agriculture news in marathi,agitation for maratha reservation,aurangabad, maharashtra | Agrowon

आज राज्यव्यापी ‘बंद’ची हाक
टीम अॅग्रोवन
गुरुवार, 9 ऑगस्ट 2018

औरंगाबाद / मुंबई   : मराठा आरक्षणासाठी आज (ता. ९) राज्यव्यापी बंदची हाक देण्यात आली आहे. औरंगाबादेत झालेल्या बैठकीनंतर बंदची घोषणा करण्यात आली. मात्र मुंबईसह ठाणे, नवी मुंबई आणि परळी येथे केवळ ठिय्या आंदोलन होणार आहे. राज्यभर पोलिस बंदोबस्तात मोठी वाढ करण्यात आली आहे.

औरंगाबाद / मुंबई   : मराठा आरक्षणासाठी आज (ता. ९) राज्यव्यापी बंदची हाक देण्यात आली आहे. औरंगाबादेत झालेल्या बैठकीनंतर बंदची घोषणा करण्यात आली. मात्र मुंबईसह ठाणे, नवी मुंबई आणि परळी येथे केवळ ठिय्या आंदोलन होणार आहे. राज्यभर पोलिस बंदोबस्तात मोठी वाढ करण्यात आली आहे.

आंदोलनाची दिशा ठरविण्यासाठी बुधवारी (ता. ८) औरंगाबाद येथे तीन तास बैठक चालली. राज्यभरातील बहुतांश जिल्ह्यांचे प्रतिनिधी या वेळी उपस्थित होते. नऊ जिल्हा समन्वयकांनी संदेशाद्वारे आपण जो निर्णय घ्याल, तो आम्हाला मान्य असल्याचे कळविले होते. गुन्हे दाखल करून मराठा समाजाची प्रतिमा मलिन करण्याचा प्रयत्न सरकार आणि समाजकंटकाकडून होतो आहे. त्यामुळे स्वत:लाच शिक्षा म्हणून १५ ऑगस्टपासून चूल बंद आंदोलन करण्यात येणार आहे. एक वेळचा अन्नत्याग करावा, असे या बैठकीत मांडले गेले.

बैठकीनंतर समन्वयकांनी पत्रकारांना सांगितले, की सूर्योदयापासून सूर्यास्तापर्यंत आजचा बंद होईल. आंदोलनादरम्यानचे गुन्हे सरसकट मागे न घेतल्यास १५ ऑगस्टपासून चूल बंद आंदोलन केले जाईल. तसेच, तालुका, जिल्हास्तरावर शुक्रवारपासून (ता. १०) साखळी उपोषण केले जाईल, आत्महत्या रोखण्यासाठी शुक्रवार (ता. १०) ते रविवार (ता. १२) दरम्यान संवाद यात्रा निघणार आहे.मराठा समाजबांधवांनी आत्महत्या करू नयेत, तसेच कोपर्डी प्रकरण स्मरणात ठेवून क्रांती दिनाचे आंदोलन शांततेत करावे, हिंसेला थारा देऊ नये, असेदेखील आवाहन या वेळी करण्यात आले आहे.

दरम्यान, मुंबईत मराठा आंदोलक आणि पोलिसांदरम्यान महत्त्वपूर्ण बैठक झाली. त्यात मुंबई, ठाणे, नवी मुंबई आणि परळीला गुरुवारच्या महाराष्ट्र बंदमधून वगळण्याचा निर्णय घेण्यात आला. वारंवार लोकांना वेठीस धरणे योग्य नसल्याचे सांगत या चारही शहरांना बंदमधून वगळण्याचा आणि या शहरांमध्ये केवळ ठिय्या आंदोलन करण्याचा निर्णय घेण्यात आला.

नवी मुंबईतील सकल मराठा समाजाच्या नेत्यांनी ‘बंद’मध्ये सहभागी होणार नसल्याचे स्पष्ट केले आहे. नवी मुंबईत ‘बंद’ऐवजी ठिय्या आंदोलन करण्यात येणार असल्याचे आमदार नरेंद्र पाटील यांनी सांगितले आहे. ‘बंद’बाबतचा निर्णय घेण्याचे अधिकार जिल्हास्तरीय समन्वय समित्यांना देण्यात आले आहेत. त्यामुळे स्थानिक परिस्थिती पाहून ‘बंद’बाबतचे निर्णय घेतले जातील, असे सांगण्यात आले. काही ठिकाणी ‘बंद’ऐवजी चक्का जाम, ठिय्या आंदोलनाच्या माध्यमातून सरकारचा निषेध नोंदवला जाणार आहे. राज्यात गेल्या २१ दिवसांपासून मराठा आरक्षणासाठी आंदोलने सुरू आहेत. या दरम्यान अनेक ठिकाणी आंदोलनाला हिंसक वळणही लागले होते.

