agriculture news in marathi,agitation for maratha reservation, varhad, maharashtra | Agrowon

मराठा अारक्षणासाठी अकोल्यात उत्स्फूर्त बंद

टीम अॅग्रोवन
गुरुवार, 26 जुलै 2018

अकोला  ः मराठा समाजाला अारक्षण मिळावे, या मागणीसाठी सुरू असलेल्या अांदोलनाला पाठिंबा देण्याकरिता बुधवारी (ता.२५) अकोला बंदचे अावाहन करण्यात अाले. कुठलीही अनुचित घटना न घडता हा बंद शांततेत पार पडला.

अकोला शहरासह जिल्ह्यात तेल्हारा, पातूर, बाळापूर व इतर ठिकाणी सकल मराठा व मराठा क्रांती मोर्चाच्या पदाधिकाऱ्यांनी बंद यशस्वी केला.‘बंद’चे अावाहन करण्यात अाल्याने अकोल्यातील सर्व शाळा, महाविद्यालये, व्यापारी प्रतिष्ठाने बुधवारी बंद होती. बाजारपेठेत दुपारपर्यंत शुकशुकाट होता.

अकोला  ः मराठा समाजाला अारक्षण मिळावे, या मागणीसाठी सुरू असलेल्या अांदोलनाला पाठिंबा देण्याकरिता बुधवारी (ता.२५) अकोला बंदचे अावाहन करण्यात अाले. कुठलीही अनुचित घटना न घडता हा बंद शांततेत पार पडला.

अकोला शहरासह जिल्ह्यात तेल्हारा, पातूर, बाळापूर व इतर ठिकाणी सकल मराठा व मराठा क्रांती मोर्चाच्या पदाधिकाऱ्यांनी बंद यशस्वी केला.‘बंद’चे अावाहन करण्यात अाल्याने अकोल्यातील सर्व शाळा, महाविद्यालये, व्यापारी प्रतिष्ठाने बुधवारी बंद होती. बाजारपेठेत दुपारपर्यंत शुकशुकाट होता.

येथील जिल्हाधिकारी कार्यालयासमोर गेल्या तीन दिवसांपासून ठिय्या अांदोलन सुरू असून या ठिकाणावरून बंदची हाक देण्यात अाली होती. सकल मराठा समाज व मराठा क्रांती मोर्चातर्फे शहरातून मोटरसायकल रॅली काढण्यात अाली. यामध्ये हजारो तरुण, कार्यकर्ते सहभागी झाले होते. मराठा समाजाला अारक्षण मिळालेच पाहिजे, अशा घोषणांनी परिसर दणाणून गेला होता. ‘बंद’च्या पार्श्वभूमीवर अकोला शहरात पोलिस अधीक्षकांच्या मार्गदर्शनाखाली पोलिसांचा तगडा बंदोबस्त होता. कार्यकर्त्यांनी शांततेच्या मार्गाने बंद यशस्वी केला.   

सकल मराठा समाजाच्या वतीने पुकारण्यात आलेल्या बंदला बोरगावमंजू येथे पाठिंबा मिळाला. सोपीनाथ महाराज मंदिराजवळ राष्ट्रीय महामार्गावर मराठा समाजाच्या कार्यकर्त्यांनी रस्त्यावर उतरून  ‘एक मराठा-लाख मराठा’, मराठा आरक्षण मिळालेच पाहिजे, अशा घोषणा देत गजानन देशमुख यांच्या नेतृत्वात रास्ता रोको आंदोलन केले.

बाळापूर तालुक्यातील सकल मराठा समाजाच्या वतीने पारस फाट्यावर रास्ता रोको आंदोलन करण्यात आले. या वेळी मुख्यमंत्र्यांच्या विरोधात जोरदार घोषणाबाजी करण्यात आली. धनेगाव फाट्यावर टायर जाळून आंदोलकांनी निदर्शने केली. पोलिसांची मोठी दमछाक झाली होती. मराठा समाजाच्या वतीने पुकारण्यात आलेल्या बंदला बाळापूर तालुक्यात वाडेगाव येथील व्यापाऱ्यांनी शंभर टक्के प्रतिसाद दिला आहे. त्यामुळे मुख्य बाजारपेठ बंद होती. या वेळी बाळापूर तहसीलदार दीपक पुंडे, नायब तहसीलदार योगेश कौटकर परिस्थितीवर लक्ष ठेवून होते.

