agriculture news in Marathi,agriculture commissioner says, 20 lac farmers submit applications for inspection, Maharashtra | Page 2 ||| Agrowon

पंचनाम्यासाठी २० लाख विमाधारकांचे अर्जः कृषी आयुक्त

टीम अॅग्रोवन
शुक्रवार, 8 नोव्हेंबर 2019

पुणे: राज्यात अतिपावसानंतर आत्तापर्यंत २० लाख विमाधारक शेतकऱ्यांनी पंचनामा करण्यासाठी अर्ज केले आहेत, अशी माहिती कृषी आयुक्त सुहास दिवसे यांनी दिली.  

पुणे: राज्यात अतिपावसानंतर आत्तापर्यंत २० लाख विमाधारक शेतकऱ्यांनी पंचनामा करण्यासाठी अर्ज केले आहेत, अशी माहिती कृषी आयुक्त सुहास दिवसे यांनी दिली.  

“पावसामुळे ५४ लाख हेक्टरवरील खरीप पिकांचे नुकसान झाल्याचा अंदाज आहे. मात्र, पंचनामे पूर्ण झाल्यानंतरच निश्चित आकडा हाती येईल. सात नोव्हेंबरची अंतिम मुदत देत आम्ही सर्व यंत्रणा पंचनाम्यासाठी कामाला लावली असली तरी सतत पाऊस आणि बांधापर्यंत पोचण्यात अडचणी आहेत. त्यामुळे काम लांबले जाऊ शकते. तरीही कृषी विभागाने इतर कामे बाजूला सारून आमचे सर्व कृषी सहायक, मंडळ अधिकारी, कृषी अधिकारी व राज्यातील सर्व यंत्रणा या कामाला जुंपली आहे,” असे आयुक्त म्हणाले.   

वीमा नियमावलीनुसार वैयक्तिक नुकसान झाल्यास इंटिमेशन (सूचित) देण्याची जबाबदारी शेतकऱ्यांकडे असते. आयुक्त म्हणाले की, “आतापर्यंत २० लाख अर्ज आलेले आहेत. अर्ज आल्यानंतर आम्हाला प्रत्यक्ष शेतात जावून अक्षांश-रेखांशच्या नोंदीसहीत छायाचित्र घेत पंचनामा करावा लागतो.

भरपाईसाठी राबविली जाणारी प्रकिया त्याशिवाय पूर्ण होत नाही. इतक्या मोठ्या संख्येने प्रथमच अर्ज आलेले आहेत. ही जबाबदारी ताणतणावाची व चिंता वाढविणारी असली तरी आमची सर्व यंत्रणा दिवसरात्र काम करते आहे.”
राज्यात आतापर्यंत काही भागात ३० ते ७० टक्के पंचनाम्याचे काम झालेले आहे. मुळात अतिपावसामुळे शेतात जाण्यास रस्ते उपलब्ध नाहीत. त्यामुळे पंचनाम्याची कामे जलदपणे करण्यात सर्वच यंत्रणेला अडचणी येत आहेत. सर्वात जास्त नुकसान औरंगाबाद व लातूर भागात झाले आहे, असे निरीक्षण आयुक्तांनी नोंदविले. 

विमा प्रतिनिधी नसला  तरीही पंचनामे ग्राह्य
पिकाचे पंचनामे करताना वीमा कंपनीचा प्रतिनिधी अत्यावश्यक असतो. तथापि, लाखो ठिकाणी पोचणे शक्य नसल्याने विमा प्रतिनिधी नसला तरी कृषी विभागाच्या यंत्रणेने केलेले पंचनामे ग्राह्य धरले जाणार आहेत. कंपन्यांना देखील आम्ही तसे कळवून टाकले आहे, असे आयुक्तांनी स्पष्ट केले.

