Agriculture news in marathiCongress-NCP Sangli 'Digvijay' | Page 2 ||| Agrowon

काँग्रेस-राष्ट्रवादीचा सांगलीत ‘दिग्विजय’ 

टीम अॅग्रोवन
बुधवार, 24 फेब्रुवारी 2021

सांगली, मिरज आणि कुपवाड शहर महापालिकेचे पंधरावे महापौर म्हणून राष्ट्रवादी काँग्रेसचे दिग्विजय सूर्यवंशी यांची तर उपमहापौरपदी काँग्रेसचे उमेश पाटील यांची निवड झाली.

सांगली : सांगली, मिरज आणि कुपवाड शहर महापालिकेचे पंधरावे महापौर म्हणून राष्ट्रवादी काँग्रेसचे दिग्विजय सूर्यवंशी यांची तर उपमहापौरपदी काँग्रेसचे उमेश पाटील यांची निवड झाली. त्यांच्या निवडीने पालिकेच्या इतिहासात प्रथमच आलेली भाजपची पूर्ण बहुमताची सत्ता अडीच वर्षांत उलथली आहे.

भाजपचे सात सदस्य फुटले होते, त्यापैकी पाच जणांनी राष्ट्रवादी काँग्रेसला मतदान केले, तर दोघे गैरहजर राहिले. दिग्विजय सूर्यवंशी यांना ३९ तर धीरज सूर्यवंशी यांना ३६ मते पडली. निवडणूक निर्णय अधिकारी म्हणून जिल्हा परिषदेचे मुख्य कार्यकारी अधिकारी जितेंद्र डुडी यांनी काम पाहिले. 

महापालिका महापौर आणि उपमहापौर पदासाठी साडेअकरा वाजता प्रत्यक्ष प्रक्रियेस सुरुवात झाली. ऑनलाइन होणाऱ्या या निवडणुकीत काँग्रेस-राष्ट्रवादीच्या सदस्यांनी कोल्हापुरातून तर भाजपच्या सदस्यांनी खरे क्‍लब हाऊसमधून मतदान केले. साडेअकरा वाजता प्रत्यक्ष प्रक्रियेस सुरुवात झाली. त्यानंतर पंधरा मिनिटे अर्ज माघारीसाठी होती. त्यानंतर दिलेल्या लिंकद्वारे बारा वाजता ऑनलाइन मतदान झाले.

गेले चार दिवस भाजपचे सदस्य ‘नॉट रिचेबल’ होते. त्यामुळे भाजपचे महापौरपदाचे उमेदवार धीरज सूर्यवंशी आणि गजानन मगदूम साशंक होतेच. महापौरपदासाठीचा आघाडीचा उमेदवार कॉँग्रेसचा की राष्ट्रवादीचा या बाबतचा सस्पेन्सही कायम होता. कॉँग्रेसच्या उत्तम साखळकर व राष्ट्रवादीच्या मैन्नुदीन बागवान यांनी माघार घेत दिग्विजय सूर्यवंशी यांचा मार्ग मोकळा केला.

भाजपकडे ४२ जणांचे बहुमत होते. मात्र त्यांची सकाळपर्यंतची जुळणी ३६ जणांपर्यंतच झाली होती. दोन सहयोगी सदस्यांपैकी भाजपचे उपमहापौरपदाचे उमेदवार मगदूम होते. अन्य सहयोगी सदस्य विजय घाडगे यांनी कॉँग्रेस आघाडीला मतदान केले. त्यांच्या शिवाय नसीम नाईक, स्नेहल सावंत, अपर्णा कदम, महेंद्र सावंत यांनीही राष्ट्रवादीला मतदान केले. त्यामुळे भाजपच्या चार मतांसह त्यांची हक्काची एकूण सात मते फुटली आणि भाजपचे संख्याबळ ३६ वर घसरले. 

