विदर्भात आंदोलनाची धग

संग्रहित छायाचित्र
संग्रहित छायाचित्र

नागपूर  ः विदर्भातील बहुतांश जिल्ह्यांत मंगळवारी मराठा आरक्षणासाठी सुरू असलेल्या आंदोलनाची धग पाहावयास मिळाली. अमरावती येथील बंदचे आवाहन करणाऱ्या आंदेलकांनी अचानक मुख्य चौकातच ठिय्या आंदोलन सुरू केल्याने पोलिसांची तारांबळ उडाली. या वेळी पोलिस आणि आंदोलकांमध्ये झालेली झटपट अपवाद वगळता इतर जिल्ह्यांमध्ये आंदोलन शांततेत पार पडले.

मराठा आरक्षणासाठी औरंगाबाद जिल्ह्यात सुरू असलेल्या आंदोलनादरम्यान सोमवारी काकासाहेब शिंदे यांनी जलसमाधी घेतली. या घटनेचे पडसाद मंगळवारी (ता.२४) विदर्भात सर्वदूर उमटले. अमरावती येथे आंदोलकांनी बंदचे आवाहन केले. त्यानंतर राजकमल चौकात हा जमाव जात असताना त्यांनी त्याच ठिकाणी ठिय्या दिला. या वेळी पोलिस आणि आंदोलकांमध्ये झटापट झाल्याचे सूत्रांकडून सांगण्यात आले. पोलिसांच्या वाढत्या हस्तक्षेपामुळे हे आंदोलन चिघळण्याची शक्‍यता निर्माण झाली होती. त्यासोबतच तणावसदृश्‍य स्थिती होती. अमरावतीचा अपवाद वगळता इतर जिल्ह्यांमध्ये मात्र आंदोलन शांततेत पार पडले.

वर्धा, यवतमाळ, नागपूर, वाशीम, अकोला, बुलडाणा या जिल्ह्यांमध्ये आंदोलनाला चांगला प्रतिसाद मिळाला. जिल्हाधिकारी कार्यालयावर आंदोलकांनी धरणे दिले. यवतमाळमध्ये देखील दुकाने बंद करण्याचा प्रयत्न करण्यात आला. त्यानंतर जिल्हाधिकारी कार्यालयानजीक धरणे आंदोलन करण्यात आले. अकोल्यातही धरणे आंदोलन झाले. कौलखेड जहाँगीर येथे रास्ता रोको आंदोलन करण्यात आले. नागपुरात ठिकठिकाणी धरणे आंदोलन करण्यात आले.

दरम्यान, मुख्यमंत्री देवेंद्र फडणवीस यांनी मराठा आरक्षणप्रश्‍नी सुरू असलेल्या आंदोलनावर लक्ष ठेवण्याचे निर्देश संबंधित जिल्ह्यांतील पालकमंत्र्यांना दिले आहेत. परिस्थितीचा आढावा घेत रोज संध्याकाळी अहवाल पाठविण्याचे देखील सांगण्यात आल्याची माहिती सूत्रांकडून देण्यात आली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com