agriculture news in marathi,bollworm eradication project in eight state, nagpur, maharashtra | Agrowon

बोंडअळी निर्मूलन प्रकल्पात आठ राज्यांचा समावेश

टीम अॅग्रोवन
मंगळवार, 18 जून 2019

गेल्या वर्षी सात राज्यांत तर या वर्षी पुन्हा आठ राज्यांत गुलाबी बोंडअळीच्या व्यवस्थापनाचा प्रकल्प राबविला जाणार आहे. त्याकरिता केंद्र सरकारकडून दोन कोटी रुपयांची तरतूद केली गेली आहे.
- डॉ. विजय वाघमारे, संचालक, केंद्रीय कापूस संशोधन संस्था, नागपूर

नागपूर : देशात सर्वात आधी गुजरात त्यानंतर कापूस उत्पादक सर्वच राज्यांत प्रादुर्भाव झालेल्या गुलाबी बोंडअळीच्या नियंत्रणासाठी केंद्र सरकारकडून तब्बल दोन कोटी रुपयांची तरतूद करण्यात आली आहे. गेल्या वर्षी याच निधीचा वापर करीत केंद्रीय कापूस संशोधन संस्थेला सात राज्यात गुलाबी बोंडअळीवर ७० टक्क्यांपर्यंत नियंत्रण मिळविता आले. या वर्षी आठ राज्यांमध्ये या संदर्भाने अभियान राबविले जाणार असून त्या पार्श्‍वभूमीवर निधी वाढवून मिळावा, अशी मागणी आहे.

चार वर्षांपूर्वी गुजरातमध्ये गुलाबी बोंडअळीचा सर्वात आधी प्रादुर्भाव झाला होता. त्या ठिकाणचा प्रादुर्भाव नियंत्रणात आणण्याचे काम केंद्रीय कापूस संशोधन संस्थेकडे सोपविण्यात आले. संस्थेने शिफारशीत केलेल्या उपाययोजनांच्या अंमलबजावणीची जबाबदारी गुजरात कृषी विभागाकडे होती. फेरोमोन सापळ्यांचा वापर, जिनिंगमधील कचरा जाळणे यांसारख्या प्रतिबंधात्मक उपायांवर भर दिला गेला. त्याआधारे टप्प्याटप्प्याने तीन वर्षात गुलाबी बोंडअळीवर अपेक्षित नियंत्रण मिळविणे शक्‍य झाले. 

बोंडअळीचा देशातील अनेक राज्यांमध्ये बोंडअळीचा उद्रेक झाला. पंजाबचाही त्यामध्ये समावेश होता. त्याची दखल घेत केंद्रीय कापूस संशोधन संस्थेचे संचालक डॉ. विजय वाघमारे यांनी कीड प्रतिबंधक प्रकल्प केंद्र सरकारकडे सादर केला होता. प्रकल्पाच्या अंमलबजावणीसाठी कापूस संशोधन संस्थेने साडेतीन कोटी रुपयांचा निधी मागितला होता. केंद्र सरकारने प्रकल्पाला मान्यता देत तब्बल दोन कोटी रुपयांची तरतूद केली. त्यानुसार देशातील सात राज्यांमध्ये गेल्या वर्षी हा प्रकल्प राबविला गेला. त्याआधारे पहिल्याच वर्षी गुलाबी बोंडअळीचे ७० टक्‍के नियंत्रण मिळविता आल्याचा दावा करण्यात आला आहे. 

या वर्षी पुन्हा केंद्र सरकारने प्रकल्पाला मान्यता दिली असून गेल्या वर्षी इतकाच निधी मंजूर आहे. कापूस संशोधन संस्थेकडून एक राज्याचा अतिरिक्‍त समावेश प्रकल्पात केला गेला आहे. कापूस संशोधन संस्थेने गुलाबी बोंडअळीच्या शिफारशीत उपाययोजनांची माहिती कृषी विभागाला द्यावी; त्याआधारे उपाययोजनांची अंमलबजावणी त्या त्या राज्यातील कृषी विभागाकडून केली जाते. 
 
प्रकल्पातील राज्ये
महाराष्ट्र, गुजरात, मध्य प्रदेश, तेलंगणा, आंध्र प्रदेश, कर्नाटक, तमिळनाडू, हरियाना.
 


इतर अॅग्रो विशेष
आदिवासी महामंडळातर्फे ४९ लाख क्विंटल...नाशिक : कोरोनाच्या संकट काळात आदिवासी विकास...
संशोधनासाठी मोसंबी वाणांचे जतन फायदेशीर...बदनापूर, जि. जालना : मोसंबी फळपिकांच्या विविध...
परभणी जिल्ह्यात कापसाची ३६ लाख क्विंटल...परभणी ः कोरोना साथीमुळे लांबत गेलेला परभणी...
अल्पभुधारक शेतकऱ्यांच्या सबलीकरणावर भर नवी दिल्ली: शेती क्षेत्राला चालना देण्यासाठी...
रानभाज्या विक्रीतून रोजगार निर्मितीचा...नाशिक: राज्यातील आदिवासी भागात नैसर्गिक पद्धतीने...
कोकण, मध्य महाराष्ट्रात पावसाचा शिडकावा पुणे ः पावसाचा जोर कमी झाल्याने कोकण, मध्य...
चीनकडून बियाणे दहशतवादाचा धोका पुणेः देशातील बियाणे वारसा आणि बीजोत्पादन उद्योग...
बेकायदा ‘एचटीबीटी’मुळे तीनशे कोटींचा...पुणे : बेकायदेशीर तणनाशक सहणशील (एचटीबीटी) कापूस...
कोल्हापुरात पावसाचा जोर ओसरला कोल्हापूर: जिल्ह्यात पावसाचा जोर ओसरला आहे....
मोसंबी कलमांची दुप्पट विक्री औरंगाबाद : पाण्याच्या उपलब्धतेबाबत सुखद...
केळीसाठी पीक विम्याचे निकष पूर्ववत...जळगाव : हवामानावर आधारित फळपीक विमा योजनेत केळी...
शेतकरी नियोजन- कपाशीच्या पिकाला खत...सध्या माझे कापसाचे पीक ६० दिवसांचे झाले असून...
टोमॅटोवर जिवाणूजन्य ठिपक्या रोगाचा...नाशिक: चालू वर्षी टोमॅटोवरील विषाणूजन्य रोगांचा...
मराठवाड्यातील प्रकल्पांतील पाणीसाठा ५०...औरंगाबाद : मराठवाड्यातील ८७३ प्रकल्पातील उपयुक्त...
परस्पर पुनर्गठन केल्याने शेतकरी...दानापूर, जि. अकोला ः येथील सेवा सहकारी सोसायटीने...
राज्यातील साखर कारखान्यांकडून एफआरपीचे...पुणे: राज्यातील साखर कारखान्यांनी लॉकडाउन आणि...
शेतमाल नियमनमुक्ती : आहे मनोहर, तरी... पुणे ः संपूर्ण शेतमाल नियमनमुक्तीचे स्वागतच आहे....
कृषी सुविधा निधीला आजपासून प्रारंभनवी दिल्ली ः कृषी क्षेत्रातील पायाभूत सुविधांच्या...
बाजार समित्यांपुढे स्पर्धेचे आव्हान पुणे ः केंद्र सरकारच्या ‘एक देश, एक बाजार'...
धक्कादायक, सरकारी समित्यांमध्ये ...पुणे: पीकविमा योजनेसहित कृषी योजने संबंधित सर्व...