agriculture news in Marathi,Agri input seller has arrears to agri department, Maharashtra | Agrowon

निविष्ठा विक्रेत्यांची कृषी विभागाकडे लाखोंची उधारी
टीम अॅग्रोवन
सोमवार, 16 एप्रिल 2018

याबाबत माहिती घेऊन योग्य ती कार्यवाही करता येईल. राज्यात अशाप्रकारे सॅम्पलपोटी देण्यात येणारी रक्‍कम चार वर्षांपासून थकीत असेल, तर नक्‍कीच गंभीर बाब आहे. त्यामागील कारणांची माहिती घेतली जाईल.
- एम. एस. घोलप, संचालक, गुण नियंत्रण, कृषी आयुक्‍तालय, पुणे

नागपूर ः निविष्ठांची गुणवत्ता तपासण्यासाठी कृषी व्यावसायिकांच्या दुकानातील नमुने घेण्याची पद्धत आहे. मात्र सॅम्पल म्हणून घेतलेल्या या निविष्ठांचे चुकारे कृषी विभागाकडून गेल्या चार वर्षांपासून झालेच नसल्याची धक्‍कादायक माहिती समोर आली आहे. राज्यातील कृषी व्यावसायिकांना यामुळे लाखो रुपयांचा भुर्दंड सोसावा लागला आहे.

हंगामात कंपन्यांकडून पुरवठा झालेल्या कृषी निविष्ठांचा दर्जा तपासण्याची मोहीम कृषी विभागाच्या गुणवत्ता नियंत्रण शाखेकडून राबविली जाते. त्याकरिता बियाणे, खते व इतर विविध प्रकारच्या निविष्ठांचे सॅम्पल कृषी व्यावसायिकांच्या दुकानांतून घेतले जातात. बीटी बियाण्यांचे पाकीट, सोयाबीन बियाणे व इतर सर्व प्रकारच्या बियाणे व इतर सॅम्पलसाठी नियमानुसार संबंधित व्यावसायिकाला पैसे देण्याची तरतूद आहे. त्याकरिता कृषी व्यावसायिकाने गुण नियंत्रण निरीक्षकाला पावती द्यावी व ही पावती नंतर रीतसर आपल्या कार्यालयाकडे सादर करून गुण नियंत्रण निरीक्षकाने पैसे घेत ते व्यावसायिकाला द्यावेत, अशी पद्धत आहे.

चार वर्षांपूर्वी रोखीने हे सारे व्यवहार होत. या वेळी गुण नियंत्रण निरीक्षकांकडून काहीच रक्‍कम व्यावसायिकांना दिली जात होती, असे आरोप आहेत. त्यामुळे शासनाने ही खाबुगिरी टाळण्यासाठी नंतर धनादेशाद्वारे हे परतावे करण्याचे आदेश दिले. त्यानुसार धनादेशाने हे परतावे होत होते. धनादेशाने परताव्याचे आदेश झाल्यानंतर केवळ एकच वर्ष पैसे व्यावसायिकांना मिळाल्याचे नागपूर जिल्हा कृषी व्यावसायिक संघटनेच्या सूत्रांकडून सांगण्यात आले. मात्र गेल्या चार वर्षांपासून राज्यात सॅम्पल निविष्ठांचे चुकारेच गुणवत्ता नियंत्रण शाखेकडून झाले नाही. यामुळे लाखो रुपयांचे नुकसान राज्यातील कृषी व्यवसायीकांना सोसावे लागल्याचा आरोप करण्यात आला आहे. 

न्यायालयातून होते कारवाई
सॅम्पलच्या प्रयोगशाळेतील तपासणीत ते निकृष्ट निघाल्यास संबंधितांवर न्यायालयात खटला दाखल केला जातो. त्यात हयगय होत नाही; मग कृषी विभागाने सॅम्पलसाठी घेतलेल्या निविष्ठांचे चुकारेदेखील त्याच न्यायाप्रमाणे करावेत, अशी मागणी कृषी व्यावसायिकांची आहे.

इतर अॅग्रो विशेष
युवा कृषी कौशल्य विकासासाठी सहकार्य करारपुणे ः आंतरराष्ट्रीय युवा कौशल्य दिनाचे औचित्य...
महाराष्ट्राला ‘स्किल कॅपिटल' बनवावेः...मुंबई ः महाराष्ट्र शासनाच्या छत्रपती राजाराम...
कोकण, घाटमाथ्यावर हलक्या सरींचा अंदाज पुणे ः  उत्तर भारतामध्ये असलेल्या कमी...
तीन हजार शेतकऱ्यांच्या मूल्यांकनाचा...कोल्हापूर ः कृषी कौशल्य विकास प्रशिक्षण पूर्ण...
सांगली जिल्ह्यातील द्राक्ष उत्पादकांचे...सांगली : जिल्ह्यातील एक हजारांवर द्राक्ष उत्पादक...
कर्जमाफीतील तक्रार निवारणासाठी समिती...पुणे ः छत्रपती शिवाजी महाराज शेतकरी सन्मान...
विविध तंत्रांच्या वापरातून प्रयोगशील...भोसी (जि. हिंगोली) येथील गोरखनाथ हाडोळे विविध...
उत्कृष्ठ व्यवस्थापनातून खरीप कांद्याचे...बुलडाणा जिल्ह्यातील डोणगाव येथील आखाडे कुटुंबाने...
‘पक्षाघाता’च्या साथीत कायदा बासनात"व्हेन मेन आर प्युअर लॉज आर युजलेस. व्हेन मेन आर...
चिंता वाढविणारी उघडीपराज्यात मॉन्सूनच्या पावसाचा काहीसा जोर कमी झाला...
ऊन-सावल्यांच्या खेळात पावसाची दडी;...पुणे : मॉन्सून सक्रिय नसल्याने राज्याच्या बहुतांश...
पीकविम्यासाठी आतापर्यंत साडेतीन लाख...पुणे  : पंतप्रधान पीकविमा योजनेसाठी चालू...
कमी खर्चात वाइननिर्मितीचे तंत्र विकसित...पुणे : महाराष्ट्र विज्ञान वर्धिनीच्या आघारकर...
शेंगासोबतच शेवग्याची पावडर ठरतेय...संपूर्ण २० एकर क्षेत्रांमध्ये शेवगा लागवडीचा...
मराठवाड्यात दुष्काळाची धग कायमऔरंगाबाद : पावसाळा सुरू होऊन महिना उलटला,...
मराठा उमेदवारांच्या खुल्या प्रवर्गातील...मुंबईः मराठा आरक्षणाला स्थगिती असताना खुल्या...
मराठवाड्यात ४८ टक्‍के पेरणी; पिके...औरंगाबाद : मराठवाड्यातील खरिपाच्या ४९ लाख ९६...
बिस्किटउद्योगातून आर्थिक प्रगतीमौजे सांगाव (ता. कागल, जि. कोल्हापूर) येथील...
शेती, शिक्षण अन् ग्रामविकासात ‘वसुधा’...धुळे येथील वन्य सुस्थापन धारा (वसुधा) ही...
।। जातो माघारी पंढरीनाथा । तुझे दर्शन...पंढरपूर, जि. सोलापूर सावळ्या विठुरायाचे दर्शन आणि...