घरापर्यंत पोचलेच. पोलिसांकडून झालेली अडवणूक आणि आंदोलनकर्त्यांची ठाम भूमिका, यामुळे काही काळ तणाव निर्माण झाला. या ठिकाणी मराठा समाजातील प्रमुखांची भाषणे झाली. सहकारमंत्री देशमुख यांच्या घरासमोर आंदोलनाच्या ठिकाणी भाजपचे जिल्हाध्यक्ष शहाजी पवारही आले. त्यांचेही भाषण झाले. मी जरी भाजपचा जिल्हाध्यक्ष असलो, तरी प्रथम मी मराठा असल्याचेही श्री. पवार यांनी सांगितले.

या वेळी राजन जाधव, अमोल शिंदे, विनोद भोसले, प्रवीण डोंगरे, इंद्रजित पवार, गणेश डोंगरे उपस्थित होते. दुसरीकडे संभाजी ब्रिगेडच्या वतीने जिल्हाधिकारी कार्यालयसमोर ठिय्या आंदोलन करण्यात आले. शिवसेनेचे नगरसेवक अमोल शिंदे, कॉँग्रेसचे नगरसेवक विनोद भोसले यांनी मराठा समाजाच्या मागण्यांकडे जाणीवपूर्वक दुर्लक्ष केले जात आहे, असा आरोप केला. पण आता आम्ही शांत बसणार नाही, हा लढा आणखी तीव्र करू, असे सांगताना येत्या सोमवारी आपण नगरसेवक पदाचा राजीनामा देणार असल्याचे या वेळी जाहीर केले.

इतर ताज्या घडामोडी
पुण्यात टोमॅटो, फ्लॉवरची आवक कमी; दरात...पुणे ः गुलटेकडी येथील कृषी उत्पन्न बाजार...
अमेरिकन लष्करी अळीविषयी जागृती,...मक्यावरील लष्करी अळी (शा. नाव - स्पोडोप्टेरा...
संजीवकांचा वापर संतुलितपणेच व्हावानाशिक : द्राक्षबागेत आवश्यकतेनुसार रासायनिक...
‘महावितरण’कडून शेतकऱ्यांना अंदाजपंचे...नाशिक : अंबड परिसरात महावितरणकडून कृषी पंपाचे...
खरीप पीकविमा योजनेत शेतकऱ्यांचा सहभाग...जळगाव ः जिल्ह्यात खरिपातील पीकविमा योजनेला चांगला...
खानदेशातील अनेक सिंचन प्रकल्प भरलेजळगाव ः खानदेशातील अवर्षणप्रवण भागातील काही...
निष्पक्ष निवडणुकीसाठी यंत्रणा सज्जअकोला ः विधानसभा निवडणुकीच्‍या अनुषंगाने जिल्‍हा...
मेळघाटातील शेतकऱ्यांना जाणून घ्यायचेय...औरंगाबाद : मेळघाटातील शेतकरी मराठवाडा आणि...
निकृष्ट बंधाऱ्याप्रकरणी तिघांवर गुन्हे...गडचिरोली ः चार महिन्यांपूर्वी बांधण्यात...
अनुदानावरील पशुखाद्य पुरवठ्यासाठी उद्या...नागपूर ः पशुखाद्याच्या तुटवड्यामुळे अडचणीत...
पूर्वहंगामी कापूस पिकाला पावसाचा फटकाजळगाव ः खानदेशातील पूर्वहंगामी कापूस पिकाला सततचा...
रयतच्या योगदानातून इतिहास घडेल ः शरद...सातारा: त्यागाचा विचार तत्कालीन पिढीत घडविण्यात...
सरकार सातत्याने शेतकरी विरोधी भूमिका...नगर  ः दोन वेळचा घास भरवणाऱ्या...
साहित्य संमेलनाच्या अध्यक्षपदी दिब्रिटो...लातूर :  उस्मानाबाद येथे होणाऱ्या आगामी...
केळीच्या पिल बागेतील सिगाटोका रोगाचे...केळी पिकावर दरवर्षी पिवळा करपा म्हणजेच ‘सिगाटोका...
गव्हावरील किडीच्या नियंत्रणासाठी सहजीवी...मोंटाना राज्य विद्यापीठातील कृषी महाविद्यालयातील...
साताऱ्यातील तीन तालुक्यांत पाणीटंचाई...सातारा : गेल्या दोन दिवसांत माण, खटाव, फलटण या...
चाळीसगाव तालुक्‍यात अद्यापही टॅंकर सुरूचजळगाव  ः जिल्ह्यात यंदा पावसाने नाबाद ११५.५...
पुणे जिल्ह्यात अतिवृष्टीमुळे ४२ कोटींचे...पुणे : गेल्या जुलै व ऑगस्ट महिन्यांत...
नाशिक जिल्ह्यात लाल कांद्याची लागवड...नाशिक  : महाराष्ट्रात होणारी खरीप कांद्याची...