agriculture news in marathi,balasaheb thorat targets state government, nagar, maharashtra | Agrowon

दुष्काळ निवारणाच्या उपाययोजना राबवण्यात सरकार अपयशी : बाळासाहेब थोरात

टीम अॅग्रोवन
बुधवार, 15 मे 2019

नगर  : पावसाने दडी मारल्याने राज्यात दुष्काळ आहे. रोजगार हमी, पाणीपुरवठा, चारा छावण्यांबाबत उपाययोजना राबविण्यात सरकार अपयशी ठरले आहे. विशेषत: रोजगार हमी योजनेच्या कामांना मंजुरी असतानाही कामे झालेली नाहीत. आचारसंहितेचा बाऊ करून अधिकाऱ्यांनी केवळ आनंद लुटला, अशी टीका माजी महसूलमंत्री, आमदार बाळासाहेब थोरात यांनी केली. 

नगर  : पावसाने दडी मारल्याने राज्यात दुष्काळ आहे. रोजगार हमी, पाणीपुरवठा, चारा छावण्यांबाबत उपाययोजना राबविण्यात सरकार अपयशी ठरले आहे. विशेषत: रोजगार हमी योजनेच्या कामांना मंजुरी असतानाही कामे झालेली नाहीत. आचारसंहितेचा बाऊ करून अधिकाऱ्यांनी केवळ आनंद लुटला, अशी टीका माजी महसूलमंत्री, आमदार बाळासाहेब थोरात यांनी केली. 

नगर येथे सोमवारी (ता.१३) आयोजित पत्रकार परिषदेत श्री. थोरात बोलत होते. या वेळी महाराष्ट्र प्रदेश काँग्रेसचे महासचिव विनायक देशमुख, संपत म्हस्के, राजेंद्र नागवडे आदी उपस्थित होते. श्री. थोरात म्हणाले, की निमगाव घाणा, दशमीगव्हाण, चिंचोडी पाटील येथील छावण्यांना भेट देऊन पाहणी केली. निमगावातील छावणीत ७० जनावरे नव्याने दाखल होऊनही अद्याप नोंद केली गेलेली नाही. दर आठ दिवसांनी प्रशासनाने नेमलेल्या पथकांद्वारे छापा घातला जातो. आता नव्यानेच टॅगिंग, बारकोड, स्कॅनिंग करण्याचा आदेश काढला आहे. अटी, शर्तीचे गुऱ्हाळ करून छावणीचालकांना जेरीस आणले जात आहे. सरकारचा शेतकऱ्यांवर अविश्‍वास का, असा प्रश्‍न उपस्थित होतो.

चाऱ्याचे भाव तिप्पट वाढले आहेत. सरकारने अनुदानात वाढ केली पाहिजे. सरकार याबाबत मात्र उदासीन आहे. दुष्काळ उपाययोजनांची सरकारला जाण राहिलेली नाही. दुष्काळी स्थितीतही छावणीचालक उधारी करून छावणी चालवत आहेत. त्यामुळे प्रशासनाची चालकांबाबत सहकार्याची भूमिका असणे गरजेचे आहे. चारा छावण्या सुरू होऊन अडीच महिन्यांचा कालावधी होत आला. छावणी चालवण्यासाठीचा खर्च मोठा आहे; परंतु अद्याप एक रुपयाही छावणीचालकांच्या खात्यावर जमा झालेला नाही. यावरून राज्य सरकारची आर्थिक परिस्थिती डबघाईला आली असल्याचे स्पष्ट दिसते, असे आमदार थोरात म्हणाले. 

देशमुख म्हणाले, की राज्यात बीड, औरंगाबाद, त्यानंतर नगर येथे सर्वांत जास्त टॅंकर सुरू आहेत. राज्य सरकार जलयुक्त शिवार अभियानाची मोठ्या प्रमाणावर कामे झाली, असा दावा करते. मग नगर जिल्ह्यात इतक्‍या मोठ्या प्रमाणावर टंचाई का, असा प्रश्न त्यांनी उपस्थित केला. 


इतर ताज्या घडामोडी
शेतकरी उत्पादक कंपन्यांना प्रोत्साहन ...पुणे : राज्यातील शेतकरी उत्पादक कंपन्यांचे अनुदान...
कृषिमंत्र्यांच्या नाशिक जिल्ह्यातच पीक...नाशिक : मूग नक्षत्राच्या तोंडावर पेरणीयोग्य पाऊस...
मराठवाड्यात बॅंकांकडून शेतकऱ्यांची...औरंगाबाद : मराठवाड्यात पूर्वमोसमी पाऊस बऱ्यापैकी...
सोलापूर जिल्ह्यात पीक कर्जवाटप अवघ्या...सोलापूर : यंदाच्या खरीप हंगामासाठी जिल्ह्यात पीक...
परभणी जिल्ह्यातील शिल्लक कापसाची...परभणी : शासकीय खरेदी केंद्रांवर कापूस विक्रीसाठी...
मराठवाड्यातील सहा जिल्ह्यांत ३६५ टॅंकर...औरंगाबाद : औरंगाबाद, जालना, परभणी, नांदेड, बीड,...
जैविक किटकनाशकांद्वारे पर्यावरणाचे...परभणी : ‘‘शेतीत रासायनिक किटकनाशकांचा वापर मोठ्या...
निसर्ग चक्रीवादळग्रस्तांना तातडीने मदत...पुणे  ः निसर्ग चक्रीवादळामुळे बाधित झालेल्या...
वऱ्हाडात २५ टक्क्यांपेक्षाही कमी...अकोला  ः जून महिना सुरु झाला असून वऱ्हाडातील...
पर्यावरणातील बदलांकडे लक्ष देऊन शेती...औरंगाबाद : ‘‘पर्यावरणातील सततच्या बदलाने आपल्या...
पीक कर्जासाठी पुणे जिल्ह्यातील...पुणे  ः कर्जमाफीच्या गोंधळामुळे...
सातारा जिल्हा बॅंकेकडून कर्ज व्याजदरात...सातारा  : `कोरोना’च्या पार्श्वभूमीवर सुरु...
नगर जिल्ह्यात पीककर्ज वाटपात...नगर  ः खरीप हंगामासाठी पीककर्ज पुरवठ्याकडे...
सांगली जिल्ह्यात पीककर्ज वाटपाची गती...सांगली  : खरीप हंगामाच्या पार्श्वभूमीवर...
रत्नागिरी जिल्हा बॅंकेकडून सव्वा पाच...रत्नागिरी  ः जिल्ह्यात यंदा खरीप हंगामात...
कोल्हापूर जिल्ह्यात ६६ टक्के पीककर्ज...कोल्हापूर : जिल्ह्यात खरिपासाठी मे अखेरपर्यंत ६६...
नागपूर जिल्ह्यात १३ टक्के पीककर्ज वितरितनागपूर  ः माजी मुख्यमंत्री व विद्यमान विरोधी...
यवतमाळमध्ये खरिपासाठी २४.५१ टक्केच...यवतमाळ  ः शेतकरी आत्महत्यांचा जिल्हा अशी ओळख...
उत्तर भारताच्या दिशेने मॉन्सून वेगाने...महाराष्ट्रावर उत्तरेस १००४ तर मध्यावर व दक्षिणेस...
चंद्रपूर जिल्ह्यात पीककर्ज वितरणात...चंद्रपूर  ः चंद्रपूर जिल्ह्यातील बॅंका खरीप...