‘बंद’मधून अत्यावश्यक सेवा वगळल्या
आजच्या बंदमधून अत्यावश्‍यक सेवा वगळण्यात आल्या आहेत. दवाखाने, मेडिकल सुरू राहतील. एसटी महामंडळाच्या वाहनाला लक्ष्य करू नका, असे आवाहन समन्वयकांनी केले. आतापर्यंत रुग्णवाहिकांना जशी वाट करून दिली. तसेच धार्मिक यात्रा म्हणजेच हज यात्रेकरूंनाही आंदोलक वाट करून देतील, अशी आचारसंहिता ‘महाराष्ट्र बंद’साठी तयार केली आहे.

अफवांवर विश्वास ठेवू नका
 मुंबईत आज पेट्रोल पंपापासून मॉलपर्यंत आणि रिक्षापासून ते बसेसपर्यंत सर्व वाहतूक बंद असेल, असे संदेश सध्या सोशल मीडियावरून फिरवले जात आहेत. एवढेच नव्हे तर नागरिकांनी तातडीने सर्व आवश्यक वस्तूंची खरेदी करावी, अशा सूचनाही दिल्या जात आहेत. हे सर्व मेसेज खोटे असून आज मुंबईतील जनजीवन सुरळीत सुरू राहील, असे सकल मराठा समाजाने स्पष्ट केले आहे. ‘मुंबई, ठाणे, नवी मुंबई आणि परळीतील ‘बंद’बाबतच्या अफवांवर विश्वास ठेवू नका’, असे आवाहनही करण्यात आले आहे.

इतर ताज्या घडामोडी
महाजनादेश यात्रेला बुधवारपासून नंदूरबार...नंदुरबार ः राज्यातील पूरस्थितीमुळे स्थगित झालेली...
पुणे बाजार समिती प्रशासकपदी वर्णी...पुणे  : पुणे कृषी उत्पन्न बाजार समितीचे...
प्रतिकूल हवामानामुळे जुन्नर तालुक्यातील...नारायणगाव, जि. पुणे  : दोन महिन्यांपासून...
नगर जिल्ह्यातील दहा ते अकरा तालुक्यांवर...नगर  ः राज्याच्या काही भागांत जोरदार पावसाने...
पीक नुकसानीबाबत शेतकऱ्याने मांडली कृषी... कऱ्हाड, जि. सातारा ः घरात हुतं नव्हतं...
खानदेशात कापूस पिकात मर रोग, मूळकूजजळगाव ः खानदेशात जळगाव, धुळे व नंदुरबार...
...अन् नारायण राणे काँग्रेसमध्ये गेले...मुंबई  ः कोणताही अन्याय सहन करायचा नाही, या...
सिंधुदुर्ग जिल्ह्यात केळी, नारळ, सुपारी... सिंधुदुर्ग  ः कुणी तीन लाख तर कुणी दोन...
राष्ट्रपतींनी घेतला सूतकताईचा अनुभववर्धा  ः राष्ट्रपती रामनाथ कोविंद यांनी...
पीएच.डी.साठी गुरुवारी सामाईक प्रवेश...पुणे ः  राज्यातील चारही कृषी विद्यापीठांतील...
विधानसभा निवडणुकीसाठी काँग्रेस-... भंडारा  ः विधानसभा निवडणुकीत कॉंग्रेस...
कोयना धरणातून ६७ टीएमसी पाण्याचा विसर्गसातारा : या महिन्याच्या सुरवातीपासून मुसळधार...
मराठवाड्यात पाणीसाठ्याची स्थिती विदारकऔरंगाबाद : अर्धा पावसाळा लोटला तरीही मराठवाड्यात...
बुलडाणा जिल्ह्यात निर्माण झाली १३२५...बुलडाणाः जिल्हा प्रशासन व भारतीय जैन संघटना...
कोकणात नुकसानभरपाईचे वेगळे निकष लावा :...रत्नागिरी : ‘‘सांगली, कोल्हापूरप्रमाणेच कोकणातील...
सिंधुदुर्गात अतिवृष्टीने महावितरणचे चार...सिंधुदुर्ग : जिल्ह्यात झालेल्या अतिवृष्टी आणि...
शेतीमध्ये रासायनिक खतांचा वापर...जालना : सेंद्रिय शेतीमध्ये रासायनिक खतांचा...
परभणी जिल्ह्यात पाण्याअभावी फळबाग...परभणी : जिल्ह्यात गतवर्षीची दुष्काळी स्थिती आणि...
औरंगाबादेत कांदे १००० ते १६०० रुपये...औरंगाबाद : येथील कृषी उत्पन्न बाजार समितीमध्ये...
जळगावच्या पश्‍चिम भागातील प्रकल्प कोरडेचजळगाव ः खानदेशात अनेक भागांत पाऊसमान चांगले असले...