धोरणात्मक निर्णय तातडीने शक्य
पाऊस स्थिती, खरिपाचे नुकसान, रब्बीची तयारी याबाबत सरकारी पातळीवरून देखील सातत्याने पाठपुरावा सुरू आहे. स्वतः मुख्यमंत्र्यांकडून गेल्या पाच दिवसांत पाच वेळा आढावा घेण्यात आला आहे. मी स्वतः जुन्नर, नाशिक, खेड, आंबेगाव, नगर, संगमनेर, लातूर, बीड भागाचा दौरा केला आहे. कृषी सचिवांनी धुळे, नंदूरबार, नाशिक, जळगाव, जालना, नांदेड भागाचा दौरा केलेला आहे. मुख्यमंत्री देखील बांधावर जावून आलेले आहेत. त्यामुळे शेतकऱ्यांना मदत करण्याबाबत धोरणात्मक निर्णय तातडीने होतील, असे आयुक्तांनी स्पष्ट केले. 


इतर बातम्या
औरंगाबाद :सोयाबीनची सरासरीच्या दीडपट...औरंगाबाद : सोयाबीनची सरासरी क्षेत्राच्या दीडपट...
जळगाव जिल्ह्यात ५७ टक्के पाऊसजळगाव : जिल्ह्यात आतापर्यंत ५७ टक्के पाऊस झाला...
शनिवारपर्यंत सुरू राहणार मका, ज्वारीची...औरंगाबाद : राज्यात रब्बीतील मका व ज्वारी खरेदीला...
परभणी जिल्ह्यात पीकविमा तक्रारींचा...परभणी ः पंतप्रधान पीकविमा योजनेअंतर्गंत टोल फ्री...
नाशिक जिल्ह्यात धरणसाठा ४६ टक्क्यांवरनाशिक : गत सप्ताहात जिल्ह्यातील धरणांच्या पाणलोट...
सोलापूर ःविमा कंपनी शेतकऱ्यांपर्यंत...सोलापूर ः सोलापूर जिल्ह्यात पीकविम्यासाठी भारती...
अकोला ः नैसर्गिक आपत्तीनंतर पीकविमा...अकोला ः पीकविमा हा आपत्तीच्या काळात शेतकऱ्यांना...
मराठवाड्यात एक लाख हेक्टरवर पीकनुकसानऔरंगाबाद : मराठवाड्यातील आठपैकी सहा जिल्ह्यांत...
मंगळवेढ्यात सूर्यफूल पीकविम्यातून वगळलेमंगळवेढा, जि. सोलापूर ः मंगळवेढा तालुक्यात...
कोल्हापूर : पीकविम्याच्या ऑनलाइन...कोल्हापूर : विमा योजनेत सहभागाबाबतीत राज्यात...
नाशिक : पीकविम्याबाबत तक्रारींचा पाढानाशिक : पीकविमा कंपन्यांची असक्षम यंत्रणा......
सिंधुदुर्गात कार्यालय; पण शेतकऱ्यांना...सिंधुदुर्गनगरी : विमा कंपनीचे सिंधुदुर्गनगरी येथे...
रत्नागिरी : पूरबाधित शेतकऱ्यांची...रत्नागिरी : जिल्ह्यातील नदी किनारी भागात पुरामुळे...
नांदेडमध्ये विमा कंपनीचे जिल्ह्याच्या...नांदेड : पंतप्रधान पीकविमा योजनेत जिल्ह्यासाठी...
पावसाची उसंत, सावरण्याची धडपड सुरु पुणे : पावसासाठी पोषक वातावरण नसल्याने पावसाचा...
नगर : विमा कार्यालय, हेल्पलाइन नंबरची... नगर : नुकसानीची शेतकऱ्यांना भरपाई मिळावी,...
कोल्हापूर : पूर फुटाने वाढला, इंचाने...कोल्हापूर : जिल्ह्यातील पूरस्थिती हळूहळू कमी होत...
विमा कंपन्यांचा राज्यभर सावळागोंधळ पुणे ः पंतप्रधान पीकविमा योजनेतील खासगी विमा...
कोकणात मुसळधारेची शक्यता पुणे : कोकणसह संपूर्ण राज्यात पावसाचा जोर कमी...
राजकीय नेत्यांनी पूरग्रस्त भागांचे दौरे...मुंबई : राजकीय नेत्यांनी पूरग्रस्त भागाचे दौरे...