जयंत पाटील यांचा ‘करेक्ट कार्यक्रम’ 
निवडणुकीत राष्ट्रवादी कॉँग्रेसचे प्रदेशाध्यक्ष जयंत पाटील व भाजपचे प्रदेशाध्यक्ष चंद्रकांत पाटील यांची प्रतिष्ठा पणाला लागली होती. जनतेने भाजपला दिलेल्या सत्तेत स्वारस्य नाही, असे सांगत प्रारंभी जयंत पाटील यांनी भाजपला गाफील ठेवले. मात्र संधी येताच करेक्‍ट कार्यक्रम केला. जयंत पाटील यांच्या खेळीने भाजपला नेस्तनाबूत केले. भाजपची पूर्ण बहुमताने आलेली सत्ता प्रथमच उलथवली. 


इतर ताज्या घडामोडी
हापूस म्हणून इतर आंबा विक्री केल्यास...सांगली ः कर्नाटक आणि इतर राज्यांतून येणारा आंबा...
कांदा बियाण्यांत फसवणूक; कृषी विभाग...नगर ः रब्बीत कांदा लागवड करण्यासाठी यंदा गावराण...
नगर, नाशिकमध्ये दीड कोटी टन उसाचे गाळपनगर : नगर व नाशिक जिल्ह्यात आतापर्यंत २६ साखर...
साताऱ्यात ३२३ हेक्‍टरवर पिकांचे मोठे...सातारा : नुकत्याच झालेल्या पूर्वमोसमी वादळी पाऊस...
पुणे जिल्हा बँकेत ११०० कोटींवर ठेवी;...पुणे : देशातील अग्रगण्य पुणे जिल्हा मध्यवर्ती...
सातारा जिल्ह्यात रब्बीत १४४ टक्के कर्ज...सातारा : रब्बी हंगाम सर्वच बँकांनी पीककर्ज वितरण...
डाळिंब पिकाचे २१पासून ऑनलाइन प्रशिक्षणऔरंगाबाद : येथील कृषी विज्ञान केंद्र पैठण रोड व...
बिबट्याच्या हल्ल्यात दोन तरुण जखमीनगर : संगमनेर तालुक्यातील नान्नज दुमाला परिसरात...
सोलापूर जिल्ह्यात 'पूर्वमोसमी'चा २३००...सोलापूर : जिल्ह्यात चार- पाच दिवस झालेल्या...
सोयाबीन उत्पादकता वाढीसाठी प्रकल्प...औरंगाबाद : जालना जिल्ह्यातील आडगाव (भोंबे) येथील...
पाणीटंचाई निवारणाच्या उपाययोजना तातडीने...अकोलाः दरवर्षी उन्हाळ्यात जिल्ह्यातील ग्रामीण...
अकोला ‘झेडपी’च्या जमिनीला मिळाला २२...अकोला : जिल्हा परिषदेच्या मालकीची असलेली शेती ११...
अकोल्यात ५०० बेडचे कोविड हॉस्पिटल उभारा...अकोला : शहर व जिल्ह्यातील कोविड-१९ च्या...
मोताळा कृषी कार्यालयात कोरोनाचा शिरकावबुलडाणा : जिल्ह्यात कोरोना संसर्ग वाढत असून...
‘ताकारी’चे तिसरे आवर्तन २२ एप्रिलपासून...सांगली : ताकारी उपसा जलसिंचन योजनेचे आत्तापर्यंत...
‘म्हैसाळ’च्या पाण्याने तलाव भरून घ्या...जत, जि. सांगली : म्हैसाळ योजनेचे काम अंतिम...
कालव्या अभावी भंडाऱ्यात रखडले सिंचनभंडारा : साठ किलोमीटरचा कालवा पूर्ण होऊन अवघ्या...
वर्धा जिल्ह्यात चार लाख हेक्‍टरवर होणार...वर्धा : जिल्ह्यात खरिपाची लगबग वाढीस लागली आहे....
चहा खाणारे म्यानमारी लोकचहा प्यायचा असतो, हे आपल्याला माहिती आहे. नेहमीचा...
शेतकरी नियोजन पीक : काजूपारपोली आणि बांदा (ता.सावंतवाडी) या ठिकाणी माझी...