agriculture news in Marathi,cotton procurement of marketing federation from 27 November, Maharashtra | Page 2 ||| Agrowon

'पणन'ची २७ पासून कापूस खरेदी

विनोद इंगोले
मंगळवार, 19 नोव्हेंबर 2019

शेतकऱ्यांच्या खात्यात पैसे टाकण्याऐवजी चेकने चुकारे व्हावे यासाठी आम्ही आग्रही आहोत. प्रशासनीकस्तरावर त्याला मान्यता मिळाल्यास हा निर्णय घेतला जाईल. कापसाची खरेदी २७ नोव्हेंबरपासून होणार आहे.
- अनंतराव देशमुख, अध्यक्ष, कापूस पणन महासंघ

नागपूर ः सिसिआयची खरेदी सुरूच असली तरी कापूस पणन महासंघाची खरेदी बुधवारच्या (ता. २७) मुहूर्तावर होणार असल्याच्या निर्णयावर शिक्‍कामोर्तब झाले आहे. राज्यात टप्प्याटप्प्याने तब्बल ४२ खरेदी केंद्रे उघडण्यात येणार असून ती यादीदेखील अंतिम झाली आहे. अमरावती येथील सहकारी जिनिंग परिसरात काटापूजनाने खरेदीची सुरुवात होईल. 

राज्यात मॉन्सूनोत्तर पावसामुळे बोंडातच कापूस भिजला. त्यामुळे कापसाची खरेदी आताच केल्यास ओला कापूस मोठ्या प्रमाणात येण्याची भीती आहे. त्यातच कापसाची स्टेपल लेंथ आणि दर्जाही योग्य नसल्याने असा कापूस खरेदी केल्यास त्यापासून तयार गाठींच्या खरेदीसाठी कोणीच तयार होणार नाही. त्यामुळे यावर्षी कापूस पणन महासंघाकडून दिवाळीच्या आधी व त्यानंतरही कापसाच्या खरेदीबाबत अनिश्चितता होती. बाजारात मात्र कापूस कमी दराने खरेदी होत असल्याने शेतकऱ्यांची अडचण वाढली. त्यामुळे पणन महासंघाने बाजारात हस्तक्षेप करावा, याकरिता दबाव वाढला होता. 

पणन महासंघ स्वतंत्र कापूस खरेदी न करता सीसीआयकरिता एजंट म्हणून खरेदी करतो. त्यामुळे निकृष्ट कापूस खरेदीनंतर त्यापासून तयार गाठींची उचलच सीसीआयने केली नाही तर मग काय, असा प्रश्‍न पणन महासंघासमोर होता. या साऱ्या मुद्यांवर गुरुवारी (ता. १४) मुंबई पणन सचिव अनुपकुमार यांच्याशी कापूस पणन महासंघाचे अध्यक्ष अनंतराव देशमुख, उपाध्यक्ष ॲड. सोळंके, संचालक  प्रसन्नजीत पाटील यांनी चर्चा केली. त्यानंतर बुधवारपासून (ता. २७) पणन महासंघ खरेदी केंद्र उघडण्याचे ठरले.

कापसात आठ टक्‍क्‍यापर्यंत आर्द्रता असेल तरच हमीभाव दिला जाणार आहे. त्यानंतर प्रती टक्क्‍यानुसार प्रती किलोची किंमत कमी होईल. बारा टक्‍क्‍यांपर्यंत आर्दता असेल तर चार किलोचे हमीभावानुसार पैसे कमी केले जाणार असल्याचे पणनच्या सूत्रांनी सांगितले. कापसाचा हमीभाव ५५५० रुपये असून आर्द्रतेचा विचार करूनच शेतकऱ्यांना पैसे दिले जातील.