वाशीम, बुलडाण्यातही अांदोलन
मराठा अारक्षणाच्या मागणीसाठी बुधवारी सलग दुसऱ्या दिवशी बुलडाणा व वाशीम जिल्ह्यात ठिकठिकाणी आंदोलने झाली. बुलडाणा जिल्ह्यात उंद्री येथे बंद पाळण्यात अाला. सिंदखेडराजा तालुक्यात ठिकठिकाणी बंद पाळण्यात अाला. वाशीम जिल्ह्यात रिसोड तालुक्यात ठिकठिकाणी अांदोलन झाले. गोवर्धना गावात चार तरुणांनी मोबाईल टॉवरवर चढून लक्षवेधी अांदोलन केले. खडकीसदार येथे नागरिकांनी रस्त्यावर उतरून टायर जाळले.   


इतर ताज्या घडामोडी
चढ्या दराने कांदा बियाणे विक्री पडली...नाशिक : सध्या कांद्याच्या बियाण्यांचा मोठ्या...
केंद्राकडून सरकारी कर्मचाऱ्यांना ‘बोनस’...नवी दिल्ली : कोरोनासंकटामुळे महागाई भत्ता...
कृषी क्षेत्रात ‘पंदेकृवि’ची भरीव...अकोला ः कृषी विद्यापीठाने कृषी क्रांतीचे प्रणेते...
शासन शेतकऱ्यांच्या पाठीशी ः मुख्यमंत्री...उस्मानाबाद : खचून जाऊ नका, धीर धरा, शासन पूर्ण...
सरकारची शेतकऱ्यांना कोरडी आश्‍वासने :...जिंतूर, जि. परभणी, हिंगोली ः अतिवृष्टीमुळे...
एकनाथ खडसे उद्या ‘राष्ट्रवादी’तमुंबई : भाजपचे नाराज नेते एकनाथ खडसे यांच्या...
नगर जिल्ह्यात पिकांचे ६३ हजार हेक्टरवर...नगरः सप्टेंबर महिन्यातील सलगच्या २० दिवसांच्या...
शेतकऱ्यांना दिलेल्या आश्वासनाची पुर्तता...नांदेड : ‘‘शेतकऱ्यांना हेक्टरी २५ हजार रुपये...
सातारा जिल्ह्यात साडेपाच हजार हेक्टर...सातारा : अतिवृष्टीमुळे जिल्ह्यातील...
वर्धा जिल्ह्यात यंदा ६४ टक्के पीक...वर्धा  :  कर्जमाफी आणि शासनाच्या...
कासोळा फाट्यावर ‘स्वाभिमानी’चा रास्ता...यवतमाळ :  शेतकऱ्यांच्या विविध...
सांगली जिल्ह्यात द्राक्ष बागांची छाटणी...सांगली : जिल्ह्यात गेल्या आठवड्यात अतिवृष्टीमुळे...
रत्नागिरीत सप्टेंबरमध्ये ३४ हेक्टर...रत्नागिरी ः मुसळधार पावसामुळे जिल्ह्यात...
जळगाव जिल्ह्यात मुबलक पाणीजळगाव :  जळगाव जिल्ह्यातील मोठ्या व...
इगतपुरी तालुक्यात पावसामुळे २८५२...नाशिक : जिल्ह्यात झालेल्या परतीच्या...
चिखलीतील रस्त्याच्या दुरुस्तीसाठी ‘रयत’...बुलडाणा : चिखली तालुक्यातील पळसखेडा जयंती फाटा ते...
नांदेड जिल्ह्यात ओल्या दुष्काळासाठी...नांदेड : जिल्ह्यात अतिवृष्टीमुळे खरिपासह बागायती...
कांदा बीजोत्पादनाच्या शास्त्रीय पद्धती बिजोत्पादन करताना जातीची शुद्धता, मानक प्रमाण आणि...
सरकारने नाकर्तेपणा दाखवू नये : दरकेर सोलापूर ः राज्य सरकार पंचनाम्याशिवाय मदत...
द्राक्ष पीक : पावसामुळे उद्भवलेल्या...सध्याच्या परिस्थितीचा विचार करता, सर्व द्राक्ष...