असे आहेत केंद्र
अकोला:  
 बोरगावमंजू, मानोरा, कारंजा
अमरावती:    अमरावती, लेहगाव, अंजनगाव, अचलपूर, वरुड
नागपूर:    सावनेर, काटोल, पारशिवणी, उमरेड, फुलगाव
नांदेड:    भोकर, तामसा.
परभणी:    गंगाखेड, हिंगोली, परभणी
वणी:    चिमूर, गोंडपिंपरी
यवतमाळ:    यवतमाळ, आर्णी, पुसद, कळंब, उमरखेड
खामगाव:    जळगाव जामोद, देऊळगाराजा
औरंगाबाद:    बालानगर, तुर्काबाद, सिल्लोड, खामगाव फाटा, चापडगाव.
परळी:    माजलगाव, भोपा, धर्मापूरी, गोडगाव हुडा, केज
जळगाव    धरणगाव, अमळनेर, दळवेल, भडगाव, येवला.


इतर अॅग्रो विशेष
कीडनाशकांवर बंदीबाबत अभ्यासच झालेला नाहीपुणे: कृषी रसायन क्षेत्रात काही कीडनाशकांवर...
जालन्यात रेशीम कोषांची उलाढाल ६६...जालना: येथील रेशीम कोष खरेदी बाजारपेठेची यंदाच्या...
कलिंगड, भातशेतीसोबत ब्रॉयलर पक्षांची...सिंधुदुर्ग जिल्ह्यातील पेंडूर कनकवाडी येथील दीपक...
दूध आंदोलनाची पुढील दिशा आज ठरणारनगर ः दुधाला प्रतिलिटर तीस रुपये दर मिळावा आणि...
पॉवर टीलर आयातीवर निर्बंधपुणे: भारत-चीन वादाचा फटका आता पॉवर टीलर...
नगर जिल्ह्यात तेलकट डागांमुळे डाळिंब...नगर ः नगर जिल्ह्यात यंदा छोटी तसेच तोडणीला...
शेळीपालन, श्‍वान, देशी कोंबडीपालनातून...शेळीपालन, मग श्‍वानपालन व आता देशी कोंबडीपालन अशी...
राज्यात ठिकठिकाणी पावसाच्या हलक्या सरीपुणे ः  कोकण, मध्य महाराष्ट्र, खानदेश,...
लक्ष वळविण्याची राजकीय खेळी!एखाद्या महासंकटाचा राजकीय लाभ कसा उठवायचा हे...
जो पारदर्शी तोच टिकेलकेंद्र सरकारने ‘एक देश एक बाजार’ योजनेची घोषणा...
आदिवासी महामंडळातर्फे ४९ लाख क्विंटल...नाशिक : कोरोनाच्या संकट काळात आदिवासी विकास...
संशोधनासाठी मोसंबी वाणांचे जतन फायदेशीर...बदनापूर, जि. जालना : मोसंबी फळपिकांच्या विविध...
परभणी जिल्ह्यात कापसाची ३६ लाख क्विंटल...परभणी ः कोरोना साथीमुळे लांबत गेलेला परभणी...
अल्पभुधारक शेतकऱ्यांच्या सबलीकरणावर भर नवी दिल्ली: शेती क्षेत्राला चालना देण्यासाठी...
रानभाज्या विक्रीतून रोजगार निर्मितीचा...नाशिक: राज्यातील आदिवासी भागात नैसर्गिक पद्धतीने...
कोकण, मध्य महाराष्ट्रात पावसाचा शिडकावा पुणे ः पावसाचा जोर कमी झाल्याने कोकण, मध्य...
चीनकडून बियाणे दहशतवादाचा धोका पुणेः देशातील बियाणे वारसा आणि बीजोत्पादन उद्योग...
बेकायदा ‘एचटीबीटी’मुळे तीनशे कोटींचा...पुणे : बेकायदेशीर तणनाशक सहणशील (एचटीबीटी) कापूस...
कोल्हापुरात पावसाचा जोर ओसरला कोल्हापूर: जिल्ह्यात पावसाचा जोर ओसरला आहे....
मोसंबी कलमांची दुप्पट विक्री औरंगाबाद : पाण्याच्या उपलब्धतेबाबत सुखद...